غزل
ملک شمشادعلی باد
اک غزل لئی کلام اُدھورا رہ گیا
لکھدے لکھدے اک نام اُدھورا رہ گیا
اج جنڑی اک نقطے دے اگے پچھے
جو کرنا سی اوہ کام اُدھورا رہ گیا
جاون والے نوں پُچھاں تے کیہ پُچھاں؟
اس قصے دا انجام اُدھورا رہ گیا
عمر قید دی پھاہی پہلے گل وچ پئی
لگیا سی جو الزام اُدھورا رہ گیا
سدھراں نال سجایا سی میں مے خانا
خورے کیوں کر فیر جام اُدھورا رہ گیا
لمے پینڈے‘ گھُپ انھیراے میں بے آسا
اک شام نوں اُوندا شام اُدھورا رہ گیا
