غزل
منصور عزمی
میرے گھر دے وچ وی جے کر آٹا دانا ہوندا
فیر میں کاہنوں جھلاّ رہندا رَج سیانا ہوندا
جے میں ہک نہ ڈاہوندا پنڈ دے چودھریاں دے اگے
کمی میرے وانگوں میرا بیبا رانا ہوندا
کھل لہا کے تینوں نہ فر سولی چڑھنا پیندا
جے اس دیس دے لوکاں ورگا تیرا بانا ہوندا
ایویں نہ فر بے دوسے نوں بندی خانے ڈکدے
کار جے میرے تھلے ہوندی گھر دا ٹھانا ہوندا
میں وی عزمی چار کتاباں پڑھ کے بن دا افسر
بھٹھے دی تھاں میرا وی سکول جے جانا ہوندا
