درشان حضرت حسّان بن ثابتؓ

عبدالحمید نظامی

قلم پھڑ کے ہر کوئی بیٹھ جاندائے لکھن واسطے نعت میدان اندر
جذبہ لے کے نبی دے عشق والا شعر ڈھالدائے ہر عنوان اندر
ہر اک سوچ تھلے ہر اک شعر تھلے مینوں لگدا ایس گمان اندر
اوہ شاعر نظامیؔ سرکار دا سی سارا نعت دا سخن حسان اندر
کملی والے حسّانؓ توں نعت سُنی وچ بٹھا کے دوستاں یاراں دے وچ
کلے بیٹھ کے کدی پئے سُن دے نے کدی بیٹھ کے آپ ہزاراں دے وچ
ممبر اُتے بٹھا کے سن دے نے تھلے بیٹھ کے تابع داراں دے وچ
نعت جیہڑی نظامی حسّانؓ پڑھی ، پڑھی اوہناں دروداںدے ہاراں دے وچ
جہناں نعت دے لفظ نوں ٹوریا اے اچا مرتبہ شان حسّانؓ داائے
نعت لکھ لینی نعت پڑھ لینی نعت خوانی میدان حسّانؓ داائے
بچے بچے دی اج زبان اُتے نعت نبی فیضان حسّانؓ داائے
اوہ دریا نظامیؔ تے میں قطرہ میرے اُتے احسان حسّانؓ داائے