داتا میرے کول
عبدالحمید نظامی
ہر دم خواب خیالاں اندر میں داتا دے کول داتا میرے کول
میں تے سوہنے داتا اتوں جندڑی دیواں گھول میں داتا دے کول
آسے پاسے ٹردا پھردا ایویں کولوں لنگھ جاندا ساں
داتا صاحب دی چوکھٹ آکے جرے کاہنوں سنگ جاندا ساں
کرم نوازیاں پاروں دل نوں مل گیا داتا ڈھول داتا میرے کول
خبرے ہور میں کناں عرصہ روندے دھوندے رہنا سی
داتا جے نہ ملدا مینوں خبرے کتھے جا میں بہنا سی
مینوں میرے دکھاں درداں دینا سی انج رول داتا میرے کول
داتا صاحب جی ہن نہ ہووے تیرے در توں کدے وی دوری
ایتھے اوتھے لیکھاں دے وچ ہندی رووے حضوری
رکھنا دست شفقت اپنا مر نہ جاں انبھول داتا میرے کول
ایہہ تے کرم نوازیاں سمجھاں سونہہ رب دی من اپنے تے
کسے نے آکھیا چل نظامیؔبخت جگائوے سُتے
پیر ضیاء تے بانہہ پھڑ میری لے آندا سی کول
ہر دم خواب خیالاں اندر داتا میرے کول
