گستاخانہ خاکے بنان والیاں اُتے لعنت

لكهت:طیبہ ضیاء چیمہ

’’بے شک جیہڑے لوک اللہ تے ایس دے رسول صلی اللہ علیہ وسلم نوں تکلیف دیندے نیں اللہ تعالیٰ دی طرفوں دنیا و آخرت وچ ایہناں اُتے لعنت اے تے ایہناں لئی ذلیل کرن والا عذاب تیار رکھیا اے‘‘ (احزاب۵۷) گستاخان رسول صلی اللہ علیہ وسلم اُتے آپ پروردگار لعنت گھل رہیا اے۔ اللہ دے حبیب دی شان وچ گستاخی کرن والے لعنتی جہنمی دونواں جہاناں وچ نشان عبرت بن دے نیں۔ وزیراعظم عمران خان نے ایہناں خبائث نوں اقوام متحدہ دے خطابات دے علاوہ کئی وار سمجھان دی کوشش کیتی اے کہ مسلمان اپنے نبیؐ دے معاملے وچ بوہت حساس نیں۔ نبی آخر زماںؐ نال محبت مسلمان دا ایمان اے۔ گستاخی رسولؐ کسے وی صورت وچ کسے طور برادشت نہیں کیتی جا سکدی۔ مسلماناں دے جذبات مشتعل کرن توں گریز کرن۔ ایس بُرے عمل دا رد عمل وی شدید ہوندا اے پر لگدا اے یورپی ملکاں نے مسلماناں نوں ایذا اپڑانا اپنے آئین دا حصہ بنا رکھیا اے۔ وزیراعظم پاکستان عمران خان نے اتوار دے دن فیس بک دے سربراہ مارک زکر برگ نوں اک خط وچ گزارش کیتی اے کہ اوہ اپنے سوشل میڈیا پلیٹ فارم توں اسلام مخالف مواد ہٹان تے انج دا اسلاموفوبک مواد شائع کرن اُتے پابندی عائد کرن۔ فرانس اک وار فیر اسلام دشمنی وچ حداں پار کر گیا، فرانس وچ گستاخانہ خاکیاں نوں پہلے اخباراں وچ شائع کیتا جاندا رہیا تے ہن ایہناں خاکیاں نوں سرکاری عمارتاں اُتے وکھایا گیا تے ایس گھنائونے کھیڈ وچ فرانسیسی صدر میکرون وی شامل سی۔ جس دے بارے وچ ترک صدر اردوان نے بوہت ٹھیک کہیا کہ میکرون نوں اپنے دماغ دا علاج کروانا چاہیدا اے۔ فرانس وچ گستاخانہ خاکے وکھان دے بعد فرانسیسی صدر دی طرفوں ایس دی حمایت وچ بیا ن دین اُتے پوری دنیا وچ عالم اسلام سراپا احتجاج اے، پاکستان دی سینٹ تے قومی اسمبلی وچ گستاخانہ خاکے وکھان اُتے مذمتی قرار داداں پیش کر دتیاں گئیاں۔ ترک صدر دا کہنا سی کہ فرانسیسی صدر دا گستاخانہ خاکیاں اُتے رویہ ٹھیک نہیں، یورپی ملکاں نوں فرانسیسی صدر دے ایس اقدام دی مذمت کرنی چاہیدی اے، فرانسیسی صدر مسلماناں دے جذبات مجروح کر رہے نیں، ایس ویلے کجھ اسلامی ملکاں سنے عرب ملکاں وچ فرانس دے خلاف شدید غم و غصہ تے احتجاج کیتا جا رہیا اے، متعدد عرب ملکاں نے فرانسیسی مصنوعات دا بائیکاٹ کر دتا اے۔ ایس ویلے کویت، اردن تے قطر سنے کئی عرب ملکاں دے نکے وڈے سٹوراں اُتے فرانسیسی مصنوعات نوں ہٹا دتا گیا اے، فرانس وچ حضور اکرم صلی اللہ الیہ والہ وسلم دی توہین اُتے مبنی خاکیاں دی اک وار فیر توں تشہیر کرن اُتے عرب ملکاں توں سخت رد عمل آ گیا اے۔ فرانسیسی مصنوعات دے بائیکاٹ دے بعد فرانس دے صدر نے عرب ملکاں نال اپیل کیتی اے کہ ایہناں دی مصنوعات دے بائیکاٹ نوں فوری طور اُتے ختم کیتا جائے۔ ایس ویلے پوری دنیا وچ عمومی طور اُتے مغربی ملکاں، یورپ و امریکا وچ اسلاموفوبیا دی لہر شدید تر ہوندی جا رہی اے۔ مسلماناں دے نال ناروا، بیجا تے امتیازی سلوک نیز اسلام نوں بدنام کرن تے ایس دی مقدس ہستی دی توہین کرن دے واقعے ہن مغرب وچ معمول بن دے جا رہے نیں۔ آزادی رائے دی آڑ وچ گستاخانہ خاکے بنانا معمول بن چکیا اے تے ہن تے حد ہو گئی جدوں فرانس دے صدر نے وی ایس نجس عمل دی برملا حمایت کر دتی۔ مغربی ملکاں وچ گستاخانہ خاکیاں دا سلسلہ دن بدن ودھدا جا رہیا اے۔ فرانس وچ گستاخانہ خاکیاں دی نویں لہر شروع ہو گئی اے۔ ایس توں پہلے وی متعد دواقعے ہو چکے نیں۔2006وچ پاکستانی شہری عامر چیمہ نے جرمنی وچ گستاخانہ خاکے شائع کرن والے معلون ایڈیٹر نوں جہنم واصل کیتا۔ گستاخانہ خاکیاں دے شیطانی عمل دا آغاز ڈینش اخبار ’’جے لینڈ پوسٹان‘‘ نے2005 وچ کیتا تے کجھ مہینے بعد فرانس دے ہفتہ وار اخبار ’’چارلی ایبڈو‘‘ نے ایہناں نوں شائع کر کے مزید نفرت تے اشتعال نوں ہوا دتی، پوری دنیا وچ مظاہرے ہوئے حتیٰ کہ یورپین ملکاں وچ سوجھ بوجھ رکھن والے یورپین شہریاں نے وی ایس عمل دی مذمت کیتی پر انتہا پسند اسلام مخالف بندیاں نے ’’اظہار رائے کی آزادی‘‘ دا ناں دے کے ایہناں اخباراں دی تعریف تے حمایت کر کے ایہناں دے حوصلے ودھائے، 2015 وچ چارلی ایبڈواخبار دے دفتر اُتے حملہ ہویا تے ایس حملے وچ اخبار دے عملے تے اوتھے موجود کجھ مہماناں سنے 12 بندیاں نوں فائرنگ کر کے مار دتا گیا جس دی ذمے داری شریف تے سعید کواچی نامی دو بھراواں نے قبول کیتی، موقعے دے شاہدین دے مطابق گستاخانہ خاکیاں دی اشاعت وچ ملوث اخبار دے عملے نوں مارن دے بعد شریف تے سعید کواچی نے اوتھے موجود لوکاں نوں مخاطب کر کے کہیا سی کہ ’’اسیں اپنے پیغمبر صلی اللہ علیہ وسلم ‘‘ دی شان وچ گستاخی دا بدلہ لے لیا اے۔ ستمبر وچ فرانس وچ متنازعہ خاکے بنائے گئے، ہن فیر ایہہ شر ودھایا گیا تے ایس دے رد عمل وچ 18 سالہ مسلمان نوجوان نے ٹیچر نوں واصل جہنم کیتا۔ مسلماناں نوں تکلیف اپڑانا جویں لعنتی طبقے نے اپنا مشن بنا رکھیا اے۔ اٹ دا جواب پتھر نال دین دا اک ای طریقہ اے کہ جتھے انج دا متنازعہ واقع پیش آئے ایس ملک دی مصنوعات لینا بند کر دتیاں جان۔