ڈاکٹر شائستہ نزہت دی نویں تصنیف آگاہی کا دریچہ

تحریر حمیداللہ بھٹی

بدلدے دن رات دے نال ہر شعبے وچ تبدیلیاں آ رہیاں نیں کدی مذہبی حوالے نال ای کتاباں دی اہمیت حاصل سی فیر اک ویلا انج دا آیا کہ قصے کہانیاں کتاباں دی زینت بنن لگیاں ایسے دوران شاعری نے کتاباں وچ تھاں پائی جس طرح دنیا وچ نویں نویں ایجادات متعارف ہو رہیاں نیں ایسے طرح کتاباں وچ وی نویں مواد لفظاں دا حصہ بنن لگے نیں مذہب، قصے کہانیاں تے شاعری دے نال ہن کتاباں وی ہر پہلو دا احاطہ کرن لگیاں نیں، سائنسی ایجادات ہون یا انسالی پہلو، کتاباں دا حصہ بنن لگے نیں سوشل میڈیا نے جے کتاب نوں متاثر کیتا اے تے کتاب نے وی کاغذی صفحیاں توں نکل کے سوشل میڈیا وچ تھاں بنانا شروع کر دتی اے ایس لئی کتاب دی اہمیت گھٹ نہیں ہوئی بلکہ سوشل میڈیا اُتے موجود معلومات اُتے اکھاں بند کر کے یقین نہیں کیتا جا سکدا پر اج وی کتابی معلومات وچ سچائی دی شرح بوہت بہتر اے ایسے لئی معلومات لئی کتاب تو ں رہنمائی لئی جاندی اے ایہہ اعتماد کوئی جدت متاثر نہیں کر سکی۔
سائنسدان، سیاسی و مذہبی رہنما خود نوشت تے سرگزشت لکھ کے اپنے حلقہ احباب تے چاہن والیاں اُتے خفیہ گوشے عیاں کردے نیں مقصد جانکاری دینا ہوندا اے کتاباں دے مواد وچ اینی تبدیلیاں آ گئیاں نیں کہ قاری جو پڑھنایا جاننا چاہندا اے ایہنوں مزاج دے مطابق کتاب توں مواد مل جاندا اے تے خود نوشت تے سرگزشت دے علاوہ کتاباں وچ انج دے تنقیدی مواد دی وی کمی نہیں جیہڑے چنگے بھلے صاحب کردار دے بخیے اُدھیڑ ن وچ سفاکی دی حد تیکر چلا جاندا اے لفظ لفظ گھٹ نشتر زیادہ محسوس ہوندے نیں مذہب، قصے کہانیاں تے شاعری، سائنسی ایجادات تیکر ای کتاباں محدود نہیں رہیاں بلکہ انسان تے زبان و بولیاں وانگوں کتاباں دا دامن وی وسیع توں وسیع تر ہوندا جا رہیا اے کیوں جے انسانی ذہن نوں اپنی سوچ دے رنگ صفحیاں دی زینت بنان لئی ایتھے کوئی روک ٹوک نہیں۔
عام طور اُتے شخصیات اُتے لکھیاں گئیاں کتاباں وچ تعریف تے تنقید دی بھرمار ہوندی اے پر کجھ انج دی وی کتاباں نیں جیہڑی آگاہی دے کے فیصلہ قارئین اُتے چھڈ دیندی اے کہ اوہ چاہن کتابی کردار دے بارے رائے قائم کر لین علم و ادب دے وڈے ناں ڈاکٹر شائستہ نزہت نے چوہدری شجاعت حسین دانشوراں دی نظر وچ اک انج دی ای کتاب تخلیق کیتی اے جس وچ ہر حامی و مخالف نکتہ دان نوں تھاں دتی گئی اے کوئی دائیں بازو دا حامی اے یا بائیں بازو دا پرچاک اے کسے نے تعریف و توصیف کیتی اے یا تنقیدی نشتر چلائے نیں مصنفہ نے کتاب وچ تھاں دیندے ویلے پسند نہ پسند نوں آڑے نہیں آن دتا آگاہی دی آرزو پوری کردے ہوئے تشتگی نہیں رہن دتی کسے دی طرفداری نہ کرنا مثبت راہ اے کسے دی خوبیاں و خامیاں اجاگر کردے ہوئے غیر جانبداری برقرار رکھنا وی انج دی خوبی اے جنہوں سراہے بنا نہیں رہیا جا سکدا ۔ ڈاکٹر شائشہ نزہت نے بڑی شائستگی توں نکتہ داناں دے خیالات ترتیب دے کے کتابی شکل دتی اے جس وچ علم آگاہی دا کافی سامان اے اردو تے انگریزی دونواںزباناںنوں تھاں دے کے توازن بحال رکھن دی کوشش کیتی اے کالماں دے انتخاب وچ جس طریقے و سلیقے دا مظاہرہ کیتادا مظاہرہ کیتا اے اوہ ڈاکٹر شائستہ نزہت دا ای کمال اے کیوں جے عام طور اُتے شخصیات اُتے لکھی جان والی کتاباں وچ توصیفی مواد دی بھرمار ہوندی اے تے جتے جاگدے انسان نوں فرشتہ بنا دتا جاندا اے پر ڈاکٹر شائستہ نزہت نے انج کجھ نہیں کیتا واقفانِ حال دے خیالات دے انتخاب وچ حامی و مخالف دونواں دی آرا شامل کیتی گئی اے۔ حامد میر، حسن نثار ، عطا الحق قاسمی، نذیر ناجی، جاوید چوہدری، رئوف کلاسرا، انصار عباسی، عرفان صدیقی قیوم صدیقی نوں تھاں دتی گئی اے تے ہارون رشید، مفتی منیب الرحمٰن ،مولانا زاہد الراشدی نوں وی نظر انداز نہیں کیتا گیا ایہہ وسعت قلبی مصنفہ دی دیانتدارانہ سوچ دی عکاس اے۔
چوہدری شجاعت حسین دی سیاسی اہمیت اُتے قلم چکدے ہوئے محترمہ شائستہ نزہت نے حقائق دی نقاب کشائی اُتے ای اکتفا کیتا اے فوجی ادوار دے مقدمیاں، حبیب جالب دی شاعری تے چوہدری شجاعت حسین دی زبانی کجھ واقعیاں دی تحریر وچ وی اک قسم دا ٹھہرائو اے۔ مقدمیاں دے باوجود اداریاں توں محاذ آرائی توں دوری نوں ڈاکٹر شائستہ نزہت نے صفحیاں دی زینت ضرور بنایا اے پر رائے دین نال پہلو تہی کیتی اے ممکن اے ایس وچ ایہناں نوں اپنی غیر جانبداری متاثر ہون دا اندیشہ ہوئے یا فیر ایہہ وی قارئین دی سوجھ بوجھ اُتے چھڈن دی سوچ دا حصہ ہوئے جیہڑا وی اے جے اختصار توں تبصرہ وی کر دتا جاندا تے کوئی خاص مضائقہ نہیں سی پر ظاہر اے ایہہ مصنفہ دی صوابدید اے، اوہناں نے کجھ سوچ کے ای تبصرہ ٹھونسنا مناسب نہیں سمھیا۔
عبدالقادر حسن نے میاں نواز شریف دی علاج لئی بیرون ملک روانگی دے حوالے نال چوہدری شجاعت حسین دی تائید نوں وضع داری قرار دیندے ہوئے لکھیا اے کہ شجاعت حسین کسے وی حکومت دے ا تحادی ہون یا خود حکومت وچ ہون اوہ کلمہ حق کہن توں نہیں ڈردے جد کہ ہارون الرشید نے تنقید کالم وچ تحریر کیتا اے کہ تاریخ کہندی اے کہ اقلیت کدی تادیر حکومت نہیں کیتا کردی، تاں شائستگی تے وقار پر جرات و استقلال دے نال نظام انصاف دی تحریک جاری رہنی چاہیدی اے پر ساری کوتاہیاں دے باوجود چوہدری شجاعت حسین دے سینے وچ دل اے پتھر نہیں کہہ کے اوہ وی وضع داری سراہے بنا نہیں رہے۔ منو بھائی نے مسلم لیگ قائداعظم دے زوال دی نشاندہی دے دوران ایہہ تسلیم کرن وچ عار محسوس نہیں کیتی کہ اوہ پنجاب دی تیجی وڈی سیاسی قوت اے۔ حامد میر نے چوہدری شجاعت حسین دی خود نوشت اُتے توصیفی کالم وچ سرپرائز کہندے ہوئے لکھیا اے کہ مینوں توقع نہیں سی کہ چوہدری شجاعت حسین اینا سچ بول سکن گے۔ رئوف کلاسرا نے چوہدریاں دے ڈیرے آباد ہو گئے کے عنوان توں عمران خان حکومت دا حصہ بنن نوں کالم دا موضوع بنایا اے تے جماعت دے اہم رہنمائواں دی سیاسی مفاد پرستی دے طور اُتے ناطہ توڑن نوں اجاگر کردے ہوئے چوہدری شجاعت حسین دی طرفوں امیر مقام تے شیخ وقاص اکرم دی سیاسی مفارقت اُتے رنج نوں تحریر دا حصہ بنایا خیر سیاست وچ کیہڑا دل ہوندا اے جس دا جتھے مفاد ہو جان وچ کوئی تاخیر نہیں کردا موجودہ حکومت وچ ایم کیو ایم تے اپوزیشن وچ مسلم لیگ ن تے پیپلز پارٹی نوں ویکھ لوئو مفاد پرستی تے ابن الوقتی واضح نظر آندی اے۔
حالات و واقعات توں آگاہی نہایت ضروری اے بحیثیت طالب علم وی تے اک محب الوطن ہون دے ناطے وی، کیوں جے ماضی تے حال توں آگاہ ہوئے بغیر مستقبل دی درست پلاننگ ممکن نہیں چوہدری شجاعت حسین دانشوراں دی نظر وچ آگاہی دا انمول خزانہ اے ایہہ کتاب تعریف و توصیف دی بجائے سیاست دے مخفی پہلوئواں توں پردہ چکدی اے سیاسی واقعات دے چشم دید کرداراں دی رائے سنی سنائی گلاں توں زیادہ معتبر ہوندی اے ایس کتاب وچ انج دا ای پیغام اے باذوق قارئین لئی ایس دا مطالعہ ضروری اے مطالعہ وچ صرف کیتا ویلا تہانوں ضائع محسوس نہیں ہوئے گا بلکہ اک قسم دی آگاہی دا احساس دلوائے گا۔