ُّکامرانیاں کنجاہ دے پربندھ ہیٹھ شریف کنجاہی ایوارڈز 2020
پنجاب دی 10 نامی شخصیات نوں ایوارڈز دِتے گئے ، مقررین نے ایس ادبی کاوش نوں سراہیا
رپورٹ: محمد اویس باسل900
ادارہ کامرانیاں کنجاہ دے پربند ہیٹھ پنجاب دی 10 نامی شخصیات نوں شریف کنجاہی ایوارڈ 2020 دان کیتا گیا۔اکٹھ دی پردھانی مہان شاعر سخی کنجاہی ہوراں کیتی۔ کالم نگار جاویداقبال رندھاوا تے صدر پریس کلب کنجاہ عبدالحفیظ صراف اُچیچے پروہنے سن۔
ایوارڈ دا مان حاصل کرن والیاں وچ سید کبیر حسین اختر سوہاوہ حاجی لطیف کھوکھر لاہور اشتیاق نوشاہی گوجرخان زاہد اقبال ننکانہ،شاہ زیب باجوہ ، ارسلان احمد، عروس فاروقی،شفران اقبال، تنویر اقبال تنویر رنگیلا کنجاہی گجرات ہوراں دے ناں شام سن۔کنجاہ ضلع گجرات دی دھرتی شعر و ادب دے حوالے نال اک اپنا خاص حوالہ رکھدی اے۔ شریف کنجاہی روحی کنجاہی غنیمت کنجاہی ورگے وڈے ناں اس دھرتی دے سپتر نیں۔ اس توں وکھ نشانِ حیدر میجر شبیر شریف شہید تے جنرل راحیل شریف دا خمیر وی کنجاہ دی مٹی چوں اے۔
اس دھرتی دا اک ادبی پُتر احسان فیصل کنجاہی اپنے شہر توں ادبی سیوا وچ جُتیا ہویا اے۔ پچھلے تیرہ سال توں کنجاہ توں شریف کنجاہی ایوارڈ جاری کر ریہا اے۔تیرھویں ورہے وار شریف کنجاہی ایوارڈ اکٹھ دا پربند گورنمنٹ اسلامیہ بوائز ہائی سکول کنجاہ وچ کیتا گیا۔ جس وچ مہان ادبی،صحافتی، سماجی تے فنون لطیفہ نال جُڑت رکھن والی دس شخصیات نوں 2020 دا شریف کنجاہی ایوارڈ تے مانتا پتر دان کیتے گئے۔ اس اکٹھ وچ عام لوکائی توں ہٹ کے علاقے دے ادباء شعراء دی اک وڈی تعداد نے رلت کیتی۔
جنہاں وچ عارف علی میر ایڈووکیٹ، محمد زمان اختر، محمد نصیر ناظم،تفاخر محمودگوندل،اشرف نازک کنجاہی، منیر چشتی کنجاہی، علی احمد گجراتی، فصیح اللہ جرال، شاہد گلزار،صدیق مجاہد،بابا بشیر ملنگ،خبیب احمد،نعیم الدین فاروقی،طیب منیب،محمدسلیم رحمانی ہوراں دے ناں اچیچ نال شامل سن۔پروگرام دا ٹورا اللہ سوہنے دے پاک کلام نال ٹوریا گیا۔ سخی کنجاہی ہوراں آقاؐ دی بارگاہ وچ نعت پیش کیتی۔مجمان احسان فیصل کنجاہی ہوراں پروہنیاں دا سواگت کیتا تےکنجاہ دا تعارف کروایا۔ پروگرام دے آخر تے پروہنیاں نوں رات دا کھانا پیش کیتاگیا۔ ادبی و سماجی حلقیاں ولوں اس ادبی کاوش نوں بہت سراہیا جاریہا اے۔
