پنجاب تے پنجابی غیرت دا نشان نیں
میں پنجابی ہون دے ناتے ہر اوس شخص نال پیار کرنا ہاں جیہڑا میری ماں بولی تے میری رہتل نال محبت کرداے۔جیہڑا میرے دیس پنجاب دا مقدمہ لڑے تے تریخ نوں مسخ کرن والے بدبختاں نوں حقیقت نال آشنائی کرائے،میرا مِتر اوہو ای اے۔
سچی دساں تے میرے ہر تعلق،بھاویں اوہ محبت نال جُڑیا ہووے تے بھاویں نفرت نال،اوہدا معیار ای پنجاب تے پنجابی اے۔ایس معیار اُتے ویکھاں تے مینوں فواد چوہدری اونھاں لیڈراں توں وڈا نظر آوندا اے جنھاں پنجاب دا ناں لے کے کئی کئی ورھے حکومتاں کیتیاں،پر پنجاب دے مفاد دی گل کدی نہیں کیتی۔پنجاب دا ناں لے کے،پنجاب تے پنجابی دے حقاں دا سودا کیتا۔پنجاب دے پانیاں تے وفاق توں ملن والے خزانے دا سودا کیتا۔پنجاب ویچ کے اپنی سیاست چمکائی۔مینوں اجیہے ہر لیڈر توں نفرت اے، جیہڑا پنجابی ہوکے پنجابی دی گل نہ کرے تے پنجابیاں نوں گالھ مندا کرن والیا دے موڈھے نال موڈھا لا کے کھلووے۔
تسیں پی ڈی ایم وَل ای ویکھ لئو،پنجاب دی دھی مریم نواز اونھاں لوکاں نال کھلوتی اے جیہڑے پنجاب تے پنجابی نوں برا کہن نوںای سیاست سمجھ دے نیں۔ایہناں فوج نوں گالھ کڈھنی ہووے یا دوجے صوبیاں وچ لوکائی دیاں مصیبتاں دا رون رونا ہووے،ایہہ پہلاں پنجابی نوں برا بھلا کہن گے۔دوجیاں صوبیاں وچ غریبی دی گل ہووے یا سہولتاں دی گھاٹ دا معاملہ،بھیڑا پنجاب نوں ای آکھیا جائے گا۔مینوں مریم نواز دا بوہت احترام اے،پر اوہنوں وی ایس مٹی دا احترام کرنا چاہیدا اے جنھے اونھوں جمیا تے جیہدے اندر اوہدے وڈ وڈیریاں دیاں ہڈیاں دفن نیں۔کسے سچے پنجابی دے سامنے اچکزئی جیہابے غیرت پنجابی یا پنجاب نوں برا آکھے تے اوہدی غیرت سُتی رہ جاوے،ایہہ کیویں ہو سکدا اے؟۔
مریم نواز جی!سیاسی مجبوریاں اپنی تھاویں، پرغیرت مند تے اوہو ای ہندے نیں جیہڑے اپنی ماں بولی تے رہتل اُتے بھونکن والے کُتیاں دیاں زباناں کھچ لین۔تہاڈے سامنے کوئی اپنیاں چوٹھیاں تاویلاں راہیں تریخ نوں مسخ کرکے تہاڈے وڈیاں نوں بے غیرت تے بزدل ہون دا میہنا مارے تے تسیں چپ کھلوتے بس تماشا ویکھو؟ فیرتہانوں کیویں غیرت مند منیاں جا سکدا اے؟؟۔مریم جی!تُسیں اچکزئی دی بکواس سنی فیر کوئٹہ جلسے اندر وی پنجابیاں نوں گالھ مندا کیتا گیا تے پشور وچ وی کجھ کمینیاں اپنیاندر دا گند تقریراں راہیں پنجاب اُتے ملن دی کوشش کیتی،پر تسیں کوئی احتجاج نہ کیتا۔غیرت مند تے بے غیرت دا فرق جاننا جے تے فیر کسے دیہاڑے ایسے پی ڈی ایم دیجلسے وچ سندھی یا بلوچ بارے کوئی سچی گل ای کر کے وکھاو،ایہہ سچ بولو کہ پنجاب بلوچ بھراواں نوں روزگار دیندا اے پر اوتھوں ہمیشہ پنجابی مزدوراں دیاں لاشاں ہی واپس آوندیاں نیں۔ پنجاب سندھ اُتے اپنا پانی تے وسائل قربان کردا اے پر سندھی نے پنجاب نال ہمیشہ نفرت ای کیتی اے۔تسیں ایہہ سچ بولوتے فیر ویکھوجعلی جمہوریت پسندبلاول نوں تے ایس چوٹھے ترقی پسنداچکزئی زئی نوں،کہ اوہ تہاڈے نال کیہ سلوک کردے نیں۔میں ایہہ نہیں کہندا کہ دوجیاں صوبیاں نال جُڑ کے نہیں کھلونا چاہیدا،اسیں سب پاکستانی ہاں تے پاکستان ای ساڈی اجتماعی پچھان اے۔پراتحاد تے اتفاق دا ایہہ فارمولا سب لئی اکو جیہا ہونا چاہیدا اے۔پنجاب نال نفرت تے ایہنوں گالھ کڈھنا ای جمہورت یا ترقی پسندی نہیں۔مریم نواز ہوریں اپنی سُتی غیرت جگاون تے سیاست دان دے نال نال پنجابی ہوکے وی سوچن،غیرت مند دھیاں تے پُتر اوس تھاویں تُھکدے وی نہیں جتھے اونھاں دے ماپیاں دی عزت نہ ہووے۔جس مٹی اندر تہاڈی ماں دفن اے اوہدی قدر کرنی سکھو،تاں جے تہانوں تریخ دے اس باب دا حصہ بننا نصیب ہووے جیہڑا غیرت منداں داراوی ہووے گا۔
اخیر اُتے میں فواد چوہدری نوں سلام پیش کرنا ہاں جنھے غیرت مند پنجابی پُتر ہون دا ثبوت دِتا اے۔اوہ مینوں ہر اس تھاویں پنجاب دا وکیل بنیا نظر آوندا اے جتھے نواز لیگ سنے وڈیاں سیاسی جماعتاں بے غیرت بن کے پنجاب تے پنجابی نوں گالھاں کڈھن والیاں دیاں جُتیاں سدھیاں کردیاںنظر آوندیاں نیں۔فواد چودھری نے اج وی اپنے ٹویٹ راہیں پنجاب اُتے بھونکن والے کُتیاں نوں آکھیا اے کہ تُسیں اپنی لُٹ مار دا حساب دیو،پنجاب نوں گالھ کڈھ کے تُسیں بلوچ یا سندھی بھراواں دیاں محرومیاں تو اکھاں نہیں چرا سکدے۔اج ہر کوئی جان دا اے کہ ایہناں محرومیاں دے ذمے دار پنجابی نہیں بلکہ بلوچ،سندھی تیاوہ پختون لیڈر نیں جنھاں لوکائی دی تھاویں آپ دولتاںاکٹھیاں کیتیاں،اپنے ڈھڈ بھرے تے لوکائی نوں بھکھ ننگ ونڈی۔
اج زمانہ بدل گیا اے،اوہ ہندوستانی ایجنٹ بے نقاب ہورہے نیں، جیہڑے پنجاب دا ناں لے کے دوجیاں صوبیاں اندر نفرت دیبیہ بیجدے رہے۔میں ایہ وی دس دیواں کہ ہن پنجابی وی رد عمل دے رہیا اے،اوہنے بوہت برداشت کرلیا۔اَن پانی دے کیگالھاں کھالیاں،روزگار تے آسرا دے کیلاشاں ڈھو لیاں۔۔۔ہن بوہت ہوچکی،اپنیاں زباناں نوں لگام دیو۔ نہیں تاں پنجابی تہاڈا علاج وی کر لین گے تے لتر پئولا وی۔جیویں اوہ تریخ دے ہر موڑ اُتے کردے رہے۔دُل?ا بھٹی،احمدخاں کھرل تے بھگت سنگھ اَج وی پنجاب دے جواناں اندر غیرت تے اَنکھ بن کے زندہ اے۔اگ نال نہ کھیڈو،نہیں تاں تہاڈے ہتھ وی سڑن گے تے پچھواڑا وی۔
پنجاب دا کھا کے پنجاب نوں گالھاں کڈھن والے حرام خوراں اُتے کروڑا ں لعنتاں
تے پنجاب دا مقدمہ لڑن والے فواد چوہدری جیہے غیرت مند پُتراں نوں لکھ کروڑاں سلاماں۔
