پاکستانیت دی تلاش

لكهت:آصف عنایت

قانون قدرت اے کہ اوہ زندگی وچوں موت تے موت وچوں زندگی، خیر توں شر تے شر توں خیر کڈدا اے کجھ اوقات تدبیر ہلاکت تے ہلاکتاں کائنات دے ارتقا دا باعث بن جاندیاں نیں۔ ایس ورھے کرونا وائرس نے دنیا نوں دس دتا کہ روز محشر جدوں صور پھونکیا جائے گا تے سناٹے کنج چھا جان گے، موت ایس حد تیکر راج کرے گی کہ موت نوں وی موت آ جائے گی۔ پوری دنیا وچ ہر ملک تے معاشرے نے ایہہ مصیبت ویکھی تے مصیبت توں لکھی فیر دوبارہ لنگھ رہی اے پر ساڈے کول ایس مصیبت تے وائرس نے اینی جاناں ضائع نہیں کیتیاں جنیاں انسانیت ناپید کر دتی۔ زندگی بچان لئی جے کسے دے لعاب دہن دی لوڑ وی پئے گئی تے لوکاں دے حلق خشک ہو گئے۔ سینی ٹائزر، ماسک، دوائیاں، بالاں دے بجائے مریضاں دی پہچ توں دور ہو گئیاں۔ ایس ساری صورت حال وچ وطن عزیز وچ بیروزگاری تے مہنگائی اک دوجے اُتے سبقت لے جان لگی۔ یوٹیلیٹی بلز ڈرون حملے تے راکٹ لانچر وانگوں لگن لگے۔ لوک دبک کے گھراں وچ بہہ گئے رونقاں سناٹیاں وچ بدل گئیاں۔ حکمران گھبرانا نہیں دی بڑھکاں ماردے ماردے آپ گھبراہٹ دی وجہ نال بوکھلاہٹ دا شکار بن گئے۔
افغان وار دے دوران سمگل ہون دی وجہ نال گوشت دیگر شیواں خوردنی کئی گنا مہنگی ہوئیاں چمڑے دی صنعت تباہ ہو گئی۔ ہن تے افغان وار نہیں رہی پر قیمتاں ودھے چلے جا رہیاں نیں گویا سمگلنگ ہن وی جاری اے۔
جد کہ دنبے دی تھاں گدھے دی شامت آ گئی۔ ملک وچ پیدا ہون والی سبزیاں، دالاں، بنن والیاں دوائیاں، بنیادی ضرورتاں توں حسرتاں وچ بدل گئیاں البتہ پھل جس وچ کیلا، سیب، انار، ام جیہڑا ایس ورہے کووڈ دی وجہ نال برآمد نہ ہو سکے عوام دی پہنچ وچ رہے۔ جتھوں تیکر تعلق اے وطن عزیز دی مڈل کلاس جیہڑی ہر معاشرت تے ملک دی ریڑھ دی ہڈی ہویا کردی اے بدقسمتی نال موجودہ دور وچ مکمل طور اُتے مٹا دتی گئی، ایس دی تھاں غریب تے غریباں دی تھاں فقیراں نے لے لئی البتہ وزیراعظم فقیراں دی حوصلہ افزائی کردے نیں۔ جگت بازاں، مخولیاں، بدتمیزاں دی چاندی اے۔ سنجیدہ عنصر ہر شعبہ زندگی توں نایاب ہو گیا پر آفرین اے حکمراناں تے حکمران طبقیاں اُتے اشرافیہ اُتے تے نام نہاد میڈیا اُتے سنز اُتے جنہاں نے عوام نوں شعوری طور اُتے جانبدار ای نہیں یرغمال بنا لیا۔ ٹی وی چینلز ، ٹینشن، ڈپریشن تے ہائی بلڈ پریشر دا سبب بنن لگے۔ تنگ آ کے اگلے دن وچ شادی بیاہواں تے سالگرہ، پرانی فلماں دی ویڈیوز لائو، کیہ زمانہ سی بیاہ والی گھوڑی خوب سج دھج کے آیا کردی سی ہن لیموزین ،کروزر تے مرسڈیز توں گھٹ کار وچ بیٹھا دولہا عزت نہیں سمجھدا۔ میں بیاہ والی گھوڑی دا منظر ویکھ کے پرانے وقتاں نوں یاد کردے ہوئے محفوظ رہیا سی کہ پتر نے ایہہ کے ویڈیو بدل کے ٹی وی آن کر دتا کہ میچ آئے گا۔ نیوز چینل دی ٹی وی سکرین اُتے بیاہ والی گھوڑی دی تھاں یکدم فردوش عاشق اعوان آگئیاں کیوں جے نیوز چینل آن ہو گیا۔ شہباز گل، شیخ رشید، شبلی فراز، مریم اورنگزیب تے چوہان وغیرہ ای عذاب نامہ چل پیا۔
حکومتی مشیراں، وزیراں تے ترجمان دے بیانات اینکراں دے تجزیے، اپوزیشن دے جلسے، حکمراناں دی بھوکھلاہٹ نے گھر دے اندر وڑ کے گھراں وچ دبکے ہوئے لوکاں نوں ڈرا دتا۔ کردار کشی، بہتان ترازی، پروپیگنڈہ سازی، نفرت، انا، ضد، انتقال، حقارت، منافقت، آمریت تے جمہوریت دے ایس کھیڈ نے پاکستانیت نگل لئی۔ سوشل میڈیا ہوئے یا مین سٹریم میڈیا اضطراب، عذاب تے کذاب دے علاوہ کجھ نہیں۔ یقین کرو نیشنل جیوگرافی، ڈسکوری ٹی وی چینلز وچ جنگلات و قدرتی مناظر دا ماحول سکون دین لگیا۔ پرانے نغمے تے گانے صوفیانہ کلام محسوس ہون لگے۔ انج دے جویں تپدی دھپ وچ چھاں میسر آ گئی ہوئے کوئی ہے جیہڑا استدعا کر سکے ایس سوشل تے مین سٹریم میڈیا نال کہ لوکاں نوں تفریح تے مثبت صورت دا جے حکومت نہیں تے گھٹو گھٹ تسیں لوک ای کوئی سامان کر دیو۔ یا تے بالکل بھانڈ لیا کے بٹھا دتے جاندے نیں یا فیر ایکشن مووی دا ماحول اے۔ لہور ہائی کورٹ بار وچ بیٹھے ساں کہ اک دوست نے جناب ڈاکٹر قیصر رفیق دا تذکرہ کر دتا کہ انج دے لوک ایس موضوع اُتے پوری تندہی تے بھرپور توانائیاں نال لوکاں دی اذیت دا ازالہ کرن لئی کوشاں نیں جویں کرونا وائرس دی وجہ نال لوک یورپ، امریکہ، آسٹریلیا دی بجائے آزاد کشمیر، سوات تے اپنے بالائی علاقیاں ول رخ کرن لگے جے کوئی انج دا ٹی وی چینل یا موجودہ چینلز وچوں سیاست، نجاست، نفرت، خباثت تے حکومت دے علاوہ پاکستان تے پاکستانیت نال بھرپور پاکستان وکھان دی کوئی صورت گری کیتی جائے جس وچ وطن عزیز دی خوبصورت تے مثبت تصویر وکائی جائے جیہڑی ماضی تے حال مستقبل دا احاطہ کردی ہوئے۔ دنیا نوں خوبصورت قدرتی مناظر، موسم تے ماحول نال مالا مال پاکسعتان ول راغب کرو۔ وطن عزیز وچ وسن والے مختلف پیشیاں، رسم و رواج، ثقافت تے تمدن رکھن والے لوکاں، مختلف نسلاں دے لوکاں دی زندگی نال شناسائی کرائی جائے ایہناں دے مسائل تے معاشرت وچ ایہناںدی حصہ داری تے اہمیت نوں اجاگر کیتا جائے۔ نویں پاکستان دا نعرہ لان والیاں نے تبدیلی تے نواں پاکستان کیہ دینا اے اللہ قائم رکھے ایہہ موجودہ پاکستان ای دریافت Discover pakistan کر لوئو تے بڑی گل ہوئے گی۔ امید کرنا واں کہ ایس انارکی، زبوں حالی، انتشار تباہی دا منہ چڑاندی ہوئی صورت حال وچ پاکستان دی پاکستانیت ضرور دستیاب ہوئے گی۔ حکمران کدی ریاست مدینہ، کدی چائنہ، کدی سنگاپور، کدی صوفی ازم (جیہڑا کہ ودیت تے اللہ ولوں عنایت ہویا کردی اے کوئی ادارہ صاحب تصوف پیدا نہیں کردا، ایہہ صفت اللہ ولوں عطا ہویا کردی اے) دی کدی یورپ دی گل کردے نیں ایہناں نوں صرف Discover Pakistan تے Love Pakistan دا ماحول دینا ہوئے گا۔ قوم وچ انتشار نہیں ہم آہنگی پیدا کرنی ہوئے گی جیہڑی مثبت میڈیا تے ایس دے ذریعے پاکستان دی خوبصورت تصویر کشی کر کے ای ممکن اے پر ایہہ قوم نوں منتشر کیتے دے رہے نیں۔ قوم نوں خانہ جنگی تے بند گلی وچ لے جا رہے نیں۔ اللہ نے جھوٹیاں اُتے لعنت گھلی اے جس ملک تے معاشرے دے حکمران طبقے دے سٹیک ہولڈرز تے اشرافیہ ای جھوٹے ہون اوتھے رحمت نہیں لعنت ای ہوئے گی۔ عام لوکاں وچ حب الوطنی کسے وی دعویدار ادارے توں کدھرے زیادہ اے ایس جمہوریت نما آمریت تے آمریت نما جمہوریت تے اختیارات دی رسہ کشی وچ پاکستانیت، عوام تے عوام دے دکھ کسے دا مسئلہ نہ رہے۔ جس نوں تاریخی، علاقائی و لسانی، قومیتی، تہذیبی، تمدنی و معاشرتی حوالیاں، خوبصورت مناظر تے ارتقائی مراحل دے اعتبار توں وی دریافت کرنا ہوئے گا۔ جو کجھ اے ایس وطن دے اندر اے پر صد افسوس کہ دنیا دے حکمران جے جھوٹ بولدے نیں تے اپنے وطن تے اپنے لوکاں دی خاطر تے ساڈے حکمران اپنے ہم وطناں نال جھوٹ بولدے نیں دنیا تے اپنی ذات دی خاطر تے اقتدار دی خاطر، ریاکاری، کینہ ، انتقام، الزام، بہتان، منافقت، جرائم، جھوٹ، عیاری، مکاری نے وطن عزیز دی معاشرت دا چہرہ انج مسخ کر دتا کہ ہن نویں سرے توں وطن عزیز دی معاشرت دی بنیاداں رکھنا ہون گیاں تے ایہہ کم کردار سازی توں شروع ہو کے میڈیا تیکر تے میڈیا دے ذریعے حقیقی پاکستان دی دریافت تیکر جائے گا انج شر توں خیر باطل توں حق برآمد ہوئے گا۔