طب تے طبیب دی خدمت وچ ای عظمت اے
شفا الملک حکیم محمد حسن قرشی دے 124 ویں یوم ولادت دے سلسلے وچ اک پروقار تقریب دا اہتمام
رپورٹ ۔ پروفیسر حکیم سید عمران فیاض
پاکستان طبی کانفرنس دے پہلے دن توں کیتے جان والے اقدامات روز روشن وانگوں عیاں نیں۔ جنہےمرضی الاینس بن جائو جت پاکستان طبی کانفرنس دا مقدر اے۔ گوجرانوالہ ڈویژن توں حکیم ضیا اللہ فتح گڑھی ایس الیکشن وچ ساڈے امیدوار ہون گے۔ ایہہ پورے گوجرانوالہ ڈویژن دی اواز اے۔ اسیں ایہناں دی کامیابی لئی اپنا تن من دھن لان توں دریغ نہیں کراں گے۔ سالار طب حکیم محمد احمد سلیمی ساڈے اطبا دا مان نیں ایہناں دی طب و طبیب لئی کیتی جان والی خدمات قابل تحسین نیں۔
پاکستانی طبی کانفرنس گوجرانوالہ ڈویژن دے زیر اہتمام شفا الملک حکیم محمد حسن قرشی دے 124 ویں یوم ولادت دے سلسلے وچ اک پروقار تقریب زیر صدارت فخر اطبا حکیم ضیا اللہ فتح گڑھی سرپرست اعلیٰ منعقد ہوئی جس وچ مہمان خصوصی پروفیسر حکیم سید عمران فیاض ڈپٹی رابطہ سیکرٹری پاکستان طبی کانفرنس پنجاب سن ۔ ایس موقعے اُتے حکیم قیصر نوید گھمن ۔حکیم ذاھد ھاشمی ۔حکیم شوکت چوھدری ۔ حکیم مشتاق احمد ۔ حکیم منظور احمد ۔ حکیم اقبال شاد ۔حکیم وسیم یوسف ۔ حکیم محسن ضیا ٕ ۔ حکیم ضمیر حیدر ۔حکیم عبدالغفار ۔ حکیم طاھر صدیقی ۔ قیصر سلیم ھاشمی ایڈووکیٹ نے خطاب کیتا ۔ مقررین نے خطاب کردے ہوئے کہیا کہ انبیاء کرام تے اولیا عظام دی زندگیاں ساڈے ساریا ں لئی مشعل راہ ہوندیاں نیں۔ جے اسیں ایہناں دی زندگی دا بغور مطالعہ کریئے تے ایہہ گل اظہر من الشمس اے کہ ایہہ ہستیاں دوجیاں دے حقوق تے جذبات وچ بوہت حساس ہوندیاں نیں۔
درد مندوں کو نوید سر خوشی تجھ سے ملی
غم کے ماروں کو دوائے زندگی تجھ سے ملی
جب تلک موجود ہے شام و سحر کا یہ نظام
جاوداں تاریخ حکمت میں رہے گا تیرا نام
ایہناں نوں اپنی زندگی دے ہر لنگھے ہوئے پل تے ہر لمحہ فکریہ لاحق رہندی اے کہ ایہناں دے کسے قول و فعل توں کسے نوں دکھ یا تکلیف نہ ہوئے تے کسے نوں وی ایہناں دی ذات توں کئی زیادتی نہ ہوئے۔ شفاء الملک حکیم محمد حسن قرشی ولایت دے بڑے اعلیٰ درجے اُتے فائز سن تے عاجز و انکساری دا عملی نمونہ سن۔ اوہ پابند صوم و صلاۃ سن۔ زہد و تقویٰ تے توکل ایہناں دا سرمایہ حیات سی اوہ نسلی و نسبی عصبیت دے مظاہرہ نوں گناہ سمجھدے سن۔
مت سہل جانو پھرتا ھے فلک برسوں
تب خاک کے پردے سے انسان نکلتے ہیں
اوہناں نے مسیح الملک حکیم محمد اجمل خان دا مشفقانہ اعتماد حاصل کیتا سی۔ شفاء الملک اول و آخر ایمان ہون اُتے یقین رکھدے سن۔ تسیں اپنی عزت و نفس تے قومی حمیت دے جذبے نال انگریز حکمراناں توں نبرد ازما رہے۔ شفاء الملک نوں حکیم الامت ڈاکٹر علامہ محمد اقبال شاعر مشرق دے معتمد تے معالج خصوصی ہون دا شرف وی حاصل سی اوہ اپنے علم و حکمت تے حسن سلوک دے لحاظ نال منفرد خصوصیت دے حامل انسان سن۔اوہ علاج معالجہ وچ اپنی کم گوئی نال اعجاز مسیحائی توں منفرد انسان سن۔ شفاء الملک کامل طبیب، ادیب تے خطیب ہون دے نال نال ماہر نفسیات، صاحب تصنیفات تے محسن طب وی سن۔ راقم الحروف دی پاکستان طبی کانفرنس دے نال وابستگی تن نسلاں توں اے۔ جد کہ حکمت ساڈے خاندان وچ 8 پیڑیاں توں چلی اآ رہی اے۔ میرے پردادا حکیم سید غلام حسین تے دادا ابوشمس الحکما حکیم سید الطاف حسین آف کھوجیانوالی گجرات توں سن۔ شفاء الملک حکیم محمد حسن قرشی دی زیر ادارت چھپن والے رسالے مشیر الاطبا وچ ایہناں دی تحریر و نسخہ جات وی شامل اشاعت ہوندے رہندے سن۔ میرے والد محترم زہدۃ الحکما حکیم سید فیاض حسین شفا الملک حکیم محمد حسن قرشی دے منعقد تے 1965 وچ بنن والے بورڈ دے تحت رجسٹرڈ سن تے پاکستان طبی کانفرنس دے زیر اہتمام منعقدہ تقریباں وچ وی شریک ہوندے سن۔اوہناں نے کہیا کہ پاکستان طبی کانفرنس دی اپنے قیام توں لے کے ہن تیکر طب و طبیب لئی کیتی جان والی خدمات سنہرے حروف نال لکھے جان دے قابل نیں۔ 1965 دا یونانی آئیورویدک اینڈ ہومیو پیتھک پریکٹیشنرز ایکٹ، شعبہ جراحت تے حجامہ دا احیاء، سرکاری ملازمتاں دا حصول ، قومی طبی کونسل دے دفتر لئی 5 کنال ا راضی دا حصول تے چار دیواری دی تعمیر پاکستان طبی کانفرنس دا ای کارنامہ اے۔ 1982 وچ حج میڈیکل مشن وچ اطبا دی شمولیت وی پاکستان طبی کانفرنس دی قیادت دے مرہون منت اے۔
ہزاروں سال نرگس اپنی بے نوری پہ روتی رہی
بڑی مشکل سے ہوتا ہے چمن میں دیدہ ور پیدا
انشا ٕ اللہ 2021 پاکستان طبی کانفرنس دی جت دا سال ثابت ہوئے گا۔ اوہناں نے کہیا کہ مسیح الملک دے جانشین اجمل ثانی تے شفاء الملک دے جانشین اقبال احمد قرشی طب و طبیب لئی اک ڈھال دی صورت وچ جگمگا رہے نیں۔ ایس موقعے اُتے حکیم سید افتخار حسین نے ٹیلی فونک خطاب کیتا۔ دیگر حاضرین وچ حکیم آقا بیدار بخت ۔ حکیم اسلم ۔ حکیم احمد ۔حکیم ثنا ٕاللہ ۔ حکیم حنظلہ ضیا ٕ ۔حکیم عمار رانا ۔ حکیم اللہ دتہ ۔ حکیم عدنان احمد ۔ ساجد ھاشمی نمبردار ۔ حکیم آفتاب ۔ حکیم ارشد علی ۔ حکیم ذیشان احمد ۔ حکیم طارق محمود ۔ حکیم احسان احمد ۔ حکیم تعارف حسین ۔ حکیم بابر علی ۔ حکیم طاھر حسن ۔ حکیم مقبول علی سنے وڈی تعداد وچ اطبا اکرام نے شرکت کیتی۔
