صوبائی وزیر ثقافت خیال احمد کاسترو دادورۂ پِلاک

ڈی جی پِلاک صغریٰ صدف نے جی آیاں نوںآکھیا تے پِلاک دیاں سر گرمیاں بارے تفصیلی بریفنگ دِتی

رپورٹ: آفاق احمد

صوبائی وزیر ثقافت پنجاب خیال احمد کاسترو نے پنجاب انسٹیٹیوف آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دا دورہ کیتا۔ ایس موقعے اُتے ڈائریکٹر جنرل پِلاک ڈاکٹر صغرا صدف نے ایہناں نوں خوش آمدید کہیا تے پلاک دی سرگرمیاں دے حوالے نال تفصیلی بریفنگ دتی۔

صوبائی وزیر نے پنجابی زبان تے فن و ثقافت دی ترویج و ترقی لئی پلاک دی کوششاں تے ادارے دے تحت شائع ہون والی پنجابی لغت دی بے حد تعریف کیتی۔ علاوہ ازیں صوبائی وزیر ثقافت خیال احمد کاسترو نے اظہار خیال کردے ہوئے کہیا کہ اوہ پنجابی زبان نوں پرائمری سطح اُتے لازمی مضمون دے طور لاگو کروان وچ اپنا بھرپور کردار ادا کرن گے۔

ایہناں دا مزید کہنا سی کہ پنجاب دی زبان تے ثقافت دے فروغ تے تحفظ لئی اوہ ہمہ وقت تعاون لئی تیار نیں۔ بریفنگ دے بعد ایہناں نوں پلاک دے مختلف شعبیاں دا دورہ کرایا گیا۔جس وچ ایف۔ ایم 95 پنجاب رنگ، پنجاب آرٹ گیلری، پلاک لائبریری تے پلاک آڈیٹوریم شامل سن۔ ایس دوران اوہناں نے معروف مصور اسلم کمال نال ملاقات کیتی تے ایہناں دی پلاک وچ ’’پنجاب کے تخلیقی پس منظر‘‘ دے موضوع اُتے بنائی جان والی پینٹنگ وی ملاحظہ کیتی تے ایہناں دی ایس کاوش نوں بھرپور سراہیا۔