2021 اسلامی تعلیمات اُتے عمل کرن دا سال

تحریر: قمرالنساء قمر

کروں تیرے نام پر جان فدا… ہر مسلمان دے دل دی اواز اے پر اسیں جان فدا کرن والے نفس دی خاہش تیکر نوں قربان نہیں کر سکدے ساڈے کردار نال محبت رسول اللہ ﷺ دی خوشبو نہیں ظاہر نوں سجا کے باطن سجان دی فکر توں غافل آں اسیں!! صادق امین نبی پاکﷺ دے پیروکاراں دا کلام ابتدا سحر توں لے کے رات دے اختتام تیکر جھوٹ بہتان تے دھوکے نال بھریا ہوندا اے منافقت دا چولہا جس نے جنہا خوبصورت پہنا اے اوہ نگاہ دنیا وچ اینا ای سمجھ دار سمجھیا جاندا اے ، حسد دی اگ تے تکبر دی چنگاریاں سانوں تباہی دے عمیق گڑھے وچ ڈیگ چکی اے پر اسیں تے ایسے وچ مست آں، اسیں تے کسے مہینے دی مبارک دے کے جنت واجب کر والین گے جاہلیت تے دین توں دوری دا ایہہ حال اے کہ بارہ پیغام گھل کے خوش خبری دا انتظار کرن لگ جاندے نیں۔
نفس پرستی مغرب پرستی کی تباہی سے غافل رکھتی ہے
اے مسلمان تیرے کردار سے دنیا کی بو آتی ہے،
حقیقت تلخ ہے تو اسے عیاں نہ کرنا میرے ضمیر پر گراں ہے
نا ساقی نا از پیمانہ گفتم حدیث عشق بے باکانہ گفتم
تے مینوں کہن دیو رسول خدا ﷺ جس دنیا نوں ٹھکرا چکے مسلمان دن رات ایس دے پچھے ذلیل ہو رہیا اے ایتھو تیکر کہ رسول ﷺ دی مدحت نوں موسیقی دی طرز اُتے بیچ رہیا اے، حلال وچ حرام نوں شامل کر رہیا اے غلط تے صحیح دا شعور ای نہیں نماز توں غافل
قرآن کے پیغام سے بے نیاز واہ تیری محبت خدارا !!
اپنے اندر جھاتی مار کے دیکھ اے مسلمان!
کیہ ایہہ اک عاشق رسول دا کردار اے یا مسلمان دے معیار اُتے وی بڑی دور دی گل انسان دے معیار اُتے وی پورا نہیں اتر رہیا؟ لباس دے ناں اُتے جسم دی نمائش کردی عورتاں تے مصلحت دے ناں اُتے غیرت توں عاری مرد ایس معاشرے دا طرہ امتیاز نیں آزادی اظہار رائے دے ناں اُتے دنیا انج دے ای تے نہیں مسلمان دے جذبات دے نال کھیڈ رہی کیوں جے اوہ جان چکے نیں کہ اج دا مسلمان کردار دا نہیں گفتار دا غازی اے ہن صلاح الدین ایوبی پیدا کرن والی ماواں دنیا توں ناپید ہو گئی اے، اج عشق کردار وچ نہیں زبان اُتے اے تے عشق رسول ﷺدے بنامسلمان دا ایمان کامل نہیں۔
تیرا شوق اگر نہ ہو میری نماز کا امام
میرا قیام بھی حجاب میرا سجود بھی حجاب
اسٹیٹس اُتے لگے خوبصورت اقوام تے خوبصورت تصویراں ای ساڈے چنگے مسلمان ہون دی ضامن نیں، مثبت سوچ دا درس دے کے دن رات دوجیاں دیاں جڑاں کٹن والے کیہ تینوں اچھائی دا سرٹیفکیٹ دنیا توں لینا اے؟ کیہ تینوں رب دے حضور حاضر نہیں ہونا!! کیہ تینوں ہنیریاں دا مقام یاد نہیں آندا!! کیہ تیرے مظبوط بنگلے تینوں موت توں بچان سکن گے!! کیہ تیرے بودے بہانے تیرے رب دے ساہمنے چل جان گے !! کیہ تیری اولاد تینوں موت دی تلخی توں بچا سکے گی !! کیہ تیرے دوست تیری قبر دی تنہائی ونڈ لین گے!!کیہ ایس عمل دے نال رسول اکرم ﷺ دے ساہمنے حاضر ہو سکاں گے اسیں؟؟؟
تیرے حسن خلق کی ایک رمق میری زندگی میں ناآ سکی
اورہم اسی میں خوش رہیں کہ شہرکے در بام کوسجا دیا