درپیش چیلنجز دا ادراک

تحریر حمیداللہ بھٹی

عالمی طاقتاں جنہوں خطے دا تھانیدار بنان دا منصوبہ بنائے بیٹھی نیں اوہ بھارت دنیا وچ دہشت گردی دا مرکز بن چکیا اے اسلاموفوبیا دا شکار دنیا نے بروقت ادراک نہیں کیتا تے جنونی ہندو عالمی امن لئی خطرہ بن جان گے امن نوں درپیش چیلنجز دا ویلے اُتے ادراک کیتے بغیر دنیا نوں محفوظ نہیں بنایا جا سکدا کیوں جے بھارت نے دیگر ملکاں وچ سرکاری سرپرستی وچ دہشت گردی کر رکھی اے جدوں توں سی پیک جہے معاشی منصوبے دا آغا زہویا اے بھارت دی بے چینی عود کے آئی اے کوئلہ، تیل، گیس، سونا سنے دیگر قیمتی معدنیات دا مرکز ہون دی وجہ نال بلوچستان خاص طور اُتے نشانہ اے کیوں جے گوادر دی سی پیک وچ بوہت اہمیت اے ایسے لئی بلوچستان وچ تخریبی کاروائیاں کرائیاں جا رہیاں نیں مچھ وچ کان کنوں بھارت دی بزدلانہ کاروائیاں وچوں اک اے امن نوں درپیش چیلنجز دا ادراک کردے ہوئے بروقت توڑناگزیر اے محض ذمہ دار قرار دین تے ڈوزیئر پیش کرن دے علاوہ کجھ کرن دی لوڑ اے بھارتی جنرل اپنی فوجی استعداد توں مایوس ہو چکے ایس لئی خطے دی طاقت بنن لئی شر پسندی نوں ہتھیار بن کے حاکمیت دا خواہاں اے جس نال امن نوں ناقابلِ تلافی نقصان اپڑ سکدا اے۔
جس ملک وچ درجناں علیحدگی دی مسلح تحریکاں ہون اقلیتاں بے چینی دا شکار تے مستقبل توں مایوس تاجر، کسان تے مزدور خودکشیاں کرن اُتے مجبور، سب توں وڈی جمہوریت دے دعویدار نے اک کروڑ آبادی اُتے مشتمل مقبوضہ کشمیر جیل بنا دتی جائے ٹیلی فون، انٹرنیٹ، ذرائع ابلاغ اُتے پابندیاں تے معیشت نوں تاریخی کساد بازاری دا ساہمنا ہویا ایہنوں خطے دی طاقت تسلیم نہیں کیتا جا سکدا بلکہ بھارت دا مستقبل سوالیہ نشان اے غالب امکان اے کہ جلدی ای روس وانگوں بکھر جائے پر بھارتی حکومت نوں ملکی حالات توں کوئی سروکار نہیں نہ ای اوہ معاشی ناہمواری توں مختلف طبقات دی محرومیاں دور کرن وچ دلچسپی رکھدی اے بلکہ خطے تے ملک دے اندر خوف و ہراس ودھا کے اقتدار مستحکم کرنا عزیز اے۔
چین توں بدترین ہزیمت توں لگے زخماں نے بھارتی قیادت نوں حواس باختہ کر دتا اے تے اوہ کسے نہ کسے طرح شرمندگی مٹان لئی کوشاں اے زخمی سپ وانگوں گوانڈھیاں اُتے حملہ آور اے جس نال خطے اُتے منفی اثرات ہو رہے نیں تے ترقیاتی منصوبیاں دی بجائے اکثر ملک اپنے وسائل دفاع اُتے صرف کرن اُتے مجبور نیں سارک جہی تنظیم غیر فعال ہو چکی جس دی وجہ بھارت اے جے خطے دے ملکاں نے معاشی نمو بہتر بنانی اے تے سب نوں مل کے بھارت دی مکاریاں دا توڑ کرنا ہوئے گا تاں ای خود مختاری و سالمیت دے تحفظ نوں درپیش چیلنجز ختم ہون گے کیوں جے بھارت نوں کسے وی گوانڈھی دی آزادانہ خارجہ پالیسی گوارہ نہیں بلکہ اوہ سب نوں ڈرا کے تے ذیلی ریاست بنا کے رکھن اُتے یقین رکھدا اے۔
پاک بھارت نوں آزادی حاصل ہوئے چوہتر ورھے ہون نوں نیں پر مسلماناں وانگوں آزاد ملک پاکستان بنان نوں بھارتی قیادت بھُل نہیں سکی پر تہائی صدی لنگھن دے باوجود حالات نے قائداعظم محمد علی جناح دی فہم و فراست تے مستقبل بینی دی تائیدی مہر ثبت کر دتی اے 20 کروڑ توں ودھ بھارت وچ وسن والے مسلماناں دی حالت سماجی و معاشی پابندیاں دی بنا اُتے ناگفتہ بہ اے آسام وچ مدارس اُتے پابندی لا کے ثابت کیتا گیا اے کہ بھارت وچ اقلیتاں لئی تھاں نہیں مسلماناں دی مذہبی شناخت ختم کرن لئی مسیتاں اُتے حملے ہوندے نیں تاں جے ہندوئواں ولوں جاری مذہب تبدیلی دی تحریک نوں قبول کردے ہوئے مسلمان دوبارہ ہندو بن جان ایہہ سلسلہ بھارت دے سارے علاقیاں وچ شروع اے آبادی دے تناسب توں سو گنا زیادہ مسلمان جیلاں وچ بند نیں تے ہن تے لوجہاد دے تدارک لئی بنائے گئے قانون دے تحت وی پکڑ دھکڑ کیتی جان لگی اے۔ ایہناں حالات وچ دنیا دی خاموشی اصل وچ بھارت وچ جاری جرائم دی سرپرستی دے مترادف اے ایس وچ شائبہ نہیں کہ بھارت وچ مسلماناں تے دیگر اقلیتاں کونسل کشی دا ساہمنا اے ایہہ انج دا چیلنج اے جس دا ادراک کردے ہوئے مذہب دنیا نوں لباں دے قفل کھولنا چاہیدا اے نہیں تے خطے نوں اک ہور مہاجرت دا ساہمنا ہو سکدا اے۔
روزِ روشن وانگوں عیاں حقیقت اے کہ بھارت دی حکمران سیاسی قیادت مجرمانہ کردار دی حامل اے جلائو گھیرائو، ماردھاڑ تے ڈر دی فضا بنا کے اقتدار وچ آن اُتے یقین رکھدی اے ایسے طریقہ کار توں غیر مقبول جماعت بی جے پی نے مقبولیت حاصل دی بھارتی معاشرے وچ ہون والی شکست و ریخت اُتے ذرائع ابلاغ وی نہ صرف چپ نیں بلکہ حوصلہ افزائی دی فضا بنان دا ذریعہ نیں ایسے لئی بھارتی معاشرے دے دن رات اُتے نظر رکھن والے نکتہ داں کہندے نیں کہ بھارت دے نال ایہہ فضا پورے خطے نوں نقصان توں دو چار کر سکدی اے افغانستان وچ سیاح دے روپ وچ آن والا دیپ ڈیسائے پچھلے مہینے 28 دسمبر نوں دارالحکومت کابل وچ اک کم سن لڑکی جس دی عمر محض 15 ورہے سی نال جنسی زیادتی دا مرتکب ہویا جنسی زیادتی دا ایہہ کوئی پہلا کیس نہیں بلکہ بھارتی سفارتخانے وی ریپ کیساں وچ رلت رہے نیں جنہاں دے بارے کہیا جاندا اے کہ جنسی زیادتی وچ مردانہ جبلت دی بجائے ہندئوواں دی مسلماناں نال نفرت دا جذبہ کار فرما اے کابل وچ ارباں دی سرمایہ کاری افغاناں نال الفت نہیں پاکستان نوں نقصان اپڑان لئی 20 کیمپ دی وجہ نال اے جے افغاناں نال الفت وچ صداقت ہوندی تے دہلی ہزاراں ٹن خراب کنک دا تحفہ کابل ہر گز نہ اپڑاندا ایہہ ایسے سوچ دا عکاس اے کہ ہندو ہر طریقے نال مسلماناں نوں نقصان اپڑان اُتے یقین رکھدے نیں خراب کنک کھوا کے افغاناں دی صحت نوں نقصان اپڑانا مقصود سی ایران نال ظاہری قربت، ایسے ویلے ختم کر دتی جدوں امریکہ نے ناپسندیدگی ظاہر کیتی خطے وچ ہندوواں وچ جنونیت دا پروان چڑھنا انج دا چیلنج اے جیہڑا امن نوں تہہ بالا کر سکدا اے۔
کرک وچ ہندئواں دے مقدس مقام نوں نذر آتش کرن اُتے دہلی نے کس طرح ودھ چڑھ کے الزام تراشی کیتی پر بابری مسجد توں لے کے دیگر درجناں مسیتاں نوں نقصان اپڑان اُتے اج تیکر شرمندگی نہیں بلکہ مندر دا سنگ بنیاد رکھن مودی آپ اپڑ جاندے نیں مقصد اکثریت دی خوشنودی حاصل کرنا اے پر سچ ایہہ وے کہ مودی نوں صرف ووٹر ہندو عزیز نیں جے پاکستان توں ہندو بھارت جان تے ایہناں نوں قتل کرن وچ عار تصور نہیں کیتی جاندی ہندوواں وچ پرورش پاندی جنونیت و انتہا پسندی اک حقیقت اے جے دنیا نے ہندو انتہا پسندی دا بروقت سدباب نہ کیتا تے خطے دے امن نوں پیش آئے خطرات ناقابل حل ہو جان گے چیلنجز دا ادراک کرن وچ ای مذہب دنیا دی عافیت اے نہیں تے 80 کروڑ جنونی ہندو آزاد چھڈ دتے گئے تے پوری دنیا دا امن دا اُتے لگ سکدا اے۔