شفا ٕالملک حکیم محمد حسن قرشی ؒ دی یاد وچ پروقار تقریب دا انعقاد
تحریر ۔پروفیسر حکیم سیدعمران فیاض
بجا کہے جسے دنیا اسے بجا سمجھو
زبان خلق کو نقارہ خدا سمجھو
شفا الملک دنیائے اسلام دی عظیم علمی، طبی، ادبی سماجی و مذہبی شخصیت سن۔ شفا الملک دے افکار ساڈے لئی مشعل راہ نیں۔شفا الملک اتحاد بین المسلمین دے داعی سن۔ پاکستان طبی کانفرنس ای ایس وار الیکشن وچ کامیاب ہوئے گی۔ شفا الملک طب و طبیب لئی کیتی جان والی قربانیاں کدی فراموش نہیں کیتیاں جان گیاں۔ شفا الملک حکیم محمد حسن قریشی اک پاکباز محب الوطن درد دل رکھن والے انسان ہون دے نال نال ہمہ جہت خوبیاں دے مالک سن۔ ایہناں دی ساری زندگی علم و حکمت دی آبیاری، اطباء دی فلاح و بہبود تے انسانیت دی خدمت وچ لنگھی۔ ایہناں دا ناں رہندی دنیا تیکر چمکدا دمکدا رہوے گا۔
شفاء الملک حکیم محمد حسن قرشی ولایت دے وڈے اعلیٰ درجہ اُتے فائز سن تے عاجز و انکساری دا عملی نمونہ سن۔ اوہ پابند صوم و صلاۃ سن۔ زہد و تقویٰ تے توکل ایہناں دا سرمایہ حیات سی اوہ نسلی و نسبی عصبیت دے مظاہرہ نوں گناہ سمجھدے سن۔
درد مندوں کو نوید سر خوشی تجھ سے ملی
غم کے ماروں کو دوائے زندگی تجھ سے ملی
جب تلک موجود ہے شام و سحر کا یہ نظام
جاوداں تاریخ حکمت میں رہے گا تیرا نام
شفاء الملک حکیم محمد حسن قرشی اک تحریک دا ناں اے اوہ اک استاد ، ادیب ،محقق ، قائد، طبیب ، سیاست دان ،اتحاد بین المسلمین دے داعی تے راہنما تحریک قیام پاکستان، استحکام پاکستان تے تعمیر پاکستان دے فعال راہنما تے طبی تحریک دے ہر اول دستہ دے سپہ سالار سن۔
خاکی ھے مگر اس کے انداز ھیں افلاکی
رومی ھے نہ شامی، کاشی نہ سمرقندی
جا ٸے استاد خالی است ” ایہہ مقولہ ابد تا حشر اپنی اہمیت قائم رکھے گا۔ جے اقوام عالم دی تاریخ دا مطالعہ کیتا جائے تے پتہ چلدا اے کہ قوماں دے عروج وچ ایہناں ای راہنما قوم یعنی اساتذہ دا ہتھ اصل اے۔ ایہو وجہ اے کہ آپ خالق کائنات نے اپنے محبوب پیارے نبی ﷺ نوں ایس دنیا وچ معلم بنا کے گھلیا۔ ایس لئی اساتذہ اکرام دا درجہ اک روحانی باپ وانگوں ہوندا اے۔ آپ اندر درس و تدریس دے علاوہ تصنیف و تالیف دی وی بہترین صلاحیتاں موجود سن۔ اوہناں نے جامع الحکمت۔ طبی فارما کوپیا۔ سلک مروارید ۔ بیاض مسیحا ۔ کتاب الکلیات ۔ تذکرہ الاطبا ٕ۔ تذکرہ عقاقیر ۔ سنے ایہناں جہیاں کئی نایاب کتاباں تحریر کیتیاں۔ آپ پنجاب دے مشہور شہر گجرات وچ معروف علمی، دینی شخصیت قاضی فضل الدین دے کول 27 دسمبر 1896 نوں پیدا ہوئے۔ قاضی فضل الدین نے 1857 دی جنگ آزادی وچ نمایاں کردار ادا کیتا۔
ایہناں وچاراں دا اظہار بزم قرشی پاکستان دے زیر اہتمام قرآن خوانی و خراج عقیدت دی پروقار تقریب نال خطاب کردے ہوئے چیئر مین بزم قرشی پاکستان سالار طب پروفیسر حکیم محمد احمد سلیمی ، پروفیسر حکیم محمد جاوید رسول ، حکیم قیصر نوید گھمن ، پروفیسر حکیم سید عمران فیاض ، پروفیسر حکیم تصورمحمدی تے حکیم رضاءالحق نقشبندی نے کیتا ۔اوہناں نے کہیا کہ شفا الملک دی طب و طبیب لئی کیتی جان والی قربانیاں کدی فراموش نہیں کیتیاں جان گیاں۔ پاکستان طبی کانفرنس جمہور اطبا دی واحد نمائندہ جماعت اے جیہڑی ایس وار وی طبی الیکشن وچ بھاری اکثریت نال کامیاب ہوئے گی۔ اوہناں نے کہیا کہ پاکستان طبی کانفرنس دے پلیٹ فارم توں طب تے طبیب دی خدمت دا سفر جاری رہوے گا۔ اسیں مل کے طب یونانی نوں اک قابل بھروسہ طریقہ علاج ثابت کرنا اے۔ انشاء اللہ نیشنل کونسل فار طب دے الیکشن 2021 وچ پاکستان طبی کانفرنس ای کامیاب ہوئے گی۔
ہزاروں سال نرگس اپنی بے نوری پہ روتی رہی
بڑی مشکل سے ہوتا ہے چمن میں دیدہ ور پیدا
ایس تقریب دی صدارت چیف آرگنائزر بزم قرشی پاکستان پروفیسر حکیم محمد اسلم طالب نے کیتی ۔ مہمانان گرامی وچ حکیم سعید نامدار تے سینئر نائب صدر بزم قرشی پاکستان حکیم محمد اسماعیل سن ، تلاوت و نعت دی سعادت معروف نعت خوان و صدارتی ایوارڈ یافتہ الحاج قاری محمد افضال انجم نے حاصل کیتی ایہناں توں علاوہ جناب اللہ یار تے دیگر نے نعت رسول مقبول دی سعادت حاصل کیتی ۔ مقررین نے کہیا کہ اسیں کل وی پاکستان طبی کانفرنس دے نال سی تے اج وی ایس دے نال آں تے اج دے دن اسیں ایفائے عہد کرنے آں کہ اسیں اپنا ووٹ پاکستان طبی کانفرنس نوں ای دیاں گے۔ ساڈا تن، من، دھن، پاکستان طبی کانفرنس اُتے قربان اے۔ انشاء اللہ سالار طب پروفیسر حکیم محمد احمد سلیمی ایس وار وی ممبر منتخب ہون گے۔ اسیں ایہناں دی کامیابی لئی دعا گو آں۔
راقم الحروف دی پاکستان طب کانفرنس دے نال وابستگی تن نسلاں توں اے جد کہ حکمت ساڈے خاندان وچ تقریباً 8 پشتاں توں چلی آ رہی اے۔ میرے پردادا حکیم سید غلام حسین تے دادا ابوشمس الحکما حکیم سید الطاف حسین آف کھوجیا نوالی گجرات توں سن۔ شفا الملک حکیم محمد حسن قرشی دی زیر ادارت چھپن والی کتاب تحقیق الادویہ، جیہڑی کہ ادارہ مشیر الاطبا دے زیر اہتمام شائع ہوندی سی وچ ایہناں دی تحریر و نسخہ جات وی شامل اشاعت ہوندے رہندے سن۔ میرے والد محترم زہدۃ الحکما حکیم سید فیاض حسین شفا الملک حکیم محمد حسن قرشی دے معتقد سن۔ تے 1965 وچ بنن والے بورڈ آف یونانی آیورویدک سسٹم دے تحت رجسٹرڈ سن تے پاکستان طبی کانفرنس دے زیر اہتمام منعقدہ تقریباں وچ شریک ہوندے سن۔
تقریب وچ حکیم ڈاکٹر نزیر احمد تابش ، حکیم عبدالرحمان ، حکیم امجد وحید بھٹی ، حکیم طاہر نوید جنجوعہ ، حکیم عطاالرحمان صدیقی ، حکیم افضل میو ،حکیم محمد شفیق ، حکیم عمر فاروق گوندل ، حکیم فیصل صدیقی ، حکیم وسیم انور ۔ حکیم افتخار نجمی ۔حکیم احمد حسن نوری ۔ ڈاکٹر سکندر حیات ذاھد ۔ طبیبہ فاطمہ اکرام ، طبیبہ ساجدہ نور ، حکیم ڈاکٹر عطاالرحمان ، حکیم احمد سلیم , حکیم عامرشہزاد جراح ، حکیم ابوبکر یحیٰی ، حکیم فیصل جگرانوی ، حکیم بابر حسین ندیم ۔ حکیم سیف لودھی ۔ حکیم محمد افضل بٹ ، حکیم چوہدری ندیم ، حکیم یوسف اکبر ، حکیم محمد جمیل ، حکیم طاہر خان ، حکیم طاہر نزیر ، حکیم انصار نقوی، حکیم جمیل خضری ۔حکیم مہر علی شاہ ۔ حکیم اجمل خان ۔ حکیم عیسی نذیری ۔ حکیم محبوب الہی ۔ حکیم اللہ دتہ تے کئی نامور اطبا کرام نے شرکت کیتی تے بزرگ اطباء اکرام دی خدمات اُتے خراج عقیدت پیش کیتا۔
