پِلاک ولوں ناصر بیراج دے نویں گانے ’’ جَد نَچدی‘‘ دی افتتاحی تقریب

رپورٹ: علی قیصر شاہ

پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دے زیر اہتمام معروف گلوکار ناصر بیراج دے نویں پنجابی گانے ’’جد نچدی‘‘ دی افتتاحی تقریب منعقد ہوئی جس وچ فلمی ستاریاں تے صحافیاں دے علاوہ شہریاں دی کثیر تعداد نے شرکت کیتی۔ ناصر بیراج دی بھنگڑا پرفارمنس دے علاوہ جنہاں فنکاراں نے پرفارم تے اظہار خیال کیتا ایہناں وچ شیر میانداد قوال، اداکار راشد محمود، گلوکارہ میگھا، مظہر راہی، مریم علی، احمدنواز آر جے رضی، ندیم پہلوان، فاروق مترو، وقاص، کامران بیراج تے عمران بیراج شامل سن ایہہ ایس ورہے دا پہلا بھنگڑا پروگرام سی جس وچ شائقین نے فنکاراں دی بھرپور حوصلہ افزائی کیتی۔ نویں سال دے آغاز وچ موسیقی دے ایس پروگرام نوں منعقد کرن اُتے فنکاراں نے پلاک دی ایس کاوش نوں بے حد سراہیا۔