پِلاک تے بائیکرز کلب دی سانجھ نال اکرم شاہین دی کتاب دی تقریب رونمائی
تقریب دے اخیر اُتے گورنر پنجاب نے بائیکرز نوں شیلڈز دِتیاں
رپورٹ: آفاق بٹ
پنجاب انسٹیٹیوٹ آف لینگوئج آرٹ اینڈ کلچر وچ پلاک تے بائیکرز کلب دے اشتراک نال محمد اکرم شاہین دی کتاب ’’بائیکرز پاکپتن سے خنجراب تک‘‘ دی تقریب رونمائی دا انعقاد کیتا گیا۔ تقریب وچ گورنر پنجاب چودھری محمد سرور نے بطور مہمان خصوصی شرکت کیتی۔ بائیکرز تے سیاحواں دی پروقار تقریب وچ ڈی جی پلاک ڈاکٹر صغرا صدف ، کیٹو کنگز پاکستان دے صدر علی احمد طاہر، مشہور عالمی سیاح سلمان حمید کھوکھر، و دیگر شامل سن۔ ایس موقعے اُتے گورنر پنجاب چودھری محمد سرور دا کہنا سی کہ بائیکرز نے ملکی سیاحت دے فروغ لئی جیہڑی خدمات سرانجام دتیاں نیں ایہناں نوں کدی فراموش نہیں کیتا جا سکدا۔
چودھری محمد سرور نے کُڑیاں لئی موٹر سیکل چلان دی مہم جلدی شروع کرن دا اعلان وی کیتا۔تقریب نال ڈی جی پلاک ڈاکٹر صغری صدف نے خطاب کردے ہوئے کہیا کہ بائیکرز نے اپنے شوق نوں پورا کرن دے نال پاکستان دے خوبصورت سیاحتی علاقیاں نوں دنیا تیکر اپڑایا اے۔ خواتین بائیکرز دی حوصلہ افزائی ویلے دی لوڑ اے۔تقریب دے اختتام اُتے گورنر پنجاب نے مرد تے خواتین بائیکرز وچ شیلڈز وی ونڈے۔
