سفاک بھارت فیر بے نقاب

تحریر حمیداللہ بھٹی

پاکستان اُتے الزام لانا بھارتی فطرت اے جس دے خلاف عالمی سطح اُتے اک مربوط تے منظم مہم چلان دی لوڑ اے

گرفتار ٹی وی اینکر ارنب گوسوامی تے بی اے آر سی دے سربراہ دے پیغامات منظر عام اُتے آن نال سفاک بھارت پہلی وار بے نقاب نہیں ہویا بلکہ اکثر و بیشتر بھارتی چالبازیاں دا پردہ چاک تے سفاکیت بے نقاب ہوندی رہندی اے پاکستان دے خلاف بنائی گئیاں جعلی ویب سائٹس دا ای یو ڈس انفولیب نے بھانڈا پھوڑیا جس نال بھارت دے جھوٹ، مکرو فریب تے سازشی کردار دی حقیقت کھلی ہن پلوامہ حملے دی سچائی طشت ازبام ہون نال بھارتی ساکھ مزید مجروح ہوئی اے پر ساڈے لئی وی کجھ کرن دا کم اے جے کلبھوشن جہے دہشت گرد دی گرفتاری توں اسیں سفارتی سطح اُتے کوئی کامیابی حاصل نہیں کر سکے تے سوال ایہہ وے کہ کیہ بھارت داعش، الاحرار، بی ایل اے، ٹی ٹی پی دے گٹھ جوڑ نال آئندہ وی دہشت گردانہ کاروائیاں کردا رہوے گا تخریب کاراں دی سرپرستی، قریبی رابطے تے مالی معاونت سربستہ راز نہیں جنہاں دی گزشتہ ورہے اکتوبر وچ امریکی جریدہ فارن پالیسی مفصل تفصیل شائع کر چکیا اے بھارتی کمپنی سری واستو گروپ دی قائم سینکڑوں ویب سائٹاں تے این جی اوز دے بے نقاب ہون دے بعد مودی حکومت دے غیر اعلانیہ ترجمان ارنب گوسوامی دے انکشاف دل ہلا دین والے نیں۔ اپنے فوجیاں نوں نچلی ذات نال تعلق ہون دی بنا اُتے مار دینا تے پاکستان اُتے الزام لانا بھارتی فطرت اے جس دے خلاف عالمی سطح اُتے اک مربوط تے منظم مہم چلان دی لوڑ اے۔
پلوامہ حملے دی پاکستان نے مذمت کردے ہوئے مطالبہ کیتا کہ جے بھارت دے کول شواہد نیں تے پیش کرے کاروائی کراں گے نیز مشترکہ تحقیقات دی وی پیشکش کیتی پر بھارت دی جنونی قیادت نے ہوش و خرد دے ناخن لین دی بجائے پیش کیتی گئی تجویزاں نوں رد کردے ہوئے بدلہ لین دا اعلان کر دتا پر پاکستان نے کوئی انج دی حرکت کرن توں گریز کیتا جس نال خطے دا ا من دائو اُتے لگدا حالانکہ بھارت نے گل بات دے دروازے بند کرن تے بدلہ لین دے سوا کجھ وی تسلیم کرن اُتے آمادہ نہیں سی بھارتی اینکرارنب گوسوامی تے براڈ کاسٹ آڈیننس ریسرچ کونسل دے سربراہ پراتھوداس گپتا دے وچکار ہون والی واٹس ایپ لیک ہون نال دنیا اُتے حقیقت آشکار ہو گئی اے کہ کنج نچلی ذات دے 40 فوجیاں نوں قتل کران دا ڈرامہ کیتا گیا تے فیر پاک بھارت جنگ دی فضا بنائی گئی سچ ساہمنے آن اُتے بھارت نوں رسوائی، شرمندگی تے ہزیمت دا ساہمنا اے انج کسے ہور ملک وچ واقعہ ہوندا تے ہن تیکر لوک سڑکاں اُتے ہوندے تے اپنی قیادت دا محاسبہ کر رہے ہوندے پر بھارتی حکومت وانگوں عوام وی جنونی اے کیوں جے ذات پات دی ونڈ مذہب وچ شامل اے ایس لئی نچلی ذات دا لہو بہان وچ شرم محسوس نہیں کیتا جاندا تاں ایہہ پاکستان دی ذمہ داری اے کہ پلوامہ وچ اپنے فوجی مارن تے فیر مگر مچھ وانگوں اتھرو بہان دا مودی ڈرامہ دنیا نوں دسے کیوں جے دونواں شخصیات دی گل بات نال بھارتی کاکے سیاہ کردار وچ ابہام نہیں ہو رہیا ایہہ ایس امر دا بین ثبوت اے کہ پاکستان اک انج دی امن پسند ریاست اے جیہڑی کسے ملک وچ عدم مداخلت دی پالیسی اُتے کاربند اے تے کسے ملک دے خلاف جارحانہ عزائم نہیں رکھدا لوڑ ایس امر دی اے کہ سفارتی محاذ اُتے فائدہ چکن لئی مستعدی و فراست نال لائحہ عمل بنا کے کم کیتا جائے تے ایہہ جو ترجماناں دی فوج اے ایہنوں اپوزیشن دے لتے لین دی بجائے ملکی مفادات دے تحفظ لئی استعمال کیتا جائے۔
کیہ ایس وچ کسے نوں شک اے کہ پلوامہ حملے دے بعد پاکستان تے بھارت ٹکرائو دی پوزیشن اُتے آ گئے سن پر پاکستان دی امن پسندی تے تحمل نال ٹکرائو دی نوبت نہ آئی بھارتی طیاریاں نے نہ صرف پاکستان دی فضائی حدود دی خلاف ورزی کیتی بلکہ بالا کوٹ وچ خیالی دہشت گردی دے مراکز تباہ کرن دی غرض نال حملہ کیتا پر پاکستان دی فضائیہ نے ویلے اُتے حرکت وچ آ کے نہ صرف بھارت دے جنگی جہازاں نوں راہ فرار اختیار کرن اُتے مجبور کر دتا بلکہ اگلے ای دن بھارت دی حساس تنصیبات دے نیڑے بمباری کر کے انج دا دندان شکن جواب دتا جس نال نہ صرف دنیا نوں پاکستان دی جنگی مہارت دا اندازہ ہویا بلکہ دو لڑاکا طیارے تباہ ہون تے اک پائلٹ ابھی نندن دی گرفتاری نال بھارت نوں سبکی دا ساہمنا کرنا پیا۔
مادہ سپ زیادہ تر نوازئیدہ نپولیے کھا جاندی اے ارنب گوسوامی پلوامہ حملے دے بعد گل بات وچ دعویٰ کردا اے کہ اسیں جت گئے آں حالانکہ 40 فوجی مارے گئے اپنے فوجیاں دی جان جان نوں بھلا کوئی فتح کہہ سکدا اے؟ ایس توں علاوہ بی اے آر سی دے سربراہ نال گل بات کردے ہوئے 23 فروری نوں ارنب گوسوامی پاکستان دے حوالے نال وڈی خبر دی خبر دیندا اے واضح طور اُتے لکھدا اے کہ 26 فروری 2019 نوں پاکستان دے خلاف بھارت معمول توں کجھ ودھ کے کاروائی کرن والا اے ایہنوں آرٹیکل 370 دی منسوخی دا وی پیشگی علم سی ایہہ گل بات گھٹیا بھارتی سوچ دی عکاس اے تے ایس گل دی تصدیق اے کہ مادہ سپ تے اپنے سنپولیے کھاندی اے پر بھارت انج دا ملک اے جیہڑا اپنے محافظاں نوں وی نہیں بخشدا تے ایہناں دی جان لے لیندا اے پلوامہ حملے وچ پنہاں پیغام ایہہ وے کہ جیہڑی قیادت قیادت انتخابی کامیابی لئی اپنے محافظاں دی سفاکی توں جان لے سکدی اے ایس دے شر توں کوئی ملک یا قوم محفوظ نہیں رہ سکدی۔
بھارت بلاشبہ ہندو ریاست بنن دا سفر بڑی تیزی نال طے کردا جا رہیا اے ایس دے ادارے تے ایجنسیاں وی بدمعاشی دا کوئی موقعے ضائع نہیں کردے ایہہ انج دا ملک اے جیہڑا اپنی عوام دی غربت دور کرن تے ایہناں نوں سہولتاں دین دی بجائے خطے دا امن برباد کرن وچ زیادہ دلچسپی رکھدا اے۔ بی جے پی بزور ہندو راج قائم کرن اُتے یقین رکھدی اے اقلیتاں دی زندگی اجیرن بنان دے نال گوانڈھی ملکاں دی سلامتی لئی خطرہ اے پر دنیا نے ریاستی بدمعاشی دی کجھ زیادہ مذمت نہیں کیتی بلکہ عملاً چشم پوشی اختیار کر رکھی اے ایہو وجہ اے کہ نریندر مودی دی فاشٹ حکومت بلاخوف و خطر مذموم منصوبیاں اُتے عمل پیرا اے پر ہندو راج توں چشم پوشی کرن والیاں نوں ایہہ نہیں بھُلنا چاہیدا کہ 2017 وچ نویں سال دی تقریبات دے آغاز اُتے ترکی دے کلب اُتے ہون والے حملے وچ نہ صرف بھارتی شہریاں دے ملوث ہون دی تصدیق ہو چکی بلکہ ایس ورھے نیویارک سنے اسٹاک ہوم حملیاں وچ وی بھارتی شہری ملوث پائے گئے۔ 2019 وچ ایسٹر دے موقعے اُتے سری لنکا وچ ہون والے بم دھماکیاں دی تحقیقات وچ وی بھارتی ہتھاں دی کارستانی دی تصدیق ہو چکی تاں لوڑ ایس امر دی اے کہ دنیا بھارتی خطرے تے سیاہ کاریاں دا نہ صرف ادراک کرے بلکہ سدباب لئی نتیجہ خیز لائحہ عمل ترتیب دیوے چین توں تجارتی جنگ لئی بھارت نوں بطور مہرہ استعمال کرن والے امریکی وی رویے اُتے نظر ثانی کرن کدھرے انج نہ ہوئے تاخیر نال دنیا دے امن نوں اک مہیب خطرہ لپیٹ وچ لے لوے۔