غزل

ڈاکٹر جگتار

ہر اک ویہڑے چ لوء لگے، ہرک آنگن چ رنگ اگے
دعا کی ہور کرنی ہے، میری اکو دعا پگے
سحر ٹٹے، بھرم پھٹے، ایہہ کس نے آلھنے لٹے
کرم تیرے گناہ میرے، ہو جاون اس ورھے اگھے
جنہاں متھیاں تے کالے لیکھ خنجراں نے لکھے زوریں
بدل جاون مکدر قاتلاں دی آس نہ پگے
جنہاں کھیتاں چ خاکی سور پا کے بہہ گئے گھرنے
اوہناں وچ پھیر رنگ اڈن، اوہناں وچ پھر مہک اگے
کتے لوری، کتے گھوڑی، کتے مرزے دی صد ابھرے
گراں جو ہو گئے کھولے، جو آنگن ہو گئے لُگے
چڑی چوکے، سنے موراں دی رنجھن، فجر جد جاگے
نہ تھوہراں بیج کے باغیں گلاباں نوں کوئی کھگے