حمائیت اسلام طبیہ کالج لہور وچ ریٹائر ہون والے اساتذہ دے اعزاز وچ شاندار تقریب
کالج دے پرنسپل پروفیسر طبیب محمد عمر توصیف تے اساتذہ کرام ولوں چیئر مین کالج کمیٹی حکیم عزیز الرحمان جگرانوی نوں اعزازی شیلڈ پیش
لكهت:حکیم ارمغان شفیق کھوکھر
انجمن حمائیت الاسلام طبیہ کالج لہور وچ کالج دے سبکدوش ہون والے اساتذہ کرام حکیم شاہد نوید قریشی تے حکیم سید محمد ارشد بخاری دے اعزاز وچ الوداعی تقریب دا انعقاد کیتا گیا جس دا اہتمام چیئر مین کالج کمیٹی حکیم عزیز الرحمان جگرانوی تے کالج دے پرنسپل پروفیسر طبیب محمد عمر توصیف دہول نے کیتا سی۔
صدارت جناب جسٹس (ر) غلام احمد قریشی صدر انجمن حمایت الاسلام نے کیتی۔ ایس موقعے اُتے کالج وچ بی۔ ای۔ ایم۔ ایس۔ دی کلاساں دے اجرا دا خیر مقدم کیتا گیا۔ ایس طرح طبیہ کالج وچ ایف۔ ٹی۔ جے دے نال نال بی۔ ای۔ ایم۔ ایس دیاں کلاساں جاری ہون نال ایہہ ادارہ ملک وچ طبی تعلیم دا جدید ترین ادارہ بن جائے گا۔
ایس دے اعتراف وچ طبیہ کالج کمیٹی دے چیئر مین حکیم عزیز الرحمان جگرانوی، پرنسپل محمدعمر توصیف، حکیم نعیم صدیقی، حکیم شاہد نویدقریشی ،حکیم سید محمد ارشد بخاری نوں کالج وچ ایہناں دی خدمات اُتے تے سیکرٹری طبیہ کالج نوں ایہناں دی رفاعی خدمات اُتے گورنمنٹ کالج آف سائنس وحدت روڈ دے سٹاف ولوں اعزازی شیلڈ پیش کیتی گئی۔ صدر انجمن جسٹس قریشی نے توقع ظاہر کیتی کہ ایہہ ادارہ ملک وچ بیماریاں دے خلاف جدوجہد وچ اہم کردار ادا کردا رہوے گا۔ بعد وچ مہماناں دے اعزاز وچ حکیم عزیز الرحمان جگرانوی ولوں پرتکلف کھانا پیش کیتا گیا۔
