دل دریا پاکستان ولوں تعزیتی ریفرنس تےکُل پنجاب پنجابی مشاعرہ

پنجاب دے مختلف علاقیاں توں آئون والے شاعراں اپنا کلام سُنا کے خود داد وصولی

رپورٹ : محمد اویس باسل

ملک گیر پنجابی ادبی تنظیم دل دریا پاکستان دے آہر نال تعزیتی ریفرنس تے کُل پنجاب پنجابی مشاعرے دا کنجاہ گجرات وچ پربند کیتاگیا۔حافظ جہانزیب نے تلاوت کلامِ مجید نال پروگرام دا آغاز کیتا۔

عمران حیدری نے خوبصورت آواز وچ گلدستہء نعت پیش کیتا۔پروگرام دی پردھانی ملک دے نامور شاعر ڈاکٹر دانش عزیز ہوراں کیتی۔علی احمد گجراتی نے نقابت دا ذمہ چایا۔پچھلے دناں وچ ادب قبیلہ دے فوت ہوجان والے شعراء عظمت ملک( کھیوڑہ)،حکیم فیض احمد سوز( چکوال)،حکیم حاجی عبدالحمید نظامی( پھولنگر)،مظہر بخاری( میاں چنوں)،اسامہ جمشید( گجرات) دی تعزیت دا پربند کیتا گیا۔ پنجاب بھر توں نامور شعراء نے پروگرام وچ رلت کیتی۔آئون والے شعراء و اُدباء نیں اپنے کلام تے بیان وچ ایہناں انتقال کرجان والے شعراء دے فن تے شخصیت تے گل بات کیتی تے ایہناں دیاں ادبی کاوشاں نوں سراہیا۔

ایس موقع تے ایہناں فوت ہوجان والے شعراء واسطے اچیچی دعا کیتی گئی۔اس پروگرام وچ ڈاکٹر مرتضٰی ساجد ساہیوال،فقیرکامل رائیونڈ، افضل پارس لاہور، حافظ شفیق شاہد حافظ آباد،ناصر عدیم للہ جہلم، منیر بدر چکوال،ریاض ارمان جلالپوربھٹیاں،سیف اللہ باجوہ حافظ آباد،مقصود یاور گجرانوالا،منیر صابری کنجاہی گجرات،حسن بانو لاہور،خمار میرزادہ چوآسیدن شاہ،اعظم علی اعظم سرگودھاتے رانا اکرم شاد بلوکی نے اچیچی رلت کیتی۔اس توں علاوہ شیخ ذکاء اللہ، ہما سہروردی دولتالہ راولپنڈی،محمد آصف انصاری لاہور، زین جٹ کنگن پور قصور، فیصل منظور کیفی اوکاڑہ، لیاقت بزمی بہاولنگر،عرفان کھوکھر،جمیل ساحل، عدنان قلزم، عمران ساگر، تہمینہ مرزا سیالکوٹ،ارشد مخلص،لیاقت علی لیاقت،غلام حسین گُل پھالیہ،طاہر محمودہاشمی، رائےضیغم کھرل، ناصرحیات صحرائی حافظ آباد،عمران سہیل منڈی بہاءالدین، عادل بادشاہ، طاہرخیال راہوالی کینٹ، عصمت اللہ سیکھو،مرزاسیف اللہ ساجد، امتیاز قیس چٹھہ،خلیل الرحمٰن حماد،اسلم ہیرا گجرانوالا، اسد عباس راز،شبیہہ مظہر رانجھا، یاسرادیب ڈنگہ گجرات،الفت حسین اُلفت، جاوید نقاش چکوال،اویس ملک جہلم،مظہر عباس فخر چنیوٹ،شہزاد بزمی،قاسم مصطفائی، اویس باسل،اسد سچیاری،عمر علی عمر، خبیب احمد، نعیم الدین فاروقی،عثمان منور، سعید اختر سعید، منیرچشتی کنجاہی، صدیق مجاہد، احسان فیصل کنجاہی تے رومی بیگ دے گجرات توں نام شامل سن ۔اس دے علاوہ سنن والیاں دی اک وڈی گنتی نے رلت کی۔ادبی تے عوامی حلقیاں ولوں دل دریا پاکستان رجسٹرڈ دی اس ادبی کاوش نوں سراہیا گیا۔
ادبی محفلاں دا پربند سانجھی وسیبی سوچ وچ صحت مند رحجان پیدا کردا اے۔تشدد دا خاتمہ تے مثبت جہتاں تے راہواں دی چون کرن وچ وسیب دی مدد کردا اے۔