’’طواف‘‘ دی پِلاک دے پربندھ ہیٹھ تقریب رونمائی

رپورٹ: آفاق بٹ

پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دے زیر اہتمام پنجابی دے معروف ناول نگار بلدیو سنگھ گریوال دے ناول دا شاہ مکھی پنجابی ترجمہ ’’طواف‘‘ دی تقریب رونمائی منعقد ہوئی۔

اظہار خیال کرن والیاں وچ طاہرہ سرا، سعید کھوکھر، ٹیپو سلیمان، امجد سلیم، ڈاکٹر اعجاز انور تےڈاکٹر صغرا صدف شامل سن۔ مقررین نے ناول دے حوالے نال گل بات کردے ہوئے کہیا کہ ایہہ ناول اک حقیقی کہانی وانگوں محسوس ہوندا اے جس وچ ہر بندے نوں اپنے دوالے گھمدے ہوئے کردار نظر آندے نیں۔ ڈاکٹر صغرا صدف نے کہیا کہ جس طرح پلاک گورمکھی کورس کران دا اہتمام کردا اے ایسے طرح مشرقی پنجاب وچ وی شاہ مکھی سکھان دا انتظام ہونا چاہیدا اے تاں جے پنجابی زبان دی ودھ توں ودھ ترویج دے نال نال ادبی حوالے نال اک دوجے دے خیالات و نظریات توں مستفید ہویا جا سکے۔