’’اکھراں پِیڑاں بوئیاں‘‘ دا مُکھ وکھالی اِکٹھ
اکٹھ دا پربندھ پنجابی ادبی و ثقافتی تنظیم دل دریا پاکستان ولوں کیتا گیا
رپورٹ: محمد اویس باسل
پنجابی ادبی و ثقافتی تنظیم دل دریا پاکستان ولوں راولپنڈی دی مہان شاعرہ رفعت وحید ہوراں دے نویں شعری پراگے ’’اکھراں پِیڑاں بوئیاں‘‘ دے مکھ وکھالی اکٹھ دا ’’ای لائبریری‘‘ گجرات وچ پربند کیتا۔
اکٹھ دی پردھانی پروفیسر خاوربوسالوی ہوراں کیتی۔کتاب تے گل بات کرن والیاں وچ نعیم الدین فاروقی،راشد منصور،احسان فیصل کنجاہی، علی احمد گجراتی،عمران سہیل ہوراں دے ناں شامل سن۔منیرچشتی کنجاہی ہوراں کتاب تے منظوم اظہارِ خیال کیتا۔اسد عباس راز ہوراں رفعت وحید تے خاور بوسالوی ہوراں دیاں غزلاں گا کے ڈھیر مانتا کھٹی۔اُچیچے پروہنیاں وچ لیاقت گڈگور،نوید اقبال،امتیاز قیس چٹھہ ہوراں دے ناں شامل سن۔
ایس توں وَکھ منیر صابری کنجاہی،مرزا سیف اللہ ساجد، شبہیہ مظہر رانجھا،اسد عباس راز، عمران سہیل، منیرچشتی کنجاہی،عصمت اللہ سیکھو، عین عمر، فصیح اللہ جرال،قاسم مصطفائی، عروس فاروقی، نعیم الدین فاروقی،صدیق مجاہد، راشد منصور، سعید اخترسعید،عمر علی عمر،احسان فیصل کنجاہی،عثمان منور، رومی بیگ، حارث مشتاق، اسد سچیاری،شعیب اختر ہوراں رَلت کیتی۔
معروف کالم نگار رحمت اللہ شہزاد ہوراں پروہنی شاعرہ رفعت وحید ہوراں نوں قران پاک تے پنجاب دی آدر دا نشان چادرپیش کیتی۔علی احمد گجراتی ہوراں آن والے سبھناں پروہنیاں دا پھل پیش کرکے سواگت کیتا۔ گل بات کرن والیاں نے اپنی گل بات وچ شاعرہ دی شاعری نوں سراہیا تے اوہناں نوں پنجابی شاعری دی کتاب لیان تے اُچیچی ودھائی دتی۔پروگرام دے آخر تے سبھناں پروہنیاں نوں رات دا کھانا پیش کیتا گیا۔
