دل دریا پاکستان ولوں ماں بولی دیہاڑ اتے گجرات وچ ریلی
رپورٹ: محمد اویس باسل
ہر سال21 فروری نوں دنیا بھر وچ ماں بولی دا دیہاڑ منایا جاندا اے ۔ ایس سلسلے وچ پاکستان دے چھوٹے وَڈے شہراں وچ اِکٹھ ہوئے۔ پنجابی زبان و ادب دے ودھا لئی کم کرن والی تنظیم دل دریا پاکستان دے آہر نال گجرات وچ ریلی دا پربند کیتا گیا۔ ریلی دا ٹورا سروس موڑ گجرات توں کچہری چوک گجرات تیکر سی۔ریلی دی آگوائی کرن والیاں وچ چیئرمین دل دریاپاکستان ادریس چیمہ اسلام آباد،صدر علی احمد گجراتی، سینئرنائب صدر مقصود یاورگجرانوالا، عالم حسن ڈنگہ گجرات،مرزا سیف اللہ ساجد،امتیاز قیس، عصمت اللہ سیکھو گجرانوالا،شہزاد حسین بھٹی، زرقاش اقبال اٹک،ماسٹرطارق محمود انجم شکرگڑھ، ارشد مخلص پھالیہ،رومی بیگ گجرات، طارق مغل، گجرانوالا، میڈم غزالہ کوثر گجرانوالا، مرزا عزت بیگ گجرات ہوراں دے ناں شامل سن۔ ایس توں وَکھ طالبعلماں، وکیلاں تے حیاتی دے دوجے شعبیاں نال جُڑے لوکاں دی اک وڈی گنتی نیں ریلی وچ رلت کرکے ماں بولی نال اپنے پیار دا بھرواں وکھالا کیتا۔ماں بولی پنجابی دے حق وچ زبردست نعرے بازی کیتی گئی تے پنجاب سرکار اگے منگ کیتی گئی کہ پنجاب دی زبان پنجابی نوں پنجاب دے سکولاں کالجاں دے نصاب دا لازمی حصہ بنایا جاوے۔
ایس توں بعد ضلع کونسل ہال گجرات وچ پنجابی کانفرنس دا پربند کیتا گیا۔ جس دی پردھانی ادریس چیمہ ہوراں کیتی۔ گل بات کرن والیاں وچ علی احمد گجراتی، ندیم عاصم سیالکوٹ طارق مغل گجرانوالا، ناہید ملہی سمبڑیال، غزالہ کوثر گجرانوالا،عالم حسن ڈنگہ گجرات، عمران سہیل،منڈی بہائو الدین، مرزا عزت بیگ گجرات، رزقاش اقبال اٹک، مقصود یاور گجرانوالا، شہزاد حسین بھٹی اسلام آباد ہوراں مادری زبان دی اہمیت تے زور دتا۔ پچھلے کئی ورہیاں توں پنجابی زبان نال ہون والے سرکاری پدھر تے دھرو دی نندیا کیتی۔ اور اس گل دا ویروا کیتا کہ کوئی وی دوجی زبان اپنی مادری زبان دا دُوج نہیں ہوسکدی۔ مادری زبان ہی علم دے حصول دا بہترین ذریعہ اے۔ دوجیاں بولیاں وچ علم حاصل کرن لِئی پہلاں دوجیاں زباناں سکھنیاں پیندیاں نیں۔
فیر اوہناں وچ علم سکھنا پیندا۔ اسراں پڑھاکواں دی اک وڈی گنتی تے اوہناں دا وقت دوجیاں زباناں سکھن دے چکر وچ ای ضائع ہوجاندے نیں۔
رٹا سسٹم جڑ پھڑدا اے تے ان پڑتا رواج پاندی اے۔ شرح خواندگی ودھان لئی مڈھلی تعلیم دا مادری زبان وچ پڑھایا جانا قوماں دی ترقی لئی ات لوڑی دا اے۔
اس توں بعد اک پنجابی مشاعرے دا پربند وی کیتا گیا جس وچ ادریس چیمہ، زرقاش اقبال، مقصود یاور، عمران سہیل، علی احمد گجراتی،اسد عباس راز، مرزا سیف اللہ ساجد، عصمت اللہ سیکھو، اویس باسل، خبیب احمد، انعام اللہ ناصر مان، ادریس فنکار،عادل بادشاہ، طاہرخیال، امتیاز قیس، طارق فیاضی،رمضان جانی،اظہر رانجھا، اسلم ہیرا،یاسر ادیب، مبشر رفیق،راشد منصور، ابوبکر آکاس،نعیم الدین فاروقی، شعیب اختر، حارث مشتاق ہوراں دے ناں شامل سن۔ پروگرام دے شروع وچ عوامی گلوکار حسنین صدیق نے پنجابی گیت پیش کیتا۔ اس دے بعد معروف گائیک اسد عباس راز ہوراں نے پنجابی گیت تے غزلاں ہارمونیم تے گا کے اپنی استادی دا وکھالا کیتا تے ماں بولی پنجابی نوں سلاہناں پیش کیتی۔عوامی تے ادبی حلقیاں وچ دل دریا پاکستان ولوں پنجابی سیوا دے ایس آہر نوں بڑا سراہیا جارہیا اے۔ریلی توں بعد جوس بسکٹ تے پروگرام دے آخر تے بریانی نال پروہنیاں دی سیوا کیتی گئی۔
کل نوں کہوے نہ کوئی زبان والا
بے زبانیاں تیری زبان کوئی نہیں
مادری زبان وچ تدریس قوماں دے وقار دی نشانی اے۔
