شیرنی دی گرج تے حکومت دی کنبنی

حنا پرویز بٹ

ملک وچ گیس دا بحران پیدا کرن دے بعد نااہل حکمران ایل این جی دا مہنگا معاہدا کرکے اوہو ٹرمینل استعمال کرن گے جہناں نوں بنانا جرم سی۔ ایسے الزام تے شاہد خاقان عباسی تے مفتاح اسماعیل نوں رگڑا لایا گیا سی۔ کرپشن کرپشن دی گردان کرن والے ایل این جی دے اپنے کیتے گئے لمیری مدت دے معاہدے نوں سستا ترین قرار دے رہے نیں تے دعویٰ کر رہے نیں کہ ایس معاہدے نال تن سو ملین ڈالر دی بچت ہووے گی۔ عوام جان دے نیں کہ ن لیگ دا موقف ٹھیک سی کہ پاکستانی معیشت دی بہتری دا انحصار بلاتعطل گیس دی فراہمی اُتے اے ایس گل نوں یقینی بنان لئی لمیری مدت دا معاہدہ لازم و ملزوم سی۔ پورا پاکستان ایہ جان دا اے کہ نااہل حکومت دے نااہل وزیر مشیر ہر فورم تے ن لیگ دے معاہدے نوں مہنگا قرار دے کے ایہدی مخالفت کردے رہے۔ سوشل میڈیا تے مین سٹریم میڈیا تے دن رات شاہد خاقان عباسی تے مفتاح اسماعیل دے خلاف پٹ سیاپا کیتا گیا۔ اک بندہ دن رات کاغذ لہراندا سی کہ میرے کول ثبوت نیں اوہ دن رات ایہ بیان جاری کردا سی کہ چھیتی ای شاہد خاقان عباسی تے مفتاح اسماعیل نیب دے شکنجے وچ آ جان گے۔
جھوٹی میڈیا ٹرولنگ دے بعد آخرکار شاہد خاقان عباسی تے مفتاح اسماعیل دوہاں نوں ای ایل این جی ٹرمینل بنان تے مبینہ طور تے مہنگے معاہدے کرن دے کیساں وچ ملوث کر لیا گیا۔ اوہناں نوں نیب دے چکر لگوائے گئے پر اوہناں کیساں وچ کجھ ہوندا تے نکلدا۔ شاہد خاقان عباسی نیب تے حکومت دوہاں نوں کھلے عام چیلنج کردے رہے کہ میرے خلاف ریفرنس دی کھلی سماعت کیتی جاوے تے ٹی وی تے نشر کیتی جاوے پر کسے نے ہمت نہ کیتی۔ ساڑھے تن ورھے بعد نیب نے اسحاق ڈار دے خلاف ریفرنس بند کرن دا فیصلہ کرکے بہتان تراشیاں دے تابوت وچ اک ہور کِل ٹھوک دتا اے۔ ایہناں دانشمنداں نوں کیہ کہیے جو وی پتہ کھیڈدے نیں اوہ الٹا اوہناں دے خلاف ای ہو جاندا اے۔ مریم نوازشریف دا ناں ای سی ایل تے پا کے اوہناں نے مسلم لیگ ن تے جیویں کوئی احسان کیتا اے کہ پارٹی نوں اجہی بہادر شیرنی مل گئی جنہے اپنی ماں کلثوم نواز شریف دی روایت نوں دہراندے ہوئے اکلے چیلنج قبول کیتا تے مسلم لیگ دے جلسیاں وچ نویں جان پا دتی۔ ملک دے کونے کونے وچ جتھے وی مریم نواز گئیاں لوکاں نے اوہناں نوں پلکاں تے چُک لیا۔ ایہ میاں نوازشریف دی سیاست نوں ختم کرن نکلے سن اوہ تے ختم نہ ہوئی سگوں الٹا مسلم لیگ نوں نویں لیڈر مل گئی۔
موجودہ صورتحال ایہہ وے کہ ہن ایس شیرنی نوں روکنا ایہناں دے وَس وچ نہیں اُتوں حمزہ شہبازشریف اک لمی قید توں ضمانت تے رہا ہو گئے نیں یعنی اک تے اک گیاراں والا معاملہ بن چکیا اے ہن میاں شہبازشریف دی قید چوں باہر نکلن دیاں تیاریاں کیتیاں جا رہیاں نیں جہدے بعد ملکی سیاست نواں رخ اختیار کرے گی۔ سوچو میاں نوازشریف وطن واپسی دا اعلان کرن گے تے کیہ زلزلہ برپا ہو گا؟ وطن عزیز وچ احتساب دے ناں تے لایا گیا تماشا کھل کے واضح ہو گیا اے ساری عمر چھانگا مانگا سیاست دا ڈھول کٹن والیاں نے سینٹ انتخابات توں پہلاں اپنے ارکان پارلیمنٹ نوں ہوٹلاں وچ نظر بند کر دتا ایہ سارا معاملہ بالکل ایس نہج تے جا اپڑیا اے جو ساحر لدھیانوی دی ایس مشہور زمانہ نظم تے پورا اتردا اے
ظلم پھر ظلم ہے بڑھتا ہے تو مٹ جاتا ہے
خون پھر خون ہے ٹپکے گا تو جم جائے گا
خاک صحرا پہ جمے یا کف قاتل پہ جمے
فرقِ انصاف پہ یا پائے سلاسل پہ جمے
تیغ بیداد پہ یا لاشہ بسمل پہ جمے
خون پھر خون ہے ٹپکے گا تو جم جائے گا
لاکھ بیٹھے کوئی چھپ چھپ کہ کمیں گاہوں میں
خون خود دیتا ہے جلادوں کے مسکن کا سراغ
سازشیں لاکھ اڑاتی رہیں ظلمت کی نقاب
لے کے ہر بوند نکلتی ہے ہتھیلی پہ چراغ
ظلم کی قسمت ناکارہ و رسوا سے کہو
جبر کی حکمت پرکار کے ایما سے کہو
محمل مجلس اقوام کی لیلیٰ سے کہو
خون دیوانہ ہے دامن پہ لپک سکتا ہے
شعلہ تند ہے خرمن پہ لپک سکتا ہے
تم نے جس خون کو مقتل میں دبانا چاہا
آج وہ کوچہ و بازار میں آ نکلا ہے
کہیں شعلہ کہیں نعرہ کہیں پتھر بن کر
خون چلتا ہے تو رکتا نہیں سنگینوں سے
سر اٹھاتا ہے تو دبتا نہیں آئینوں سے
ظلم کی بات ہی کیا ظلم کی اوقات ہی کیا
ظلم بس ظلم ہے آغاز سے انجام تلک
خون پھر خون ہے سو شکل بدل سکتا ہے
ایسی شکلیں کہ مٹاو تو مٹائے نہ بنے
ایسے شعلے کہ بجھاو تو بجھائے نہ بنے
ایسے نعرے کہ دباو تو دبائے نہ بنے
ظلم پھر ظلم ہے بڑھتا ہے تو مٹ جاتا ہے
خون پھر خون ہے ٹپکے گا تو جم جائے گا