گاما مراثی تے ووٹر

شکیل امجد صادق

اک چوہدری دے پُتر دا ویاہ سی۔ چوہدری دا پُتر اکلوتا سی۔ چوہدری صاحب ڈھیر جائیداد دے مالک سن۔ اپنی چوہدراہٹ نوں قائم رکھن لئی چوہدری صاحب سیاست نوں وی منہ مار لیندے سن۔ پُتر دے ویاہ تے چوہدری صاحب نے اک انوکھا فیصلہ کیتا کہ پورے پنڈ نوں ایس خوشی وچ شامل کیتا جاوے۔ ایہدے لئی اوہناں نے پورے پنڈ وچ اعلان کرا دتا کہ پُتر دے ویاہ دی خوشی وچ کھانے دی دعوت دے نال نال پنڈ دے ہر گھر نوں اک خوبصورت جانور تحفے وچ دتا جاوے گا جس گھر وچ مرد دا راج ہووے گا اوتھے اک گھوڑا دتا جاوے گا۔ (جی اوہو گھوڑے جو زرداری صاحب نے پال رکھے سن۔ اوہناں دی خوبصورتی دا اندازہ لانا اوکھا نہیں) تے جس گھر وچ عورت دا راج ہووے گا اوتھے اک ککڑی دتی جاوے گی۔ (جی جی اوہو ککڑیاں جہناں دے پالن دا آئیڈیا وزیراعظم نے دتا سی)
گامے مراثی نوں جانوراں دی ترسیل دا کم دے دتا گیا۔ پہلے ای گھر وچ گاما دوہاں میاں بیوی نوں سامنے بٹھا کے پچھدا اے گھر وچ پردھان کون اے؟ مرد بولیا: میں‘ گامے نے جواب دتا کہ جناب چوہدری ہوراں دے سارے گھوڑے کسے نہ کسے دے ہو گئے نیں ہن صرف تن باقی نیں‘ اک کالا‘ اک سرخ تے اک سفید۔ جو تینوں پسند اے اوہ دس دے‘ مرد نے فوراً جواب دتا کہ مینوں سفید پسند اے۔ کول ای بیٹھی بیوی نے بھیڑا جیہا منہ بناندے ہوئے اپنے خاوند نوں ٹوکیا تے اچی آواز وچ بولی۔ نہیں نہیں اسیں کالا لواں گے‘ میں ویکھیا ہویا اے‘ اوہدے متھے تے سفید پھلی اے اوہ بڑا سوہنا اے۔ مرد نے کہیا کہ چلو کالا ای دے دیو۔ گاما آرام نال اٹھیا‘ تھیلے چوں اک ککڑی کڈھی‘ عورت نوں پھڑائی تے اگلے گھر ٹر گیا۔ گاما مراثی دسدا اے کہ س ارے پنڈ وچ ککڑیاں ای دینیاں پئیاں سن۔
چیئرمین سینٹ دے الیکشن ہو گئے۔ صادق سنجرانی ست ووٹاں دی برتری نال جت گئے تے پچھلے وزیراعظم جناب یوسف رضا گیلانی ست ووٹاں توں ہار گئے۔ مینوں یاد اے کہ گیلانی صاحب وزیراعظم سن تے اوہناں نے گھٹو گھٹ ساڑھے تن ورھے توں کوئی دو مہینے اُتے حکومت کیتی سی۔ اوہناں نے جو لباس اک دن پایا سی اوہدی واری ساڑھے تن ورھے دے چوکھے عرصے بعد فیر نہیں آئی۔ میں تہاڈی یادداشتاں نوں تازا کردا ہویا عرض کراں کہ اوہناں دے اک سیٹ دی قیمت اوس ویلے دے پنج لکھ توں اُتے ہوندی سی تے ایہ سوٹ فرانس توں آئوندے سن۔ دوجی گل ایہ اوہو یوسف رضا گیلانی صاحب نیں جہناں نوں جدوں عدالت نے اوہناں دے عہدے توں برطرف کیتا سی تے مسلم لیگ ن نے مٹھیائی ونڈی سی۔ ہن فلک دی ستم ظریفی ویکھو کہ ایہ اوہو مسلم لیگ ن سی جنہے گیلانی دے سینیٹر بنن تے فیر مٹھیائی ونڈی۔ بات تو سچ ہے مگر بات ہے رسوائی کی۔
گیلانی صاحب دی ہار وچ ہویا انج کہ گیلانی صاحب دے گامے نوں غلط فہمی ہوئی تے اوہ چھ احباب نوں ککڑیاں دے کے کم ختم کر آیا جد کہ سنجرانی صاحب دا گاما اوہناں نوں سفید گھوڑا دے آیا۔ انج معاملہ سفید ہاتھیاں توں ہوندا ہویا سفید گھوڑیاں تک اپڑ کے چھ فٹ پچھے رہ گیا۔ ستویں ووٹر نوں گیلانی صاحب دا گاما سفید گھوڑا دے کے خواب خرگوش دے مزے لٹن لگ پیا۔ اینے وچ سنجرانی صاحب دا گاما اپنے گھوڑے سنے ٹانگاتے سواریاں وی دے آیا تے اوس ستویں ووٹر نے دوہاں دے جوڑیاں وچ بہہ کے قصہ ختم کر دتا۔ ہن گیلانی صاحب اگے گزارش اے کہ اوہ گامے مراثی دے نال بہہ کے فرحت عباس شاہ دی نظم گنگنان۔
آ کسی روز کسی دکھ پہ اکٹھے روئیں
آ کسی روز کسی دکھ پر اکٹھے روئیں
جس طرح مرگ جواں سال پہ دیہاتوں میں
بوڑھیاں روتے ہوئے بین کیا کرتی ہیں
جس طرح ایک سیہ پوش پرندہ کے کہیں گرنے سے
ڈار کے ڈار زمینوں پہ اتر آتے ہیں
چیختے، شور مچاتے ہوئے، کرلاتے ہوئے
اپنے محروم رویوں کی المناکی پر
اپنی تنہائی کے ویرانوں میں چھپ کر رونا
اجنبیت کے گھٹا ٹوپ بیابانوں میں
شہر سے دور کہیں غاروں میں چھپ کر رونا
اک نئے دکھ میں اضافے کے سوا کچھ بھی نہیں
اپنی ہی ذات کے گنجل میں الجھ کر
بس ختم کر یہ عشق کی بازی
غالب مقدار کے ہارے کبھی جیتا نہیں کرتے تنہا
اپنے گمراہ مقاصد سے وفا ٹھیک نہیں
قافلے چھوڑ کے صحرا میں صدا ٹھیک نہیں
ہم پرندے ہیں نہ مقتول ہوائیں پھر بھی
آ کسی روز کسی دکھ پر اکٹھے روئیں
٭٭٭