حرام خوری

پروفیسر محمد عبداللہ بھٹی

میں گریڈ 22دے ریٹائرڈ اعلیٰ سرکاری افسر دے گھر وچ داخل ہویا تے اک دلخراش پریشان کر دین والا منظر میرا منتظر سی اوتھے جیہڑے حالات سن اوہ میرے وہم و گمان وچ وی نہیں سن۔ ساری زندگی اقتدار دے کوٹھے اُتے براجمان بیورو کریٹ جس نے ہمیشہ راج کیتا سی جس دی اک فون کال اُتے انتظامی مشینری دے نال نال اقتدار دے ایواناں وچ بھونچال آ جاندا سی جیہڑا ایس دنیا وچ صرف تے صرف رول کرن آیا سی اوہ ایس خستہ پریشان حال وچ ہوئے گا ایہہ تے میں کدی خواب وچ وی نہیں سوچیا سی جدوں میں دروازے توں داخل ہویا سی افسر صاحب دی قمیض چاک ہو کے لٹک رہی سی پھٹ کے کئی حصیاں وچ تقسیم ہو چکی سی ہن اوہ قمیض نہیں بلکہ ایس دے چیتھڑے ای لٹک رہے سن چہرے تے جسم خراشاں توں خون رس رہیا سی وال کھلرے ہوئے سن چہرے اُتے اقتدار دے دبدبے دی تھاں خوف پریشانی مایوسی بے دلی پھیلی ہوئی سی مینوں جدوں ویکھیا تے اپنی حالت زار تے پھٹے کپڑیاں دا احساس کر کے بوہت شرمندہ ہوئے نوکر نوں اواز دتی جلدی نال میری شرٹ لے آ ہجے میں سرکاری افسر دی حالت زار توں ای نہیں سنبھلیا سی کہ اچانک چیخاں دھاڑاں دے نال ایہناں دے دو جوان پتر اک دوجے نوں مکے گھونسے ماردے ہوئے ڈرائنگ روم وچ داخل ہوئے۔ پتراں دی لڑائی دے نال حیران کن منظر ایہہ شامل ہو گیا کہ وڈی بھین وی ایس جسمانی دھینگا مشتی وچ شامل سی ایس چیخ و پکار وچ پتہ نہیں اوہ کس بھائی دی فریق یا حریف سی کسے بچے دا ہونٹ پھٹیا ہویا سی کسے دے وال منتشر اکھڑ چکے سن کسے دی اکھاں اُتے حملہ کرن دی وجہ نال اوہ سوچی ہوئی سی کسے دے کپڑے پھٹ چکے سن ہتھ پیراں دا استعمال وحشیانہ طریقے نال جاری سی جسمانی دھینگا مشتی مار کٹائی دے نال زبان توں زمانے بھر دی فحش گالیاں دا طوفان تیز ہنیری وانگوں جاری سی گندی تھرڈ کلاس گالیاں دے نال اک منڈا اپنے کمرے ول نس رہیا سی کہ ہجے اپنی گن لیا کے سب نوں شوٹ کر دیوے گا ایس نوں بندوق توں دور رکھن لئی مار پیٹ دا سلسلہ پورے جوبن اُتے سی بڈھے باپ افسر نے ایہہ ویکھیا تے اوہ وی درمیان وچ کود پیا کہ میری موجودگی وچ ایہہ تسیں کیہ کر رہے او تے باپ نوں گالیاں دا تحفہ ملیا کہ تسیں دور ہو جائو ایس سارے جھگڑے دی وجہ تسیں او کاش تسیں مر جائو۔تسیں ریٹائرڈ ہو کے وی ساڈی جان نہیں چھڈ رہے خدا لئی اولڈ ہوم وچ چلے جائو کسے بھرا دوست دے کول چلے جائو ساڈی جان کیوں نہیں چھڈدے باپ نے میرے ساہمنے اپنی اعلیٰ بدتمیزی ویکھی تے مارن نوں نسیا تے اگے توں ایس نوں زور دار دھکا دے کے تھلے ڈیگ دتا میں تے نوکر نے اگے ودھ کے بڈھے بندے نوں چکیا ایسے دوران افسر دا نکا بھرا اپنے پتراں دے نال آ گیا ایہناں بیچاریاں نے مل ملا کے بڑی مشکلاں نال سب نوں وکھرے وکھرے کر کے مختلف کمریاں وچ لے جا کے بند کر کے باہر توں کمرے بند کر دتے پر ناخلف اولاد کمریاں دے اندر توں دھمکیاں گالیاں دتے جا رہے سن وحشت جنون پاگل پن دا انج دا منظر میں اپنی پوری زندگی وچ نہیں ویکھیا سی مینوں لگ رہیا سی میں شاید ہزاراں سال پہلے کسے جنگجو چنگیزی تا تاری قبیلے وچ وڑ آیا واں ایہناں لوکاں نوں تہذیب اخلاقیات چھو کے نہیں گزری سی جانور نما انسان جیہڑے اک دوجے نال گلاں دی بجائے لتاں گھونسیاں نال مار رہے سن پاگل کر دین والی گل ایہہ سی کہ ایہناں دا باپ گریڈ 22 دا اعلیٰ سرکاری افسر سی جیہڑا نہایت پڑھیا لکھیا مہذب اقدار دا مالک سی جس ریٹائرڈمنٹ دے بعد وی پورے ملک وچ اک ناں تے شہرت سی پر اوہ اپنی اولاد دے ساہمنے بے بسی دی تصویر بنیا بیٹھا سی بے بسی دی تصویر دی بجائے اولاد دے ہتھوں ذلیل و رسوا گالیاں دے نال مار وی کھا رہیا سی۔ ساری عمر لوکاں اُتے حکومت کرن والا آخری عمر وچ گالیاں مکیاں گھونسیاں نال نوازیا جا رہیا سی۔ میں عروج و زوال دا عجب تماشہ ویکھ رہیا سی۔ عروج و زوال دی ایہہ پستی۔
مینوں 10 سال پہلے دا عروج دا زمانہ یاد آ گیا جدوں ایہہ سرکاری افسر صاحب اپنے جوبن اُتے سن جدوں ایہناں دی والدہ دے انتقال اُتے میں افسوس لئی حاضر ہویا تے ویکھیا شاندار کھانا تے انتظامات سن میرے پچھن اُتے نوکر نے دسیا کھانا اک دوست نے گھلیا اے ٹینٹ وغیرہ دے انتظام کسے دوجے دوست نے کیتے نیں ہن اگلے کئی دن روزانہ کھانا صاحب دے دوستاں ولوں آئے گا تے میری حیرت اُتے نوکر نے مزید دسیا سر ایس گھر دے سارے اخراجات تے ضرورتاں صاحب دے دوست ای پورے کردے نیں صاحب دی اک کال اُتے لوک اپنی تجوریاں دے منہ کھول دیندے نیں جدوں صاحب گورنمنٹ دی نوکری وچ آئے نیںفلاں بیکری توں بیکری دی شیواں، سالانہ گندم چاول ددھ وغیرہ فلاں زمیندار سونے دے زیورات فلاں جیولر کپڑے وغیرہ فلاں سپر سٹور تے بازاری کھانیاں لئی شہر وچ پھیلے ہوئے مختلف ہوٹل نیں جتھے صاحب تے ایہناں دی فیملی مفت وچ کھانے کھاندے نیں۔ عمرے تے حج دی ذمہ داری فلاں ٹورایجنٹ دی اے غرض صاحب دی ساری ضرورتاں دا خیال مختلف لوک رکھدے نیں۔ صاحب دی اک کال اُتے لوک حاضر ہو جاندے نیں یعنی سرکاری افسر صاحب اپنے مختلف عہدیاں اُت ہون دی وجہ نال مختلف لوکاں نوں نوازدے سن ایس دے بدلے وچ کاروباری لوک صاحب دی ساری رورتاں دا خیال رکھدے سن ایتھوں تیکر کہ جدوں صاحب نے اپنا ذاتی مکان بنایا تے ایس ویلے وی کسے نے پلاٹ کسے نے فرنیچر کسے نے الیکٹرونکس دا ساسامان ، پردے ٹائلاں وغیرہ صاحب دی خوشی لئی پیش کر دتیاں ایس طرح صاحب بہادر نے سرکاری نوکری دا فائدہ وی چک لیا۔
اوہ نوکر صوفیا کرام نال پیار کرن والا سی گھر دا بھیدی سی مینوں صاحب دی حرام خوریاں دی ساری تفصیل دس دتی بعد وچ وی میرے رابطے وچ رہیا اج جدوں میں صاحب دے بلان اُتے گھر وچ داخل ہویا تے ایہہ خوفناک جنگ جاری سی جس وچ صاحب بہادر اپنی لاڈلی اولاد دے نال گتھم گتھا سن صاحب دی بیگم دو سال پہلے وفات پا گئی سی بیگم دے انتقال دے بعد اولاد اُتے جیہڑی والدین دی گرفت سی اوہ کمزور پئے گئی بالاں دی رگاں وچ حلال دی بجائے حرام دا مال دوڑ رہیا سی مادیت پرستی وچ غرق سن ہن وڈے گھر دے حصے کرن دی واری آئی تے تن حصے کر دتے گئے اک بچہ بیسمنٹ وچ دوجا گرائونڈ فلور اُتے تیجا پہلی منزل اُتے سی باپ ڈرائینگ روم تے اک بیڈم روم اپنے استعمال لئی رکھیا سی جیہڑا طے سی کہ مرن دے بعد تیجے پتر نوں ملے گا ایس نے ایہہ اعتراض کیتا کہ پتہ نہیں باپ کدوں مرے گا مینوں ہنے توں میرے حصے دا مکان دتا جائے وڈے بھراتے بھین نے انکار کیتا تے گل ہاتھا پائی تیکر چلی گئی حرام دے مال دی وجہ نال حرام دے بچیاں نوں باپ دی عزت تیکر دی پرواہ نہیں سی اوہ باپ دے مرن دا انتظار کر رہے سن میں تے صاحب دا بھائی کافی دیر تیکر مسئلے نوں حل کرن دی کوشش کردے رہے فیر فیصلہ ہویا دوبارہ نشست ہوئے گی واپس آن تو ں پہلے میں ہولی جہیا صاحب نوں کہیا کاش تسیں رزق حلال اولاد نوں دیندے تے اج ایہہ دن نہ ویکھدے تے صاحب دی اکھاں توں شرمندگی دے اتھرووگ پئے تے بولے جناب واقعی مینوں حرام خوری دی سزا مل رہی اے۔