اجے وی مندا نئیں دِل میرا

میں بذریعہ فیس بک کرن وقار دے انتقال دی خبر اطلاع لئی پوسٹ کیتی تے فیر مینوں دھڑا دھڑ فون آنے شروع ہو گئے

وقار احمد وقار

جمعہ 9 ۔ اپریل 2021 نوں میں ضلع حافظ آباد دے اِک پِنڈ ٹھٹّھہ گجو اپنی مسیر عظمٰی دی منگنی لئی اسلام آباد توں براستہ موٹر وے سدھا پنڈی بھٹیاں اُتریا ، بھائو محمد زبیر تے بھانجے علی مینوں پِنڈ لے کے جان لئی اپنی گڈی سمیت موجود ساہن۔
گھر اپڑدیاں سار ای مامے یوسف ہوراں جی آیاں نوں آکھیا تے ماسی آشاں سِر متّھا چُم چُم سینے نال لایا تے اپنی بھین تے میری ماں دے وچھڑن دا دکھ رو رو ظاہر کیتا ۔زندگی دھپ چھاں دا کھیڈ اے۔ایس کھیڈ پاروں حیاتی دے پرچھانوے گھٹدے ودھدے تے مٹدے رہندے نیں ۔
رات ساری رخسانہ المعروف صداقت بانو (ننھی) تے بھین عظمٰی نال پرانیاں یاداں دے تذکریاں وچ ای جاگدیاں گذر گئی تے ماڑی اجیہی موت مرن بعد فیر حیاتی وچ سویر ہو گئی۔ناشتہ پراٹھے اچار تے لسّی نال کیتا تے ٹھیک دس وجے بھین عظمٰی دی منگنی کرن لئی پنڈی بھٹیاں روانہ ہو گئے۔اجے عظمٰی دے منگیتر ظریف اللہ صاحب دے گھر بیٹھیاں کجھ گھڑیاں ای گذریاں ساہن کہ
14-C شاد باغ ، لاہور دے رہائشی محترم المقام جناب حامد بھائی دا فون آ گیا ۔سلام دعا ہو جان فوراً بعد ای حامد بھائی دسیا۔
٭۔ وقار ،،، کرن وقار فوت ہو گئی اے۔
مینوں اپنے کنّاں اُتے اعتبار تے پہلاں وی کدی نئیں رہئیا ۔میں دوبارہ پچھیا کیہ ؟؟؟
جواب فیر اوہ ای سی
٭۔ وقار ،،، کرن وقار فوت ہو گئی اے۔
کجھ نہ پچھو کیہ بیتی ، جذبات و احساسات کیہ ساہن ۔ میں اپنے آپ نوں سنبھال کے اُٹھیا تے مہماناں نوں چھڈ کے کمریوں ای نئیں اوس گھروں باہر نکل آیا تے باہر نکلدیاں ای کندھ اُتے سِر رکھ ڈھائیں مار مار رون لگ پئیا۔مینوں انج محسوس ہو رہئیا سی کہ جویں جوانی دے ابتدائی دور وچ وچھڑن والی میری بھین تسنیم کوثر اک وار فیر وچھڑ گئی اے۔
انا للہ و انا الیہ راجعون
اپنے احساسات و جذبات اُتے قابو پان دی ناکام کوشش کردیاں دوبارہ اندر آ کے مہماناں تے میزباناں وچ بیٹھ گیا۔پچھیا گیا کیہ ہویا تے سبھ کجھ دسدیاں دسدیاں فیر جذباتی ہو گیا ۔ پتا نئیں کیوں میرے نال پہلے دن توں ای ایہ معاملہ رہئیا اے کہ کوئی وی خوشی مینوں راس نئیں آندی تے فوراً ای ماجرا ایہ ہو جاندا اے کہ
٭ ۔ مسکرانے لگے تھے مگر رو پڑے
لاہور دی الحمرا ادبی بیٹھک میری زندگی وچ اک خاص مقام رکھدی اے ۔ الحمرا ادبی بیٹھک ، لاہور میرے
ورگے گمنام ادیب نوں پچھان تے شناخت دین والا میرا محسن ادارہ اے جتھے مینوں متعارف کران والے محترم جناب سیّدی و مرشدی فرحت عبّاس شاہ جی نیں کہ پہلی وار اسلام آبادوں تشریف لیان والیاں محترمہ راشدہ ماہین ملک ہوراں لئی مینوں استقبالیہ حاضری دین دا موقع بذریعہ فرحت عبّاس شاہ جی نصیب ہویا تے فیر چل سو چل ایہ استقبال اجے تک جاری و ساری اے۔ہر بندے دا اپنا اک خاص مزاج ہندا اے تے میرا مزاج انج دا ای اے جو سبھ دے ساہمنے اے ۔۔۔ قبول کرو نہ کرو !!!
مہماناں وچ بیٹھیاں ای میں بذریعہ فیس بک کرن وقار دے انتقال دی خبر اطلاع لئی پوسٹ کیتی تے فیر مینوں دھڑا دھڑ فون آنے شروع ہو گئے ۔پہلا فون ماں بولی سیوک اپنے بھائی محترم احمد رضا وٹّو ہوراں دا آیا ۔ اوہناں دے کیہ جذبات ساہن دس نئیں سکدا ۔اوہ نئیں سی من رہئے کہ ایہ سبھ سچ اے ۔ ایسے طرحاں ہر کسے باوجود میرے ایہ دسن دے کہ مینوں ایہ خبر اوہناں دے قریبی عزیز حامد بھائی دتی اے ، ایہنوں جھوٹھ ، افواہ تے ناقابلِ یقین خبر ای سمجھیا۔

کرن وقار اپنے نام دے معنی و مفہوم دی عملی تفسیر سی۔ کرن محبت سی ، پیار سی ، اخلاق سی ، کردار سی تے عزت و احترام دا اک معیار سی ۔کرن روشنی دی پچھان تے روشنی دا وقار سی۔کرن محفلاں وچ منفرد مقام تے احترام بنا لین دیاں خدادا صلاحیتاں دی مالک سی۔
کرن شاعرہ سی ، کالمسٹ سی تے لکھاری و مقرر سی ۔لاہور دی ادبی محفلاں اوہنوں کدی وی نئیں بھل سکدیاں۔گُلاب دے پُھل وانگ کھڑیاں مکھڑا اوہدے باطن دی خوبصورتی دا عکاس سی۔انج دی ملنسا ر سی کہ ملدیاں ای دل وچ گھر بنا لیندی سی۔ کرن وقار دی شاعری دی اک جھلک ۔۔۔۔۔۔ کہ
٭٭٭
رات بھر انتظار کرتی رہی
میں ستارے شمار کرتی رہی
یاد آتی رہی تری ہر پل
اور مجھے بے قرار کرتی رہی
میں وہ لڑکی ہوں جو محبّت پر
سارے جذبے نثر کرتی رہی
اُس نے دھوکا دیا مجھے ہر بار
اور میں اعتبار کرتی رہی
دِل کے بہلانے کو خزاں رُت میں
ذکرِ فصلِ بہار کرتی رہی
جس کو آنا تھا آ چکا وہ کرنؔ
خُود کو میں یُونہی خوار کرتی رہی
٭٭٭
کرونا Covid – 19 بین الاقوامی ڈرگ مافیا ولوں لانچ کیتی گئی خود ساختہ مصنوعی وبا اے جس دے بڑے ای بھیانک مذموم مقاصد نیں جنہاں نوں حاصل کرن وچ منفی طاقتاں بڑی تیز رفتاری نال کامیاب نیں۔ایس توں پہلاں ایہو ڈرگ مافیا انسانیت نوں جعلی تے من گھڑت خودساختہ مرض شوگر وچ مبتلا کرکے ریکارڈ بزنس کیتی بیٹھی اے۔جنہاں دا دین ایمان پیسہ اے اوہناں نوں کسے دے وی زندہ رہن یا مر جان نال کیہ ؟؟؟
میں پہلے دن ای الحمرا ادبی بیٹھک وچ آکھیا سی کہ
یہ جو چل رہا ہے ڈرانے کا بزنس
سراسر ہے پیسہ کمانے کا بزنس
کرونا شرونا سنو کچھ نہیں ہے
ہمیں سب ہے اُلو بنانے کا بزنس
میں اینیاں موتاں ویکھ کے وی اپنی ایس کیتی گل اُتے قائم آں۔
میرے تجربات وچ شامل اے کہ جہڑے لوگ علامات ظاہر ہون پاروں گھراں وچ آئسولیٹ رہئے اوہ اجے تک زندہ سلامت نیں تے جہڑے ایہنوں من کے ہسپتال داخل ہوئیے اوہناں وچوں چوکھے پار ہو گئے تے اِکا دُکا صحتیاب گھر واپس موڑدینے وی ایسے ڈرامے دیاں سازشاں دی ای اک کڑی اے۔جے اندر ہون تے جانوں ہتھ دھون دا خطرہ موجود نہ ہندا تے میں ہن تک بڑا کجگ لکھ کہہ چکیا ہندا۔
مسلّط جو دنیا پہ کر دی وبا ہے
ہے انساں ملوّث نہ ہرگز خُدا ہے
سنو پاس میرے ہیں تحقیقی باتیں
مری سوچ ناحق نہ تم سے جدا ہے
نبی ؐ اپنا رحمت خدا مہرباں ہے
جدا دین کا سارا ہی فلسفہ ہے
سنائی گئی بات پر چل سو چل سب
اور چار سو اک قیامت بپا ہے
خطرناک ہیں ظالموں کے ارادے
خدا کی قسم یہ سبھی طے شدہ ہے
ہے معیاد اور حد یہاں ہرکسی کی
نہیں جس کی حد وہ خدا کبریا ہے
جو ہتّھے چڑھا ان کے وہ پار سمجھو
رہا گھر جو تنہا وہی بگ گیا ہے
بڑے سوچنے کے ہیں پہلو جو سوچو
کہ ہر سوچ کا اک جدا زاویہ ہے
بڑی کامیابی سے یہ چل رہے ہیں
عجب اپنی ناکامی کا ماجرا ہے
٭٭٭
دکھ ایہ کہ ایس وبا دا سچ جھوٹھ پرکھن لئی نہ ای پوسٹمارٹم کرن دی اجازت اے تے نہ ای اجے کوئی ایہناں توں وکھ ٹیم منظرِ عام تے آ سکی اے جہڑی کجھ حقیقی نتارا کرے ۔ خورے اجے کرن وقار ورگیاں کنیاں جاناں قربان ہونیاں نیں ۔میں جدوں سوچدا آں کہ کرن وقار مناں مٹی تھلے دفن ہوگئی اے
اجے وی مندا نئیں دِل میرا
٭٭٭