كه ایه سارے ثواب دے كم نیں:::؟

فرہاد اقبال

ٹی وی ڈرامیاں وچ جتھے شراب دا سین ہووے، سکرین اتے “شراب نوشی حرام ہے” لکھیا آ جاندا اے، کوئی کردار سگریٹ پی رہیا ہووے تے “سگریٹ نوشی مضر صحت ہے” والی عبارت آجاندی اے، کوئی جادو کر رہیا ہووے تے ٹیکسٹ آن سکرین آ جاندا اے“جادو سیکھنا، سکھانا، کرنا اور کروانا حرام ہے”
پر جدوں کوئی کردار پکھوواں دا ناجائز شکار کردا اے، آتشیں اسلحے دی نمائش کردا اے، ویاہ شادی تے چوکھی نمود و نمائش کردا اے، کسے ماڑے دی دھی اغوا کردا اے، کوئی مرد کسے عورت نوں تھپڑ ماردا اے، کوئی سس ظلم کردی اے، کوئی بچہ مشقت کردا وکھایا جاندا اے یا کوئی وڈیرا کسے غریب نوں ہنٹر نال مار رہیا ہندا اے، اودوں سکرین تے کجھ وی لکھیا نہیں جاندا، جیویں کہ ایہ سارے ثواب دے کم ہون۔