راشن

سخاوت تے خدمت خلق وی اک نشہ اے جیہڑا قسمت والیاں نوں ملدا اے

پروفیسر محمد عبداللہ بھٹی

افطاری توں بعد روزانہ دے معمول وانگوں میں لیٹ گیا سی پورے دن دی پیاس بھُک توں بعد جدوں معدے وچ ٹھنڈے مزے دار مشروب دے نال فروٹ چاٹ دہی بھلے خستہ کرارے پکوڑے سموسے اُترے تے اوہناں نے لذت دے نال توانائی وی اپڑانی شروع کر دتی کمزوری نقاہت نڈھالی خماری سرشاری وچ ڈھلن لگی اعصاب عضلات جسمانی اعضا معدے وچ توانائی نال بھرپور غذائواں نال طاقت پھڑن لگے لذیز غزاواں نے کم کرنا شروع کیتا تے میرے وچ اک خواب ناک جہی کیفیت وچ مراقباتی حالت طاری ہون لگی، میں جسم نوں ڈھیلا چھڈیا تے نیند دی وادی وچ اُترن لگیا تے اچانک موبائل دی گھنٹی نے خمار تے نیند توں بوجھل اعصاب نوں بیدار کر دتا۔ میں آن والی کال نوں نظر انداز کر کے نیند دا مزا لین دے موڈ وچ سی پر کال کرن والا اخلاقی اقدار نوں مسلسل پامال کرن دے موڈ وچ سی میں نظر انداز کر رہیا سی اوہ مسلسل کال کر رہیا سی آخر مجبور ہو کے میں موبائل چکیا تے اک مخیر دوست دی کال آ رہی سی میں کال پک کر لئی تے دوست دی زندگی توں بھرپور اواز مینوں سنائی دتی سر میں تہاڈے ول آ رہیا واں تہانوں دس رہیاں واں تاں جے تسیں میرے آن تیکر تیار رہو ایس دی گل سن کے مینوں یاد آ گیا کہ میں ایس نال اج ملن دا وعدہ کیتا ہویا سی کہ اج اوہ تے میں کجھ ضرورت مند لوکاں دے گھراں وچ راشن تے پیسے دین جاواں گے نال ایس نے اپنے گودام وچ جیہڑے سینکڑے راشن دے بیگ بنا کے رکھے ہوئے سن اوہ وی ایس نے مینوں وکھانے سن ایس دی شدید خواہش سی میں راشن اپنے ہتھاں نال ونڈاں پر میں کہیا کہ تسیں ونڈ دیو تے اوہ بولیا تسیں صرف اک وار ویکھ لوئو تے ایہناں ضرورت منداں دی لسٹ مینوں دے دیو جیہڑے حقیقی ضرورت مند نیں تاں جے ایس دے بندے ایہناں گھراں تیکر راشن اپڑا آن میرا دوست اپنی خوشی نوں میرے نال شیئر کرنا چاہندا سی صوفیاں درویشاں نوں بوہت پسندکردا سی ایہناں دی صحبت وچ وقت لنگھاندا سی پاکستان دے اولیا کرام دے مزارات تے سالانہ عرساں اُتے وی بڑے ذوق شوق نال حاضری دیندا سی اوہ مجھ سیاہ کار گناہ گار عاجز نوں وی درویش سمجھدا سی ایس لئی جدوں وی موقع ملدا اپنی بے پناہ عقیدت دا اظہار وی کردا مینوں حقیقی ضرورت مند نظر آندا تے ایس نوں ایہہ مدد وی کر دیندا میں افطاری توں بعد جس خوابناک حالت وچ اپنے حجرے وچ پیا سی کوئی ہور ہوندا تے شاید انکار کر دیندا پر ایس خدمت خلق دے جذبے نال سرشار نیک بندے نوں انکار نہ کر سکیا تے کہیا آ جائو میں تہاڈے نال ضرور جاواں گا ہن میں گرما گرم کڑک چائے پیتی تاں جے چست ہو جاواں تھوڑی دیر بعد میرا دوست وی آ گیا میں تیار سی ایس دے نال بیٹھا تے ایس دے گودام ول چل پیا جتھے ایس دی کاروباری شیواں تے رمضان وچ راشن دے توڑے پئے ہوندے نیں ۔ لہور دیاں سڑکاں تقریباً خالی سن اسیں ادھے گھنٹے وچ ای ایس دے گودام تیکر اپڑ گئے گودام کھولیا تے دل باغ باغ ہو گیا مختلف قسم دے اناج چینی مشروبات دیاں بوتلاں کھجور تے آٹے دے بیگاں نال بھریا پیا سی اینی زیادہ مقدار وچ راشن ویکھ کے دل خوش ہو گیا ایس دے بندے کیری ڈبیاں وچ ساڈا انتظار کر رہے سن جویں ای اسیں اپڑے اوہ میرے دوست دے دسے ہوئے ایڈریساں اُتے روانہ ہو گئے اینی زیادہ مقدار وچ چینی دی بوریاں نوں ویکھ کے میرے پچھن اُتے ایس نے دسیا میں رمضان دے راشن دی تیاری رمضان دی آمد توں تن مہینے پہلے کر دینا واں ایس کم لئی میں مختلف لوکاں دی خدمات لے رکھیاں نیں جیہڑے اناج چینی آٹے کھجوراں دا کم کردے نیں میں تن مہینے پہلے ایہناں نوں اپنی ڈیمانڈ دس دینا واں اوہ وی جان دے نیں کہ میں ایہہ سامان رمضان وچ ضرورت منداں دے لئی لینا واں ایس لئی اوہ وی تعاون کردینیں کئی تے منافع نہیں لیندے جے کوئی لیندا اے تے بوہت جائز لیندا اے دوجی اہم گل ایس نے ایہہ دسی کہ ایہہ راشن جنہاں ضرورت منداںتیکر جاندا اے ایہناں نوں میں نہیں اپڑاندا ایہہ تے خدا دا مال اے میں اک ڈاکئے وانگوں ڈاک ضرورت منداں تیکر اپڑان دی نوکری کرنا واں ۔
میں کجھ سال پہلے ایہہ کم صرف 10 راشن بیگاں توں شروع کیتا سی اج ایہہ اللہ دے خاص فضل و کرم نال ہزاراں وچ اپڑ گیا اے میری کتھے اینی اوقات کہ کسے نوں کجھ دے سکاں جدوں میں کوشش کیتی تے اللہ نے برکت پا دتی اپنے دوست دی گل سن کے مینوں حق تعالیٰ دا نظام یاد آ گیا کہ پروردگار نے کیہ عادلانہ نظام بنایا اے کہ جے تسیں بُرائی دا کم کرو تے کائنات دی منفی قوتاں تہاڈے ہمرکاب ہو جاندیاں نیں تے فیر بُرائی کرن والا بُرائی دی دلدل وچ ٹُردا ای چلا جاندا اے تے جے کوئی نیکی اچھائی خدمت خلق دا کم شروع کرے تے کائنات دی مثبت قوتاں ایس دے نال شامل ہو کے نیکیاں نوں کوہ ہمالیہ توں وی اُتے لے جاندیاں نیں خوش قسمت ہوندے نیں اوہ لوک جیہڑے نیکی دا سفر شروع کردے نیں فیر اللہ تعالیٰ ایہناں نوں ایس طرح قبول کردا اے کہ ایہناں دے اک قطرے نوں سمندر وچ بدل دیندا اے تسیں پاکستان دے سارے مخیر حضرات دا ڈیٹاحاصل کر لوئو کس طرح اوہناں نے بوہت نکے پیمانے اُتے سخاوت دا کم شروع کیتا پر ویکھدے ای ویکھدے کجھ مہینیاں سالاں وچ اوہ کم ایس قدر ودھیا کہ بوہت سارے بندے رکھنے پئے جیہڑے لوک وی حقیقی باطنی خوشی دی تلاش وچ رہندے نیں ایہناں نوں چیلنج کرنا واں کہ تسیں خدمت خلق تے سخاوت نوں اپنی زندگی دا حصہ بنا لوئو فیر تسیں ویکھنا کس طرح تہاڈے باطن توں خوشی سرشاری دے فوارے پھُٹدے نیں۔ سخاوت تے خدمت خلق وی اک نشہ اے جیہڑا قسمت والیاں نوں ملدا اے میرے دوست دے گودام وچ دعا کر کے ہن ایس نے اپنا ڈالا گڈی راشن دے بیگاں نال بھر لئی تے اسیں راشن دی تقسیم دے مشن اُتے نکل پئے۔ گڈی چلی تے اوہ بولیا سر تہاڈا اک بڈھا مالی ہر سال راشن لین آندا سی ایس وار نہیں آیا اوہ جدوں وی آندا تہاڈا سلام دیندا بوہت ساری دعائواں دے کے چلا جاندا مالی دا ناں سن کے مینوں بڈھا مالی یاد آ گیا ایس دے کول موبائل نہیں سی ایس دے بھانجے دے کول سی میں ایس نوں فون ملایا ایس نے چکیا تے پچھن اُتے بولیا سر ماموں نوں فالج ہو گیا اے اوہ چارپائی توں اتر کے چل نہیں سکدے بابے مالی دی بیماری سن کے سانوں دونواں نوں بوہت صدمہ ہویا تاں فیصلہ کیتا بابے مالی دے گھر جا کے راشن دینے آں ہن اسیں دریا راوی دے ایس پار بابے مالی دے پنڈ ول جا رہے سی جیہڑا راوی دے ایس پار 10 کلومیٹر دور پنڈ وچ اپنے خاندان دے نال رہندا سی جویں ای اسیں ایس پنڈ وچ آئے لگیا سو سال پہلے دے علاقے وچ آ گئے آں گٹر ابل ابل کے رستہ خراب کر چکے سن مالی دا بھانجہ سانوں لین آ گیا سی ایس نوں نال بٹھا کے جدوں ایس تن مرلے دے گھر وچ اپڑے جتھے بابا مالی زندہ لاش دی طرح بے حس و حرکت پیا سی ایس گھر وچ 20 لوک سن غربت دا ایہہ عالم کہ دوروازاں دی تھاں کپڑے دے پردے لٹک رہے سن مالی دی بہو بھین بیوہ بھابھی ایہناں دے بچے غربت بے بسی دیواراں توں چھلک رہی سی سانوں ویکھ کے مالی دی اکھاں چمک پیاں حرکت کرن دی کوشش کیتی پر کر نہ سکیا گھر دی حالت غربت ویکھ کے میرے دوست نے سارا راشن اودھے اُتار دتا جنہے پیسے کول سن سب بابے دے سرہانے دے تھلے رکھ دتے بابے دی اکھاں اتھرواں نال روشن ہو گئیاں تے ساڈی وی بھیگ گئیاں واپسی اُتے میرا دوست بھیگی اواز وچ بولیا جے اج اسیں ایتھے نہ آندے تے بوہت وڈا گناہ کردے تے مینوں بابا مالی دی تشکر آمیز اکھاں تے گھر دے بالاں دے مسکراندے چہرے یاد آ گئے جیہڑے راشن نوں ویکھ کے کھل اُٹھے سن۔