حکومت جدید سہولتاں والے ہسپتال بنائے

محمد انصر سپرا ایڈووکیٹ

اسلام دین فطرت اے تے نہ صرف مسلماناں بلکہ غیر مسلماں دے حقوق دا بوہت زیادہ احترام کردا اے۔ پاکستان اک اسلامی نظریا ت ملک اے تے ایس دا آئین وی اپنے شہریاں نوں بلاامتیاز مذہب، رنگ و نسل بنیادی حقوق دین تے ایہناں بنیادی حقوق دے تحفظ نوں وی یقینی بنانا اے پر بدقسمتی نال پاکستان دے عام شہریاں لئی تحریری طور اُتے تے سب کجھ موجود اے پر عملی طور اُتے ایہہ ساری گلاں تے حقوق دا تحفظ تے فراہمی دور دور تیکر نظر نہیں آندی جس اہم مسئلے اُتے گل کرنا چاہواں گا اوہ طب دا شعبہ اے مجموعی طور اُتے جے ویکھیا جائے تے پاکستان وچ زیادہ تر ہسپتال انگریزاں دے بنائے ہوئے نیں جویں گنگا رام، گلاب دیوی، سروسز ہسپتال، میو ہسپتال وغیرہ تے ایہناں سارے ہسپتالاں دا شمار پاکستان دے وڈے ہسپتالاں وچ ہوندا اے جے ایہناں طبی اداریاں نوں کڈ دتا جائے تے پاکستان دے اپنے تعمیر کردہ وڈے ہسپتالاں دی تعداد بوہت گھٹ رہ جاندی اے جد کہ جے آبادی دے تناسب نال ایہناں دی تعدا دویکھی جائے تے ایہہ بوہت ای گھٹ اے قیام پاکستان توں لے کے ہن تیکر تقریباً 75 سال ہون نوں نیں پر کسے حکومت نہ ای وفاقی سطح اُتے نہ ای صوبائی سطح اُتے عوام نوں ایہناں دے بنیادی حقوق دتے تے ایہناں نوں بہتر بنان دی عملی کوشش نہیں کیتی جیہڑی حکومت آندی اے اوہ ایہو کہندی اے کہ پچھلے اینے سالاں توں بلوچستان تے ایہناں دی عوام نوں ایہناں دے حقوق توں محروم رکھیا گیا کدی کراچی والے اپنا حق منگن کراچی سڑکاں اُتے ’’حق دو کراچی کو ‘‘ دے نعرے لاندے نظر آندے نیں ایہو حال خیبر پختونخواہتے پنجاب دا اے اج طب دے موضوع اُتے گل ہو رہی اے ایس لئی جے دوجے شعبہ جات نوں شامل کیتا گیا تے مضبوط بوہت لمبا ہو جائے گا حکومت ہر دوجے سال گلیاں نال بنان اُتے جنہے پیسے خرچ کردی اے اینے پیسیاںنال متعلقہ یونین کونسل وچ بہترین ہسپتال تعمیر کیتا جا سکدا اے تے ہر سال گلیاں نالیاں نوں اُچا کر کے لوکاں دے گھراں دی سطح پست کر دتی جاندی اے جس نال غریب عوام سہولت دی بجائے شدید پریشانی تے مشکلات دا شکار ہو جاندی اے کم لوڑ دے مطابق کرنے چاہیدے نیں تے جس کم دی پہلے لوڑ اے ایہنوں ترجیحی بنیاداں اُتے کیتا جانا چاہیدا اے پاکستان وچ صحت دا مسئلہ انتہائی سنگین صورت اختیار کر چکیا اے ساڈے کول صحت دے ہر شعبے وچ سہولتاں تے ماہرین دی کمی اے تے سب توں ودھ کے ہر شعبے وچ کم کرن والیاں وچ بوہت زیادہ اخلاق قدراں دا فقدان اے ساڈے رویے مسیحا توں زیادہ جلاد نظر آندے نیں اسیں لوکاں دے دکھ درد دا مداوا کرن دی بجائے ایہناں نوں مزید پریشان کرنے آں حکومت نوں صحت دے معاملات نوں انتہائی سنجیدہ لینا چاہیدا اے تے یونین کونسل دی سطح توں لے کے تحصیل ضلع تے ڈویژن لیول اُتے ہسپتال دا اک جال وچھایا جائے تے تحصٰل نہیں تے گھٹ توں گھٹ ہر ضلع وچ اک دو بیماریاں دے علاج لئی خصوصی تے جدید آلات تے طبی ماہرین نال لیس تے آراستہ ہسپتال بنانے چاہیدے نیں۔ کسے ضلعے وچ کینسر کسے ضلعے وچ دل کسے ضلعے وچ جگر، کسے ضلعے وچ اکھاں ، کسے ضلعے وچ بچیاں، کسے ضلعے وچ ٹی بی تے سینے دی بیماریاں مین تے وڈی شاہراہواں اُتے ٹراماسنٹر قائم کیتے جان تے ایہناں سارے ہسپتالاں وچ علاج دی بہترین جدید تے ساری سہولتاں بالکل فری دستیاب ہونی چاہیدیاں نیں جے حکومت صرف تے صرف تعلیم تے صحت دی جدید معیاری تے فری سہولتاں میسر کرے تے مہنگائی اُتے کافی حد تیکر قابو پایا جا سکدا اے۔ حکومت ہیلتھ کارڈ تقسیم کر کے عوام نوں سہولت دین دے بجائے پرائیویٹ کلچر نوں پرموٹ کر رہی اے۔ اک تحصیل دی سطح اُتے جنہے ہیلتھ کارڈ تقسیم کیتے گئے نیں ایہناں گھٹ پیسیاں وچ تحصیل دی سطح اُتے دو تن ہسپتال تعمیر کیتے جا سکدے نیں۔حکومت نوں ایس گل دا احساس ہونا چاہیدا اے کہ کرونا جہی مہلک وبا وچ جس قدر سرکاری ہسپتال ڈاکٹرز نرسز تے سارے پیرا میڈیکل سٹاف نے فرائض سرانجام دتے اوہ یقینا تاریخی کارنامہ اے تے قابل تعریف اے ایس دے برعکس کسے پرائیویٹ ہسپتال نے کرونا دے مریض دا علاج کرنا تے درکنار انج دے مریض نوں اپنے ہسپتال وچ داخل وی نہیں ہون دتا فیر وی ساڈی اکھاں کیوں نہیں کھلدیاں سرکاری سٹاف دی اینی قربانیاں دے باوجود حکومت نے طبی عملے نوں وادھو تنخواہ دین دا اعلان تے کیتا پر ہجے تیکر ایہنوں عملی جامہ نہیں پایا حکومت فوری طور اُتے اپنے وعدے دے مطابق کرونا وبا دے خلاف برسر پیکار طبی عملے نوں وادھو تنخواہ ادا کرے تے ایہناں دی ہر ممکن حوصلہ افزائی کرے۔ حکومت پبلک پرائیویٹ پارٹنر شپ دے تحت وی جدید تے معیاری ہسپتال تعمیر کر سکدی اے تے ایہناں نوں مخیر حضرات دے تعاون نال چلایا جا سکدا اے۔ کاش حکومت وقت صحت دے مسائل نوں سنجیدہ لے کے ایہناں دا کوئی مناسب حل کڈ لوے۔