ساڈا معاشرہ تے اسلامی نظام

لکھت: افضل طاہر وزیرآبادی

ساڈہ ملک پاکستان 74سال پہلاں اسلام دے ناں تے بڑیاں قربانیاں دین توں بعد بنیا۔قائداعظم محمد علی جناح دا پاکستان بنان دا مقصد اہو ای سی کے مسلماناں لئی اک وکھرا ملک ہونا چاہیدا اے جتھے او آزادی نال رہ سکن تے آزادی نال اپنی عبادت کر سکن تے جدوں 14اگست1947نوں پاکستان وجود اچ آیا تے او اسلامی جمہوریہ پاکستان دے ناں توں ای وجود اچ آیا چاہیدا تے ایہ سی کی ایس ملک پاکستان اچ ہر قانون تے نظام اسلامی طریقے نال نافذ ہوندا پر بڑے افسوس نال ایتھے اسلامی قانون نہیں بناے گئے جے بناے گئے تے اوہناں تے کوئی عمل درآمد نہیں ہوندا ساڈہ معاشرتی نظام ہوے یا اسلامی نظام شروع توں لے کے تے ہون تک بہتر ہون دی بجاے خراب ہوندا ریا اے کئی حکومتاں آیاں تے کئی گئیاں کسے وی حالات بہتر کرندی کوشش نہیں کیتی سب نے اپنے اپنے مقصد پورے کیتے پاکستان اسلامی ملک ہون دے باوجود مسلمان حکمران ہون دے باوجود پاکستان وچ اسلام دے خلاف کئی تنظیماں کم کر رہیاں نیں جیڑی کے ساڈے واسطے بڑی شرم والی گل اے جیدا دل کردا اے او اٹھ کے تے اسلام دے خلاف سرےعام گل کر دیندا اے تے اوہنوں کوئی پچھن والا نہیں ساڈیاں مسلمان بیبیاں جناں نوں مغرب دی ہوا لگ جاندی اے او فیر عورت مارچ کر کے تے میراجسم میری مرضی ورگے نعرے لاندیاں نیں فیر او اوس مارچ وچ ہر او کم کرداں نیں جیڑے ساڈے مذہب اسلام وچ منع نیں پر اوناں نوں وی کوئی روکن والا نیں کدرے ملالہ ورگی بے حیا تے اسلام توں ناواقف نکاح دے خلاف بولدی اے تے کہندی اے کہ نکاح دی کی لوڑ اے فیر وڈا نقصان اے وے کے ایدے ورگیاں کئی عورتاں نے سوشل میڈیا تے پیج بناے نیں جناں نوں ساڈیاں عام بیبیاں فالو کردیاں نیں تے ایہ زہر ہولی ہولی ودھدا جا رہیا اے ساڈے سکول کالج یونیورسٹیاں تے بازاراں دا ماحول بہت زیادہ قابل اعتراض ہو گیا اے جیڑا کہ ساڈے مسلماناں لئی بڑا وڈا لمحہ فکریہ اے ساڈی حکومت نوں اسلام دے خلاف تے اسلام دے شرعی مسئلے دی خلاف ورزی کرن والیاں دے خلاف سخت ایکشن لینا چاہیدا اے بڑے افسوس نال کہنا پیندا اے کہ ساڈے اسلامی قانون جیڑے کہ سانوں اپنانے چاہیدے سن او قانون پورے یورپ وچ گورے عیسائیاں نے اپناے ہوے نیں تے ایسے کر کے او آج پوری دنیا تے کامیاب نیں تے اسیں مسلمان ہو کہ اوہناں توں بہت پچھے آں تے ایدی سب توں وڈی وجہ ساڈی اسلام تے شرعی نظام توں دوری اے ساڈیاں عدالتاں وچ جھوٹ بولیا جاندا اے پیسے والے دے کیس مک جاندے نیں تے ماڑے دا او کیس وی نہیں مکدا جدے وچ اوہدا کوئی قصور نہیں ہوندا ہر ادارے وچ سفارش تے رشوت نال یر جاہل بندے نوں نوکر ی لب جاندی اے تے پڑھے لکھے وچارے مزدورری کرن تے مجبور نیں جعلی ڈگریاں والے وزیر نیں تے ڈگریاں والے خودکشی کر رہے نیں ہسپتالاں وچ ڈاکٹر ڈاکو بنے ہوے نیں تے ماڑے مریض مر رہےنیں جدوں اسیں اسلامی نظام نافذ کراں گے تے اوہناں تے عمل وی کراں گے تے آہنے آپ ای سارے نظام ٹھیک ہو جان گے سانوں چاہیدا اے کہ اسیں آپنی حیاتی اسلامی طریقیاں تے عمل جر کے گزاریے اللہ پاک سانوں سب نوں تے ساڈے حکمراناں نوں نیک ہدایت عطا فرماے آمین