پِلاک ولوں ماضی دے نامور فل سٹار اکمل خان دی برسی
رپورٹ: آفاق بٹ
پنجاب انسٹیٹیوٹ آف لینگوئج، آرٹ اینڈ کلچر (پِلاک) دے زیر اہتمام پِلاک لوک سٹوڈیو تے پِلاک ٹی وی ولوں ماضی دے نامور فلم سٹار اکمل خان دی برسی ایہناں دے مداحواں دے نال منائی گئی جیہڑے کہ ایہناں دی قبر اُتے موجود سن جنہاں وچ پرویز کلیم (فلم ڈائریکٹر)، خاور خان، زیڈ اے زلفی تے دیگر شامل نیں۔
مداحواں نے اپنے تاثرات بیان کردے ہوئے کہیا کہ اکمل خان بوہت اعلیٰ پائے دے فنکار سن۔ اوہناں نے جنہے وی کردار ادا کیتے ایہناں اُتے حقیقت دا گمان ہوندا اے۔ ادھی صدی لنگھن دے باوجود ایہناں دے چاہن والے اج وی موجود نیں۔ اکمل خان بھرپور جوانی وچ اپنے مداحواں نوں داغِ مفارقت دے گئے۔ ایہناں نوں پاکستانی فلماں دا دلیپ کمار منیا جاندا سی۔ ایہناں دی فلماں وچ پنجاب دا شیر، جبرو، ملنگی، بھریا میلہ، ووہٹی، ہتھ جوڑی، امام دین گہاویہ وغیرہ شامل نیں۔ایس تقریب وچ میزبانی دے فرائض ڈائریکٹر پروگرام خاقان حیدر غازی نے سرانجام دتے۔
