پریس کلب قلعہ دیدار سنگھ اندر مُکھ وکھالی اِکٹھ تے پنجابی مشاعرہ

اِکٹھ دا آہر معروف پنجابی ادبی تنظیم دل دریا پاکستان رجسٹرڈ ولوں کیتا گیا

رپورٹ: محمد اویس باسل

معروف پنجابی ادبی تنظیم دل دریا پاکستان رجسٹرڈ ولوں پریس کلب قلعہ دیدار سنگھ اندر مُکھ وکھالی اِکٹھ دے پنجابی مشاعرے دا پربندھ کیتا گیا۔مہان پنجابی شاعر ریاض ارمان ہوریںمشاعرے دے پردھان سن۔محمد شوکت ڈار ہوراں مشاعرے دی مجمانی کیتی۔۔علی احمد گجراتی نیں نقابت دا ذمہ چایا۔
ملک دی معروف پنجابی تنظیم دل دریا پاکستان رجسٹرڈ دے پربند ہیٹھ پریس کلب قلعہ دیدار سنگھ وچ اک بھرویں شعری اکٹھ دا پربند کیتا گیا۔ جس وچ سیالکوٹ دے شاعر آصف علی علوی ہوراں دے شُغلی پنجابی شعری پراگے چغلیاںدی مکھ وکھالی وی ہوئی۔ ایس موقعے تے اک خوبصورت پنجابی مشاعرہ دا پربند وی کیتا گیاپروگرام دی مجمانی چیئرمین پریس کلب قلعہ دیدار سنگھ محمد شوکت ڈار ہوراں کیتی تے پنجابی شاعر ریاض ارمان جلالپور بھٹیاں نیں پروگرام دی پردھانی کیتی۔شریاض خان آغا ہوراں نیں تلاوت قران پاک توں پروگرام دا مڈھ بنھیا۔اس دے نال خوبصورت آواز وچ ہدیہ نعت پیش کرکے ڈھیر داد وصول کیتی ۔

شُغلیشعری پراگے “چُغلیاں” تے گل بات کردیاں ہویاں علی احمد گجراتی مقصود یاور تے پروفیسر اکبر علی غازی ہوراں نیں آکھیا آصف علی علوی صاحب نیں اپنے مزاحیہ شعری مجموعہ وچ روایتی مزاح توں ہٹ کے اپنا اسلوب اختیار کیتا اے۔جہدے وچ اوہ کامیاب وی ہوئے نیں۔ ایہ ای وجہ اے کہ اوہ سنجیدہ ادبی حلقیاں وچ اپنا مقام رکھدے نیں۔ اپنے مزاحیہ کلام وچ قاری نوں ہسدے ہساندے معاشرتی مسائل ول لے جاندے نیں۔عوام دشمن حکومتی پالیسیاں تے مزاح دی صورت وچ طنز کرنا تے اپنی وسوں دے مسائل ول دھیان کرانا اوہناں دی شاعری دا خاصا اے۔ پنجابی شعری پراگا “چُغلیاں” پنجابی ادب وچ ایک مان جوگ تے وڈا سلاہن جوگ وادھا اے۔اس پروگرام وچ راناطارق جاوید، میاں ناصر محمود، تنویر حسین تنویر،پروفیسر اکبر علی غازی، ایوب صابر،سید صداقت علی شاہ،محمودحیدر پیرزادہ،افتخارشاہد،علمدار اوج تے مقصود یاور ہوراں نیں مہمانِ خصوصی دے طور تے شرکت کیتی۔

اس دے علاوہ عدنان قلزم رانجھا، عامر رفیق عامر،عادل بادشاہ،طیب گجر، ڈاکٹر اصغر علی اصغر نیں اُچیچی رلت کیتی۔ہور مان جوگ شعراء اکرام وچ ذوہیب افضل۔عصمت اللہ سیکھو۔طاہر خیال، خلیل الرحمن حماد،میاں عارف صدیق،اشرف شاکر،اجمل ہاشمی،رمضان تائب،لیاقت قندیل،مرزا سیف اللہ ساجد، جاوید ساگر،امتیاز قیس چٹھہ،اسلم ہیرا، طارق فیاضی،حمزہ پٹھان،انعام اللہ ناصرمان،سر فیاض الرحمن،گوہر علی گوہر شامل سن۔پروگرام دے آخر وچ رلتی پروہنیاں نوں کھانا پیش کیتا گیا۔