پِلاک لہور وچ ملک گیر پنجابی ادبی تنظیم دل دریا پاکستان ولوں ستواں ورہے وار ایوارڈز اِکٹھ
2019 ،2020 وچ چھپیاں کتاباں نوں پہلا ،دُوجا، تریجا ایوارڈ تے پنجابی سیوکاں نوں ایوارڈز پیش کیتے گئے
رپورٹ: محمد اویس باسل
ملک گیر پنجابی ادبی تنظیم دل دریا پاکستان رجسٹرڈ دی چھتر چھاویں ستویں ورہے وار ایوارڈ اکٹھ دا پلاک لہور وچ پربند کیتا گیا۔علی احمد گجراتی ہوراں آن والے پروہنیاں دا سواگت کیتا۔پنجابی زبان دے لکھاریاں تے سیواکاراں وچ ایوارڈز ونڈے گئے۔اِکٹھ دی پردھانی ڈاکٹر صغرا صدف ڈائرکٹر جنرل پلاک ہوراں کیتی۔تلاوت کلام مجید نال پروگرام شروع کیتاگیا۔ اسد عباس راز ، صابر ورک، تیمورافغانی تے بابا گروپ دے مہان گائیک حسنین اکبر ہوراں اپنے اپنے فن دا مظاہرہ کیتا۔ مان جوگ ڈھولچی ضیغم تے اوہناں دی ٹیم نے ڈھول وجا کے اپنے فن دا مظاہرہ کیتا۔اچیچے پروہیناں وچ چیئرمین پنجابی میڈیا گروپ مدثر اقبال بٹ،سعید احمد تاج سابق صدر چیمبر آف کامرس گجرانوالہ،سید ماجد شاہ،پروفیسر ڈاکٹر عامر ظہیر بھٹی ہوراں رلت کیتی۔آدری پروہنیاں وچ ادریس چیمہ،اعظم علی اعظم،محمد شوکت ڈار،تہمینہ مرزا،فرحانہ عنبر ہوریں سن۔
پنجابی زبان ادب تے ثقافت دی کاری وچ ادھمی کم کرن والیاں جیہڑے پنجابی سیواکاراں نوں ایوارڈ پیش کیتے گئے اوہناں دے ناں ایہ نے،رانا علی ،پروفیسر ملک ناصر داود، حسنین اکبر، تیمور افغانی،میاں آصف علی ،الیاس گھمن،اصغر رحمانی ،خضر ولی چشتی ، سعید اسلم ،مزمل احمد، ڈاکٹرصائمہ بتول ،نسیم اقبال بھٹی،پروفیسر غلام ربانی،محمد عمر ندیم،پُروا مسعود،رانا ارشاد علی،عبدالرحمن ساجد ایس توں بعد پنجابی لکھاریاں نوں اوہناں دیاں پچھلے دو سالاں دیاں لکھتاں تے ایوارڈ دتے گئے۔2019
وچ چھپیاں پنجابی کتاباں وچ کرونبلاں عاصم پڑھیار پہلا پنجابی نظم ایوارڈ،گودڑی نادر لاشاری دوجا پنجابی نظم ایوارڈ،میرے وطناں توں آیا ایں رضا شاہ تریجا پنجابی نظم ایوارڈ، کُھڑبا کُھڑبی منیر چشتی کنجاہی چوتھا پنجابی نظم ایوارڈ حاصل کیتا۔پنجابی غزل وچ سُکے پھُل کتاباں وچ عمران سلیم غزل پہلا ایوارڈ،عشق دے اتھرو میاں محمد علی دوجا غزل ایوارڈ، کندھاں اُتے گھاہ ظفر اعوان دوجا غزل ایوارڈ،اج آکھاں اماں حوا نوں راجا محمدجہانگیر قمر تریجا پنحابی غزل ایوارڈ،پالنا پتھراں دا عطاءالعزیز تریجاپنجابی غزل ایوارڈ،رنگ برنگے دل احمد حیات خان بلوچ پنجابی غزل چوتھا ایوارڈ حاصل کیتا اس توں وکھ یار فریدا محمد جہانگیر بدر، عمراں دے کُھوہ ظفر اعوان،دوپٹہ تے ڈولی الحاج صوفی محمد یعقوب، اکھیاں دے بوہے محبوب احمد محبوب، بول فقیرا ارشد اعوان اعزازی شیلڈاں حاصل کیتیاں اس توں وکھ اکھر اکھر حمداں محبوب سرمد پہلا حمد ایوارڈ،نعت دے دِیوے اعجازمحسن پہلا نعت ایوارڈ، محمدؐ نام ایں سوہنا خان منیر احمدخاور دوجا نعت ایوارڈ ، روضے دِیاں جالیاں محمد اکرم قلندری تریجا نعت ایوارڈ،آخری نبیؐ پروین سجل پہلا اُلتھا کاری ایوارڈ ،نبیؐ پاک دے 99 ناں حکیم عبدالحمید نظامی پہلا سیرت نگاری ایوارڈ حاصل کیتا۔بال ادب وچ چانن ونڈدے جگنو صادق شاہین پہلا پنجابی بال ادب ایوارڈ،ہوٹے ماٹے صدیق حیرت دوجا پنجابی بال ادب ایوارڈ، ست رنگی پینگھ تے ہور ناٹک ڈاکٹر دیوندر پال سنگھ تریجا پنجابی بال ادب ایوارڈ حاصل کیتا۔ورثے دی چھاں ڈاکٹرمحمد ایوب پہلا پنجابی تنقید ایوارڈ،تنقیدی ویروے ڈاکٹرمحمد ایوب دوجا پنجابی تنقید ایوارڈ،پنجابی کلاسیکل قصیاں وچ بوٹیاں دا سائینسی
تے سماجی ویروا ڈاکٹر صائمہ بتول پہلا پنجابی پڑچول ایوارڈ،مواعظہِ شہِ یوسف ڈاکٹرمحمد عرفان الحق دوجا پنجابی پڑچول ایوارڈ ،قصور دا صوفی ملک محمد ایاز تریجا پنجابی پڑچول ایوارڈ، تیجی مخلوق ہرکِیرت کور چاہل پہلا پنجابی ناول ایوارڈ،کنڈیاں دی واڑ نعیم یاد پہلا پنجابی کہانی ایوارڈ، کانیاں دی پوڑھی نور حسن ارمان دوجا پنجابی کہانی ایوارڈ حاصل کیتا۔2020 وچ چھپن والیاں پنجابی کتاباں وچ عطا فِر نعت ہوئی اے ہمایوں پرویز شاہد پہلا نعت ایوارڈ، غزل ایوارڈ چُپاں وٹی شام فقیر کامل پہلا پنجابی غزل ایوارڈ، اکھراں پِیڑاں بوئیاں رفعت وحید، دوجا پنجابی غزل ایوارڈ، کانواں ہتھ سنیہا ڈاکٹر جاوید کنول دوجا پنجابی غزل ایوارڈ ، اُڈیک شاکر جتوئی تریجا پنجابی غزل ایوارڈ،بوہے یار دے عاشق حسین رندھاوی چوتھا پنجابی غزل ایوارڈ،راٹھ بانی قصہ مرزا صاحباں احسان باجوہ پہلا کلاسکیل پنجابی شاعری ایوارڈ، بول فقیرا بول محمد شہزاد نسیم پہلا پنجابی نظم ایوارڈ، ہنجواں دی تریل مرتضٰی ساجد دوجا پنجابی نظم ایوارڈ حاصل کیتا۔ اس توں وکھ ہُو دا عالم حکیم ناز جلالوی ، علم دا چشمہ ڈاکٹر سعید الفت، پیار دیاں گلاں محمد اکرم قلندری،بُھکھ دا روپ امین اوڈیرائی، بلدا جُثہ یونس ملک پنجابی شاعری تے اعزازی شیلڈ پیش کیتی گئی۔ اس توں وکھ توحید دا چن بشیر ناطق پہلا پنجابی سیرت نگاری ایوارڈ، راوی چاند شکیل پہلا پنجابی التھا کاری ایوارڈ، سُرم سلائی چاند شکیل دوجا پنجابی التھا کاری ایوارڈ، کوتر سو 101 اشرف گِل پہلا پنجابی کہانی ایوارڈ، اُڈیک ایم ابرار پہلا پنجابی افسانہ نگاری ایوارڈ، بلدا دِیوا سید ماجد شاہ پہلا پنجابی ناول نگاری ایوارڈ، پنجابی کلاسیکل شاعری دا سائنسی شعور( پکھیروواں دے حوالے نال)ڈاکٹر مریم سرفراز پہلا پنجابی پڑچول ایوارڈ ،کیہ جاناں میں کون؟ جلد نمبر 1,2 صائمہ شعبان دوجا پنجابی پڑچول ایوارڈ،برصغیر دیاں تحریکاں وچ قصور دا حصہ ڈاکٹر محمد ریاض انجم دوجا پنجابی پڑچول ایوارڈ۔ل، مقالہ تے مقالہ نگاری دے مُڈھلے اُصول ڈاکٹرسونیا اللہ رکھا تے سحرش افتخارتریجا پنجابی پڑچول ایوارڈ حاصل کیتا۔پنجابی مضمون نگاری دے پِڑ وچ پہلا پنجابی مضمون نگاری ایوارڈ کنزہ ریاض، دوجا پنجابی مضمون نگاری ایوارڈ عطیہ منیر، تریجا پنجابی مضمون نگاری ایوارڈ نبیہ مبارک ہوراں حاصل کیتا۔اس مان جوگ اکٹھ وچ دل دریا پاکستان تنظیم دے تنظیمی کامیاں وچ وی آدری شیلڈاں ونڈیاں گیاں۔جنہاں وچ نعیم الدین فاروقی، اسلم ہیرا،مرزا سیف اللہ ساجد،امتیاز قیس،مقصود یاور،عصمت اللہ سیکھو،عادل بادشاہ،طاہر خیال، شوکت ڈار، ریاض ارمان، ادریس چیمہ، اعظم علی اعظم ہوراں دے ناں شامل سن اس توں وکھ پنجابی صحافت وچ روز وار بھلیکھا، روز وار لوکائی، ہفتہ وار چانن، ماہنامہ پکھیروتے بلکار نیوزپنجابی ویب نیوز چینل نوں اعزازی ایوارڈ پیش کیتے گئے۔
جتھے جتھے پنجابی زبان بولی سمجھی جاندی اے ہر پاسیوں دل دریا پاکستان دے ایس آہر نوں سلاہنا پیش کیتی جارہی اے۔
