بزمِ فکرِ سخن سادھوکی دی چھتر چھاویں پنجابی مشاعرہ

مشاعرے دے پردھان پنجابی زبان دے مہان تے اُچ پدھر دے شاعر ماں بولی دے سیوک استاد شاعر جناب علی احمد گجراتی ہوری سن

رپورٹ: محمد طیب گجر

بزمِ فکرِ سخن سادھوکی دی چھترچھاویں اک زبردست پنجابی مشاعرے دا پربندھ کیتا گیا ۔جیس مشاعرے دے پردھان پنجابی زبان دے مہان تے اُچ پدھر دے شاعر ماں بولی دے سیوک استاد شاعر جناب علی احمد گجراتی ہوری سن۔مشاعرے وچ نظامت دے فرائض محمد طیب گجر ہوراں سر انجام دتے تے تلاوتِ قرآنِ کریم تے نعت رسول مقبول صلی اللّٰہ علیہ وسلم دا شرف جناب رضوان علی رضی ہوراں نوں ملیا۔

اچیچے پروہنیاں وچ مہان شاعر جناب ریاض راہی تے شوکت ڈار صاحب دے ناں شامل نیں۔ تے آدری پروہنیاں وچ جناب علی ہاشمی صاحب، قاضی فاروق احمد بزمی صاحب تے پروفیسر عادل بادشاہ صاحب ہوراں دے ناں نیں خصوصی آمد و تعاون جناب مقصود یاور صاحب ہوراں دا سی۔ محمد طیب گجر ہوراں بطور ناظم اپنا کلام پیش کیتا تے سادھوکی دے مقامی شاعراں وچ استاد شاعر تے بزمِ فکر سخن سادھوکی دے سرپرست جناب علمدار حیدر اوج ، جناب شہباز احمد فکر، شاہد اقبال نئیر، منظر نقوی، ایڈووکیٹ رانا راشد اشفاق، رضوان علی رضی تے حمزہ ارشد بخت دے ناں شامل نیں واھنڈو توں جناب عمران سعید چنبل ہوراں رلت کیتی تے مریدکے تو ں جناب الیاس آتش بٹ، جناب غلام شبیر عاصم، عمران علی عدیم، بزرگ شاعر جناب اشرف ماجد تے بڑے چنگے شاعر جناب پروفیسر تنویر عزمی ہوراں رلت کر کے مشاعرے دا مان ودھایا۔کامونکے تو جناب محمد عمران تنہا تے جناب اصغر علی ساگر ہوراں اپنا کلام سنا کے داد وصول کیتی۔تے کوٹ نثار شاہ توں جناب اشرف شاکر تے جی ایم سنگم ورک ہوراں اپنا کلام پیش کیتا۔قلعہ دیدار سنگھ توں جناب محمد رمضان تائب، مرزا سیف اللّٰہ ساجد، عصمت اللّٰہ سیکھو،طارق فیاضی،انعام اللّٰہ ناصر مان، امتیاز قیس چٹھہ، ابوبکر آکاس تے جناب طاہر خیال ہوراں رلت کر کے مشاعرے دا مان ودھایاتے گوجرانولہ توں جناب اظہر رانجھا صاحب ہوراں شرکت کیتی۔

ایس مشاعرے دی خاص گل ایں سی پئی صدر مشاعرہ جناب علی احمد گجراتی صاحب ہوراں پروفیسر تنویر عزمی ہوراں نوں دوبارہ اسٹیج تے بلا کے تے اوہناں دا پنجابی کلام دوبارہ سنیا تے فیر اوہناں نوں بھرویں داد ملی۔ تے شہر دے بوہت سارے لوکاں نیں رلت کیتی تے شاعراں نوں بھرویں داد وی دتی۔ انتظامیہ ولوں آن والے سارے پروہنیاں دا شکریہ ادا کیتا گیا پئی اوہناں آ کے مشاعرے دا مان ودھایا۔مشاعرے دے اخیر تے بزمِ فکر سخن سادھوکی ولوں سارے دوستاں نوں کھانا کھوایا گیا۔