گرل فرینڈ دا وحشیانہ قتل
طیبہ ضیا چیمہ
نور مقدم دے والدین نوں رات 10 وجے کال آئی کہ تہاڈی دھی دا قتل ہو گیا اے تسیں تھانہ کوہسار آ جائو۔ پلس ایہناں نوں جس گھر وچ لے کے گئی اوہ ایہناں دے بقول ظاہر جعفر دا گھر سی۔ اوہناں نے گھر دے اندر جا کے ویکھیا کہ دھی نوں بے دردی نال تیز دھار آلے نال قتل کر کے ایس دا سر جسم توں کٹ کے وکھرا کر دتا گیا اے۔ ملزم تیز دھار آلہ کتھوں لیایا؟ یعنی پہلے توں ذہن بنا کے بیٹھا سی کہ بے وفا گرل فرینڈ نوں قتل کرے گا؟ اسلام آباد وچ سفاکی نال قتل کیتی گئی نور مقدم نامی مقتولہ سابق سفیر دی دھی تے قاتل ظاہر جعفر دی گرل فرینڈ سی۔ والدین نوں دسیا کہ لہور جا رہی آں جد کہ اسلام آباد اپنے بوائے فرینڈ دے گھر وچ قتل پائی گئی۔ ملزم امریکی شہری تے امیراں دی وگڑی ہوئی اولاد اے۔ باپ نوں علم سی ایس دا پتر جنونیت وچ کجھ وی کر سکدا اے پر ایس نے مقتولہ نوں بچان دی زحمت نہیں کیتی۔ مقتولہدے والدین نوں وی علم سی ایہناں دی کُڑی ظاہر جعفری نامی بوائے فرینڈ دے نال گھمدی پھردی اے۔ ملزم نوں ہن امریکی شہریت وی نہیں بچا سکے گی کہ گوری چمڑی ریمنڈ ڈیوس امریکی شہری ہوندا اے، خواہ تن پاکستانی شہری کچل چھڈے صاف کڈ لیا جاندا اے، پاکستانی امریکی شہری لئی امریکی قانون حرکت وچ نہیں آندا۔ ڈاکٹر عافیہ صدیقی نیک کردار دی حامل پاکستانی خاتون امریکی جیل وچ 86 ورھے دی سزا بھگت رہی اے جد کہ نیویارک دی عدالت ایس اُتے دہشت گردی دا جرم وی ثابت نہ کر سکی تے ایدھے اُودھے دے الزامات دی آڑ وچ ذہنی مریضاں دی جیل وچ پا رکھیا اے۔پاکستانی شہری نوں پاکستان دے حوالے نہ کیتا گیا پر پاکستانی سرکار نے غلامی دا حق ادا کردے ہوئے تن پاکستانیاں دے قاتل امریکی جاسوس ریمنڈ ڈیوس نوں امریکہ دے حوالے کر دتا۔ نور مقدم دا قاتل وی امریکی شہری اے تے اک خاتون دے وحشیانہ قتل دا مرتکب ہویا اے پر امریکہ ایہنوں واپس نہیں لوے گا نہ معاونت کر ے گا کیوں جے قاتل ظاہر جعفر دیسی اے تے دیسی باشندے امریکہ وچ تیجے درجے دے شہری سمجھے جاندے نیں۔ لکھ لبرل تے مغرب زدہ بن جائو مغرب دیسی نوں ایس دی اوقات اُتے رکھدا اے۔ بوائے گرل فرینڈ شپ مادرپدر آزادانہ لائف سٹائل توں کوئی امریکی نہیں بن جاندا ، نوں اچلا ہنس دی چال اپنی وی بھُل گیا۔ لبرل ازم توں اسلامی و مشرقی اقدار نوں کچلیا جاندا اے تے سوائے مکافات عمل ہتھ کجھ نہیں آندا۔ بوائے گرل فرینڈ جدوں ہنی مون پریڈ اوور ہو جاندا اے تے لڑدے جھگڑدے نیں تے انجام ہولناک ہوندا اے، منڈے گرل فرینڈ نوں بلیک میل کردے نیں یا تشدد تے قاتل دا نشانہ بناندے نیں۔ نور مقدم توں پہلے وی متعدد واقعے عبرت دا نشان بن چکے نیں۔ کئی کُڑیاں قتل ہو چکیاں نیں یا رسوا پر نہ کُڑیاں تے نہ ایہناں دے گھر والے ہوش دے ناخن ل ے رہے نیں۔ ظاہر جعفر جہے جنونی قاتلاں دی تربیت وی اک ماں دی آغوش وچ ہوندی اے۔ یعنی گرل فرینڈ بنن والی وی عورت، بوائے فرینڈ دی تربیت کرن والی وی عورت، تے عورت کدوں ہوش وچ آئے گی؟ اولاد دی تربیت دا خمیازہ بھگت رہی اے۔ دھی تے پتر دی تربیت برابر اے۔ دونواں نوں اسلامی و مشرقی اقدار و روایات وچ پال پوس کے جوان کرے، شرم و حیات دی تربیت دیوے، باپ حلال دے لقمہ نال پرورش کرے، پر جتھے حرام کھوایا جاندا اے تے تربیت وچ حرام خوری شامل ہو جاندی اے اوتھے اولاد بغیر نکاح دے تعلقات رکھدی اے۔
والدین دی حرام دی کمائی لٹاندی اے تے فیر جدوں کشش تے پیسہ ختم ہو جاندا اے تے نفرت تے مرن مارن دی شطانیت غالب آ جاندی اے۔ بُرے کم دا نتیجہ ہمیشہ برا ہوندا اے۔ بُرے کماں وچ ظالم تے مظلوم دی تفریق ہر کوئی اپنی سوچ دے مطابق کردا اے۔ مارن والا ظالم اکھوائے گا تے مرن والا مظلوم ۔ نور مقدم وی بوہت ساری گرل فرینڈز وانگوں اپنے انجام نوں اپڑ گئی تے مظلوم اکھوائی۔ قاتل وی انجام نوں اپڑ جائے گا تے ظالم اکھوائے گا۔ ظالم نوں جدوں نشان عبرت نہ بنایا جائے گا، جنونی مریضاں دی حوصلہ شکنی نہیں ہوئے گی۔ پاکستان وچ نہ قانون اے نہ انصاف، ریپ تے قتل دے واقعے امریکہ وچ ہر 65 سیکنڈ دے بعد ہو رہے نیں۔ ایہو وجہ اے کہ امریکی میڈیا ریپ تے قتل دے واقعیاں دی رپورٹنگ کرن توں بیزار اے۔ جس تیزی نال ریپ تے قتل ہوندے نیں امریکی میڈیا کوئی ہور خبر دین دے قابل ای نہ رہوے۔ انج دی کنج اک خبراں سوشل میڈیا اُتے مل جاندیاں نیں پر پاکستان وچ ریپ تے قتل دے کیس گھٹ نیں لہٰذا نیشنل میڈیا وی اک واقعے نوں کئی دن بریکنگ نیوز بنا سکدا اے۔۔ پاکستان بشمول کرونا وائرس ہجے تیکر بے شمار مسائل تے واقعات نال مغرب دی نسبت بچیا ہویا اے۔ سرکار غیرت ایمانی دا مظاہرہ کرے انصاف تے قانون نوں مصنف بنائے تے ایہناں دی مدد نال شرمناک واقعیاں اُتے قابو پان دی کوشش کرے۔ نور مقدم دے واقعے وچ بوائے فرینڈ ای قاتل نہیں مقتولہ تے قاتل دے والدین وی قاتل نیں۔
