پنجابی رہتل دے رنگ ،پنجاب حکومت دے سنگ

پنجاب کونسل آف دی آرٹس سرگوھا ڈویژن حکومت پنجاب دی تِن سالہ کار کردگی (2018-2021) بارے اُچیچی اشاعت

عدنان خالق بھٹی

ثقافت تے فنون لطیفہ کسے وی قوم دی تخلیقی صلاحیتاں دے آئینہ دار ہوندے نیں تے ایس معاشرے دی خوبصورتی دی علامت دے طور اُتے لئے جاندے نیں۔ پنجاب دی ثقافت، تمدن، ذرائع ابلاغ، رکھ رکھائو تے رسم و رواج دیاں جڑاں بوہت مضبوط نیں تے ایہہ سرزمین ہمیشہ توں زرخیز رہی اے۔ ایس نے کئی نایاب نگینے ایس خطے نوں مہیا کیتے نیں ۔ پنجاب کونسل آف دی آرٹس، محکمہ اطلاعات و ثقافت دے تحت پورے صوبے وچ اپنی ڈویژنل کونسلاں دے ذریعے مقامی ثقافت تے فنون لطیفہ دی ترویج لئی ہمہ وقت مصروف عمل اے۔ ایس وچ سرگودھا ڈویژن جو چار ضلعیاں سرگودھا، خوشاب، میانوالی تے بھکر اُتے مشتمل اے تے مزید کئی تحصیلاں وچ تقسیم اے۔ پنجاب کونسل آف دی آرٹس سرگودھا ڈویژن دا قیام جولائی 1982 وچ عمل وچ لیایا گیا۔

مختلف ادوار تے حالات توں لنگھدے ہوئے کونسل کدی وی اپنے بنیادی مقصد توں پچھے نہیں ہٹی۔ کونسل نے چارے ضلعیاں وچ عوام الناس نوں ایس ڈویژن دی روایات ، رسماں، ادب، موسیقی، خطاطی ، مصوری،کرافٹ تے دیگر ثقافتی عناصر گاہے بگاہے نہ صرف متعارف کروائے رکھیا بلکہ باہر دے باسیاں نوں وی ایس توں روشناس کروایا پنجاب کونسل آف دی آرٹس سرگودھا ڈویژن وچ قومی ، صوبائی تے علاقائی سطح دے ہر طرح دے فنون توں متعلقہ پروگرام کروا کے نوجوان نسل تے دیگر نوں اپنی صلاحیتاں توں بہرہ ور کروایا پچھلے تن ورھے وچ پنجاب کونسل آف دی آرٹس سرگودھا ڈویژن دے زیر اہتمام لاتعداد پروگرام منعقد کرائے گئے تے صوبائی سطح اُتے ای ایس دی نمائندگی کیتی گئی۔ ایہناں وچ کجھ پروگرام اپنی نوعیت وچ رائج العام ہٹ کے کیتے گئے جیہڑے ایس خطے وچ پہلی وار منعقد کیتے گئے تے ایتھے دے مقامی فنکاراں نوں اپنے فن دا باقاعدہ مظاہرہ کرن دا موقع دتا گیا جو ایس گل دی دلیل اے کہ ایس کونسل ولوں چکے اقدامات نال ایتھے دے کلچر، فن تے فنکار نوں نہ صرف ناں کمان دا موقع ملیابلکہ مثبت تے تعمیری اہداف وی پورے ہوندے گئے۔ ادب ہوئے یا موسیقی، خطاطی ہوئے یا مصوری، کرافٹ ہوئے یا دیگر انفرادی تخلیقی کارنامے پنجاب کونسل آف دی آرٹس ہمیشہ توں عوام دی توجہ تے فروغ ثقافت وچ امید ہون دے نال نال بہترین پلیٹ فارم دے طور اُتے منظر عام اُتے اپنے ہون دا ہمیشہ توں ثبوت دتا اے۔

ایہو وجہ اے کہ سرگودھا ڈویژن توں فنون لطیفہ تے ثقافت نال جڑے بندے تے ادارے ہمیشہ توں ایس کونسل نال تعاون وچ رہے تے ایس ادارے نوں باقاعدہ طور تے اپنایا تے اپنی خدمات وقتاً فوقتاً پیش کردے رہے۔ نا مساعد حالات دے باوجود بنیادی مینڈیٹ اُتے کدی سمجھوتہ نہیں کیتا گیا تے فن تے فنکار دی خدمات نوں نہ صرف عوام وچ روشناس کروایا بلکہ ہر پل حوصلہ ہمت بندھان وچ اپنا کلیدی کردار ادا کیتا۔ مختلف ٹھکانیاں وچ منتقلی دے بعد آخر کار 2018 و چ پنجاب کونسل آف دی آرٹس سرگودھا کونسل اپنی پرشکوہ عمارت وچ منتقل ہوئی اوس ویلے دے کمشنر سرگودھا ڈویژن ندیم محبوب دے ہتھوں سافٹ اوپننگ دے بعد ایس عمارت وچ موجود 500 سیٹاں دے ہال، آرٹ گیلری، ورکشاپ، منی ہال تے عمارت وچ موجود بیرونی احاطے وچ ہن باقاعدہ پروگرام منعقد ہوندے نیں۔ اپریل 2018 و چ کرافٹ میلے دا اہتمام کیتا گیا جس وچ کرافٹ نال جڑے خواتین و حضرات نوں اپنے فن توں آگہی دین دا بھرپور موقع فراہم کیتا گیا۔ ایس دے بعد سٹیج ڈرامہ ’’کس پر اعتبار کروں‘‘ پنجاب کونسل آف دی آرٹس دے موجودہ ایگزیکٹو ڈائریکٹر ابرار عالم جیہڑے اوس ویلے دے پنجاب کونسل آف دی آرٹس سرگودھا ڈویژن دے ڈویژنل ڈائریکٹر سن دی زیر سرپرستی لاتعداد پروگرام جنہاں وچ تقسیم چیک آرٹسٹ سپورٹ فنڈ، مقابلہ نعت اذان، حسن قرات، شب وجدان، پاکستان دی معروف گلوکارہ منی بیگم دی غزل نائٹ، فن فیئر، تصویری نمائش ’’روشنی کا سفر‘‘ یوم آزادی دے حوالے نال منعقدہ میوزیکل شو، پرچم کشائی،آزادی واک، کیک کاٹنا، ــ’’تم ہمارے اپنے ہو‘‘سٹیج ڈرامہ، کلچرل پریڈ جد کہ 6 ستمبر یوم دفاع دی مناسبت نال قرآن خوانی، فلم’’ سیلوٹ‘‘، شہد ا دی تصویرنمائش، ملی نغمے’’ اک شام وطن کے نام‘‘، سپاہی مقبول حسین(مرحوم) ڈاکیو منٹری نوں مختلف سکولاں تے کالجاںوچ دکھایا گیا۔ ایس طرح’’گنجھلاں‘‘پنجابی سٹیج ڈرامہ،محفل مسالمہ، ڈرامہ ’’ ہم سب ایک ہیں‘‘ ،یوم سیاہ کشمیر واک دا اہتمام 27 اکتوبر نوں کیتا گیا۔ مصوری تے خطاطی دی نمائش ’’نور قلم‘‘،محفل عارفانہ کلام، بلائنڈ ڈے، سانحہ پشاور آرمی پبلک سکول2014ء دی یاد وچ منعقد کیتے گئے۔ 2019ء وچ یوم یکجہتی کشمیر،23مارچ نوں تصویری نمائش ’’روشنی کا سفر‘‘، 14 اگست یوم آزادی اُتے آزادی واک، کیک کٹیا، یوم انسداد ڈینگی، فیر2020ء لوک میلہ لاہور وچ سرگودھا توں فنکاراں دادستہ لے جایا گیا جنہاں نے اوتھے پرفارم کرکے لوکاں دے دل موہ لئے۔

2020ء وچ یوم آزادی دے حوالے نال پرچم کشائی، آزادی واک، کیک کٹنگ، ’’روشنی کا سفر‘‘تصویری نمائش، آن لائن مباحثہ بعنوان ’’پاکستان دی ترقی وچ نوجوان نسل دا کردار ‘‘منعقد ہویا۔ 2020ء فروری وچ عدنان خالق بھٹی دی بطور پروگرام آفیسر بذریعہ پنجاب پبلک سروس کمیشن دے سلیکشن ہوئی تے سرگودھا ڈویژن وچ تعیناتی عمل وچ آئی ۔ایہناں دے کجھ مہینے بعد غلام عباس کھگہ نے بطور ڈویژنل ڈائریکٹر پنجاب کونسل آف دی آرٹس سرگودھا ڈویژن دا چارج سنبھالیا تے نال ای اسد حیات نے بطور سٹیج منیجر ایس ٹیم وچ شمولیت اختیار کیتی۔ ایہناں افسران دی تعیناتی دے بعد پہلا پروگرام ’’شہادتوں کا موسم محرم الحرام اور 6 ستمبر‘‘ترتیب دتاگیا۔ محفل مسالمہ دا انعقاد کیتا گیا جس وچ سرگودھا دے معروف شعراء جنہاں وچ نجمہ منصور، فرخ شاہ، آصف راز، محمد نسیم بھٹی، مرتضیٰ شیرازی، دائم شیرازی،صائم شیرازی، تے دیگر نے شرکت کر کے اپنا کلام سنایا جس وچ پروفیسر ہارون الرشید تبسم نے ہلال استقلال اُتے آن لائن لیکچر دتا۔ چونکہ عالمی وبا کرونا دے پھیلن دی وجہ نال لاک ڈائون تے عوامی اجتماعات اُتے پابندی لا دتی گئی تے بوہت ای محدود پیمانے اُتے ثقافتی سرگرمیاں جاری رکھن دی حکومت پنجاب ولوں ہدایات دے پیش نظر پروگرام آن لائن تے کرونا متعلق ساری پابندی نوں ملحوظ خاطر رکھ کے پروگرام جاری رہے۔ ملی نغمے یوم دفاع اُتے پیش کیتے گئے۔ 27 اکتوبر ’’ یوم سیاہ کشمیر‘‘ دے طور اُتے منایا گیا جس وچ یونیورسٹی آف سرگودھا دے شعبہ بین الاقوامی تعلقات دے پروفیسر ڈاکٹر محمد اعظم نے اک خصوصی لیکچر دتا ایس دے نال ای واک دا اہتمام وی کیتا گیا۔ 29 اکتوبر عید میلاد النبی دے موقعے اُتے محفل نعت، نعتیہ مشاعرہ وچ سرگودھا دے نامور نعت خواں تے شعراء کرام نے شرکت کیتی۔ دریں اثناء وزیراعلیٰ پنجاب عثمان بزدار ولوں ہفتہ شان رحمت الاعالمین دی تقریبات منعقد ہوئی جس وچ جامعہ سرگودھا دے اسلامیات دے شعبہ دے سربراہ پروفیسر ڈاکٹر فیروز شاہ نے سیرت النبی ﷺ اُتے لیکچر دتا ایس دے علاوہ خواتین نعت خواں تے شعراء ولوں نعتیہ کلام پیش کرن دا پروگرام منعقد ہویا تے اسلامی کلچر اُتے مبنی تصویری تے خطاطی نائش وی لائی گئی۔ سرگودھا دی تاریخ وچ پہلی وار کسے وی عمارت تے ایس دے صحن نوں 3 ہزار توں ودھ دیویاں دی لو نال مزئین کیتا گیا۔ جنہوں عوام الناس نے بوہت پسند کیتاتے آرٹس کونسل دے آفیشنل فیس بک پیچ sargodgaartscouncil توں براہ راست سارے پروگرام تے مناظر وکھائے۔ 5 جنوری 2021 نوں بطور یوم حق خودارادیت کشمیر منایا گیا جس وچ مظالم تے اقوام متحدہ دی قرار داداں توں منحرف ہون متعلق واقعات نوں عوام دے اگے رکھیا گیا۔

5 فروری نوں یوم یکجہتی کشمیر دے حوالے نال مطالعہ پاکستان دے پروفیسر ڈاکٹر محمد ارشد نے اپنے خصوصی لیکچر وچ بھارت دی مکاریاں، کشمیر دی تاریخ، بھارتی افواج ولوں مظلوم کشمیریاں اُتے تشدد دے حوالے نال سامعین نوں بریف کیتا۔ فلم’’ یہ امن‘‘ وکھائی گئی، تصویری نمائش تے واک دی قیادت ڈپٹی کمشنرضلع سرگودھا نائلہ باقر نے کیتی۔ ایس توں علاوہ وزیر اعلی پنجاب ٹیلنٹ ہنٹ پروگرام 2021ء دے حوالے نال سارے انتظامات تے فارم وغیرہ نوں حتمی تشکیل دتی گئی۔22 فروری یوم سرگودھا، سرگودھا دی تاریخ وچ پہلی وار سرگودھا دی سالگرہ منائی گئی۔ ایس وچ انعام خان، اکرم انجم، سید انور، آغا کوثر، غالب شاہ، جاوید دیسی منڈا، ثاقب علی شیر تے دوجے صوبیاں توں آئے ہوئے آرٹسٹاں نے شرکت کیتی۔ ایس موقعے اُتے کیک کٹن دی تقریب، موسیقی دا پروگرام تے ڈرامہ ’’ SGD1903‘‘ پیش کیتا گیا تے لوکاں توں آرٹس کونسل نے بہت پذیرائی حاصل کیتی۔ ایس مناسبت نال سرگودھا نال تعلق رکھن والے فن ثقافت نال جڑے بندیاں دیاں تصویراں نمایاں طور اُتے لائیاں گئیاں۔ 5 فروری2021ء وزیر اعلی پنجاب ٹیلنٹ ہنٹ پروگرام2020-21ء دے ضلعی سطح دے مقابلوں دا انعقاد ضلع سرگودھا لئی آرٹس کونسل وچ شروع ہویا۔ ایہناں وچ مرکزی کیٹگریز 5 جد کہ 2 ذیلی شامل سن جنہاں وچ موسیقی وچ گائیکی تے آلات موسیقی اُتے دھن وجانا، ادب وچ شاعری تے مختصر کہانی نویسی، مصوری دے مقابلہ جات ہوئے نوجوان نسل دا شوق تے جذبہ دیدنی سی سارے پوگرام لائیو چلائے گئے ایسے طرح 26 فروری نوں ضلع خوشاب وچ فاطمہ جناح ہال جوہرآباد وچ،27 فروری نوں ضلع میانوالی وچ میونسپل کمیٹی ہال تے یکم مارچ نوں ضلع بھکردے مقابلہ جات ضلع کونسل ہال بھکر وچ منعقد ہوئے۔ اس وچ نوجوان نسل دی کثیر تعداد نے ودھ چڑھ کے حصہ لیا۔ تے ہرشعبہ وچ پہلی تِن پوزیشن والے نوجواناں وچ کیش پرائز تے دیگر شرکت کرن والیاںوچ باقاعدہ طور اُتے شرکت دی سنداںتقسیم کیتیاں گئیاں۔8 مارچ یوم خواتین دے موقعے اُتے مشاعرہ، میوزک ،مصوری، خطاطی تے واک دا اہتمام کیتا گیا۔
جس وچ صرف خواتین شامل سن تے ایہناں نوں پہلی وار پروگراماں دی نظامت و صدارت دا اعزاز ملیا صوبائی وزیر ثقافت خیال احمد کاسترو نے کونسل دا دورہ وی کروایا۔ 14 مارچ نوں ’’ سوہنا پنجاب‘‘ دے ناں توں کلچر ڈے منان دے انتظامات کیتے گئے پر کرونا پھیلن دے خدشات دے پیش نظر لاک ڈائون دی وجہ نال صرف بینرز تے فلیکسز دے ذریعے تشہیر تے پگڑیاں پا کے دن منایا گیا۔ پنجا ب کونسل آف دی آرٹس دی تاریخ وچ پہلی وار پنجاب کونسل آف دی آرٹس دی سالگرہ 31 مارچ نوں منائی گئی جس وچ کیک کٹیا گیا تے ایس دی سوچ و فکر نوں پروان چڑھن لئی دعا کیتی گئی۔ مزید براں وزیراعلیٰ ٹیلنٹ پروگرام 2020-21 دے ڈویژن دی سطح دے مقابلہ جات 25 مئی 2021ء نوں منعقد ہوئے۔ سارے مقابلہ جات وچ نامی گرامی شخصیات نوں بطور جج لیا گیا جنہاں نے اپنی اپنی فیلڈ وچ ناں کمایا تے ایہناں دی نیک نامی تے غیر جانبداری نے سارے امور نوں پائیدار شفافیت دتی جس دی وجہ نال کوئی شکایت موصول نہیں ہوئی جیہڑی کہ ایس پروگرام دی کامیابی دا منہ بولدا ثبوت اے۔ چارے ضلعیاں وچ منعقد ہون والے پروگراماں وچ کمشنر سرگودھا ڈویژن ڈاکٹر فرح مسعوددی سرپرستی وچ ایڈیشنل کمشنر شہباز نقوی تے ڈپٹی کمشنران وچ سرگودھا توں نائلہ باقر تے ایڈیشنل ڈپٹی کمشنر بلال فیروز جوئیہ، خوشاب توںمسرت جبیں تے ایڈیشنل ڈپٹی کمشنر نادیہ شفیق، میانوالی توں عمر شیر چٹھہ تے ایڈیشنل کمشنر عثمان انور تے بھکر توںمو سی رضا نے مکمل تعاون کیتا۔ایس توں علاوہ محکمہ اطلاعات عامہ دے افسران ضلع خوشاب توں انفارمیشن افسر محسن رانجھا، میانوالی توں ڈپٹی دائریکٹر تنویر خالد تے بھکر توںعقیل نے میڈیاکوریج دی مددد فراہم کیتی۔ اک پروگرام وچ موسیقی وچ گائیکی تے ساز اُتے دھن وجان ،ادب وچ شاعری تے مختصر کہانی نویسی ،مصور ی ،مختصر فلم تے دستکاری دے مقابلے منعقد ہوئے ججزپہلے توں منتخب کیتے گئے ایہناں ولوں دتے گئے موضوع اُتے ای پروگرام منعقد ہوئے فیر ڈویژن دی سطح اُتے جتن والے پہلے تن پوزیشن ہولڈرز نوں کیش انعام تے سرٹیفکیٹ دتے گئے 27 مئی 2021 الحمرا آرٹس کونسل لہور وچ صوبائی درجے دے مقابلیاں وچ سرگودھا ڈویژن دے جتن والیاں نے حصہ لیا موسیقی دی کیٹیگری ساز اُتے دھن وجان وچ طبلہ وچ زین راشد نے پہلی تے مصوری وچ منصب دار نے دوجی پوزیشن لئی۔
یاد رہوے کہ سوشل میڈیااتے آرٹس کونسل دے فیس بک، انسٹاگرام تے ٹویٹر آفیشنل پیج دے ذریعے سارے پروگرام جیہڑے پورے سال وچ منعقد ہوئے سب لائیو چلائے گئے جنہاں نوں اج وی ویکھیا جا سکدا اے۔ ایچ ڈی کوریج نے تے نال نال ایڈیٹنگ نے اپنی دھاک آپ بٹھائی جس اُتے ہیڈ آفس ولوں تعریفی لیٹر وی موصول ہویا سارے پروگراماں اُتے باقاعدہ میڈیا کوریج الیکٹرانک میڈیا تے پرنٹ میڈیا وچ حاصل کیتی گئی جس وچ ڈائریکٹوریٹ آف پبلک ریلیشنز سرگودھا ڈویژن دے ڈائریکٹر شہزاد ورک تے امتیاز شیخ انفارمیشن افسر تے سجاد بھٹی نے مرکزی کردار ادا کیتا تے ساری سرگرمیاں نوں عوام الناس تیکر میڈیا دے ذریعے اپڑایا۔ دریں اثناء مشاہیر سرگودھا تے گلہائے سرگودھا ڈویژن دے ناں توں اک سیریز آرٹس کونسل دے آفیشنل فیس بک پیج تے ثقافت و فنون لطیفہ سرگودھا ڈویژن دے ناں تو ں پیج اُتے چلائی جا رہی اے جس وچ سرگودھا ڈویژن نال تعلق رکھن والے شاعری ، ادب، اداکاری، موسیقی، مصوری، خطاطی، کرافٹ تے دیگر تخلیقی صلاحیتاں نال اپنا ناں کمان والے بندیاں دا فرداً فرداً انٹرویو کیتا تے ایہناں دی خدمات نوں خراج تحسین پیش کرن دا سلسلہ جاری اے۔ جیہڑا اپنی نوعیت دا اینی تفصیل نال چلن والا سلسلہ بلامبالغہ پاکستان دی واحد آرٹس کونسل کررہی اے۔ مشاہیر سرگودھا تے گلہائے سرگودھا ڈویژن سلسلہ وچ معروف لوک جنہاں وچ ڈاکٹر وزیرآغا، احمد ندیم قاسمی، شاہد نذیر خان، اخلاق عاطف، نجمہ منصور، عطاء اللہ عیسی خیلوی، ریاض مغل، احمد شیر، آغا کوثر، سمن سلطان، پروفیسر یوسف خالد، طارق حبیب، فاروق لودھی، سید انور و دیگر دے حالات زندگی تے فنون لطیفہ دے میدان وچ خدمات تے اعزازات نوں مفصل تحریر وچ لیایا گیا۔ ایس دے نال نال ایس ڈویژن دے رسم و رواج، رہن سہن جنہاں وچ روایتی کھیڈ، کھانے، لباس تے میلیاں نوں وی لکھیا جاندا اے ایس دے علاوہ فنکاراں دی ویلفیئر دی خاطر تے مالی مشکلات دے پیش نظر کرونا فنڈ تے آرٹسٹ سپورٹ فنڈ 2020-21 دی مکمل شفافیت نال لسٹ تیار کیتی گئی تے مستحق فنکاراں تیکر وزیراعلیٰ پنجاب عثمان بزدار دے ویژن دے مطابق رقماں تے چیک ونڈے گئے۔ ایس دے نال نال فنکاراں دی رجسٹریشن، سٹیج ڈرامے دے سکرپٹ دی منظوری تے فل ڈریس ریہرسل وی نال نال ہوندی رہی تے غیر قانونی ڈرامیاں دی اطلاع بروقت متعلقہ حکام تیکر وی کیتی جاندی رہی۔ واضح رہے کہ پنجاب کونسل آف دی آرٹس سرگودھا ڈویژن نے 2020-21 ء تے2022ء لئی مفصل ایونٹ کیلنڈر وی تیار کیتا پر کرونا دی شدت دے پیش نظر تے کرونا ویکسینیشن سینٹر دے قیام دی وجہ نال پروگراماں دے انتظامات تے انعقاد وچ کافی مشکلات درپیش نیں جیہدا پوری دنیا وچ موجود سارے ادارے ساہمنا کر رہے نیں۔2021ء دے مالی سال دے آخر وچ شہرہ آفاق گلوکار استاد مبارک علی خاں مرحوم دی یاد وچ گائیکی دا پروگرام ہویا جس وچ ایہناں دے بھتیجے اکبر علی تے دیگر نے پرفارم کیتا ایس دے علاوہ ایس سال وچ سرگودھا ڈویژن نال تعلق رکھن والے مختلف شہرہائے فنون لطیفہ جنہاں وچ شاہد نذیر اداکاری، شاکر نظامی شاعر، اخلاق عاطف شاعر، اقبال حسین مصور و خطاط، علی ارشد گوندل گلوکار دی وفات اُتے تعزیتی ریفرنس منعقد وئے۔ جس وچ ڈویژن توں معتبر تے معروف شخصیات نے شرکت کیتی تے مرحومین دی زندگی تے خدمات اُتے روشنی پائی تے ایہناں لئی فاتحہ خوانی کیتی۔ایس دے علاوہ کونسل دے ڈائریکٹر غلام عباس کھگہ تے اسسٹنٹ ڈائریکٹر عدنان خالق بھٹی نے ڈویژن بھری میوزیکل اکیڈمیز، ادبی نشستاں تے آرٹ ورک دیاں تھاواں دا دورہ کیتا گیا جس نال آرٹسٹاں دی حوصلہ افزائی ہوندی رہی۔
ایہنا ں ساری ثقافتی سرگرمیاں دے انعقاد دے بعد تن سالہ کارکردگی دی کامیابیاں تے مثبت سوچ نوں پنجاب کونسل آف دی آرٹس سرگودھا ڈویژن مزید ثقافت و فنون لطیفہ دے فروغ لئی ہمہ تن کوشاں اے کہ سرگودھا دے کلچر تے فنکاراں نال لوکاں نوں متعارف کروایا جائے تے ایتھے دے لوکاں نوں معیاری تعمیری تے تخلیقی تفریح پیش کر کے اک ساز گار ماحول تے اپنی مٹی نال محبت کرن والیاں دی حوصلہ افزائی کیتی جائے تے آئندہ آن والیاں نسلاں تیکر ایس ورثے نوں مکمل توجہ تے سنجیدگی نال منتقل کیتا جا سکے۔