علی دی عین توں صدقے۔ ۔۔از سلیم دلاوری

زاہد حسن

اوہناں دے ایس مجموعے وچ اُنج تے حمد، نعت، منقبت تے مدح اہلبیت اے تے اوہنوں بیان کرن وچ اوہناں روایتی اصناف دے نال نال دوھڑا، مرثیہ، تے ہور پر چلت صنفاںوی ورتیاں نیں

علی دی عین توں صدقے، بارے اسیں گل مدثر اقبال بٹ ہوراں دی گل توں شروع کردے آں جنہاں لکھیا ہے۔ ’’ہتھلی کتاب، وچ میرے سجن تے میرے گرائیں سلیم دلاوری دی پاک ہستیاں لئی لکھی نعت، فضائل، مناقب، قصیدے، نوحے شامل نیں ۔اوس دے اک اک اکھر وچ ایہناں پیاریاں لئی جیہڑا جذبہ وکھائی دیندا اے اوہ پاکاں دی وڈیاں سیانن دا انملا اظہار اے ۔دعا اے رب دی ذات دلاوری جی ہوراں دے قلم نوں ہور طاقت بخشے کہ ایہو جہی کتاباں، ہر سال لکھیا کرن تے ساڈا ادارہ بابا فریدؒ بک فائونڈیشن، اوہنوں اعزاز سمجھ کے ہر سال چھاپے چاڑھدا رہوے۔

مدثر اقبال بٹ ہوراں دی گل دی ہر اوہ بندہ تائید کرے گا جو سلیم دلاوری ہوراں دے ایس مجموعے دا مطالعہ گوہ نال کرے گا۔ خاص طور تے اوہناں نے جو کلام مدح اہلبیت تے محبت اہل بیت وچ کیتی اے پڑھے جان تے سلاہے جان دے لائق اے۔ سلیم دلاوری ہوریں اپنی ایس کتاب تے اپنے بارے تعارف کرواندے ہوئے لکھدے نیں:
’’میرا پنڈ سید عبداللہ شاہ بخاری دی نگری (دلاور چیمہ) تحصیل وزیر آباد ضلع گوجرانوالہ دا اک مشہور پنڈ اے۔ میاں محمد دین دلاوری خالق (مرزا صاحبان تے سوہنی مہینوال) دی دعا اے کہ میرے پنڈ وچ کوئی نہ کوئی شاعر ضرور ہووے دا میرے توں پہلاں با برکت تے عبدالغنی شوق خالق (ہیر رانجھا) ہوراں بڑا ناں کمایا تے ہن شاید میری واری اے میں وی اوہناں وانگوں پورنے پان دی کوشش کر رہیاں۔
اوہناں دے ایس مجموعے وچ اُنج تے حمد، نعت، منقبت تے مدح اہلبیت اے تے اوہنوں بیان کرن وچ اوہناں روایتی اصناف دے نال نال دوھڑا، مرثیہ، تے ہور پر چلت صنفاںوی ورتیاں نیں۔ ایہہ کتاب سانوں اوس کلاسیکی تے روایتی اصناف دے نال نال اوس زمانے دی وی یاد دواندی اے جدوں اجہیے ای موضوعات اپرودھیر طور تے کتاباں چھپدیاں ہوندیاں سن، ڈھیر گیتری وچ چھپدیاں ہائن تے لوکی ایہناں نوں دل لا کے پڑھدے ہوندے سن۔
خاص طور تے ایس کتاب اندر نوحے سانوں کربلا دے مسافراں دی بے وسیاں تے بے سرو سامانیاں نوں بہوں سوہنے سبھا نال بیان کیتا اے۔
اخیر وچ اک شعر ویکھو:
لے ڈیرے لا محیوراں دھرتی کربل دی
پئی تپدی وانگ تندوراں دھرتی کربل دی