دل دریا پاکستان دے آہر نال 9 ویں رورہے وار محفلِ مسالمہ
رپورٹ : محمد اویس باسل ….
دل دریا پاکستان رجسٹرڈ دے آہر نال ناویں ورہےوار محفلِ مسالمہ دا حسینیہ ٹرسٹ گجرات وچ پربند کیتا گیا۔ محفل دی پردھانی مہان شاعر سید فدا بخاری اوکاڑہ نے کیتی۔ نقابت تے پربند علی احمد گجراتی ہوراں کیتا۔ اچیچے پروہنیاں وچ سید محمد باقر زیدی لاہور،سید حسنین محسن منڈی بہاءالدین۔،مرتضیٰ ساجد ساہیوال،تبسم نواز وڑائچ سرگودھا،سید صفی ہمدانی ساہیوال،علمدار حیدر اوج سادھوکی،سیف اللہ حیدر باجوہ حافظ آباد، سید عابد بخاری گجرات ہوراں دے ناں شامل سن۔ آدری پروہنیاں وچ احسان علی حیدر لاہور،رائے عابد علی شیخوپورہ، مقصود یاور گجرانوالا،عاصم عاصی دیونہ منڈی،دائم بٹ،آفتاب احمد، نوید اقبال کگھڑ،زین جٹ کنگن پور قصور،ارشد مخلص پھالیہ ہوراں دے ناں شام سن۔ اس توں وکھ ہور مان جوگ شاعراں وچ امجد مریدی حیدری منڈی بہاوٴ الدین،طاہر خیال راہوالی،اسد عباس راز ڈنگہ، امتیاز چٹھہ علی پور چٹھہ،طیب گجر سادھوکی،ناصر حیات صحرائی جلالپوربھٹیاں راشد منصور لالہ موسیٰ،ارسلان سیف جلالپور جٹاں،عامر ندیم یوسف،سخی حیدر گجرات، اویس باسل،فتح پور گجرات،نعیم الدین فاروقی چکوڑی بھلیووال گجرات،خبیب احمد جھنڈیوال گجرات ہوراں رلت کیتی۔امجد مرید حیدری ہوراں پاک کلام دی تلاوت نال پروگرام شروع کیتا۔
اسد عباس راز تےسید علی ہارون ہوراں ہدیہ نعت پیش کیتا۔ حسینیہ ٹرسٹ گجرات دے صدر پروفیسر سید سرفراز حسین جعفری ہوراں آن والیاں پروہنیاں نوں تحسین پیش کیتی تے سوہنے اکھراں نال سواگت کیتا۔ میر ثقلین اکبر ہوراں دی ٹیم نے ان ڈور سیوا چاری بڑے سوہنے تے بھرویں چج نال نبھائی۔خبیب احمد نعیم الدین فاروقی تے محمد اویس باسل ہوراں آئوٹ ڈور پربند وچ بھرواں ساتھ دتا۔محفل دی کامیابی لئی رج محنت کیتی۔مودت اور عشق دی اس محفل وچ انسانی ذات دے جوہر تے خواص دی کربلا دے تناظر وچ بھرویں سلاہنا کیتی گئی اور اس دی وڈیائی نوں بیانیا گیا۔ شعراء نے اپنے کلام وچ نواسہء رسولؐ پسرِ علیؑ و بتولؑ امام عالی مقام امام حسینؑ دی دہلیز تے شعری و فکری نذرانہ پیش کیتا۔ ہر دور دے انسان نوں وفا حریت صبر استقلال تے حق سچ دی راہ پچھانن لئی کربلا چانن دیندی رہوے گی۔ ادبی و عوامی حلقیاں وچ پروگرام دی کامیابی تے ڈھیر سلاہنا کیتی جا رہی اے۔
