پِلاک دے آہر نال عشرہ شانِ رحمتہ للعامینﷺ دے حوالے نال محفلِ نعت
سید علی قیصر
پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دے زیر اہتمام عشرہ شانِ رحمۃ للعالمینﷺ دے حوالے نال محفل نعت (خواتین) دا انعقاد کیتا جس وچ مشہور نعت خواں سائرہ طاہر، شبانہ عباس، ثمینہ ملک، نگہت اسما گلزار، عزم وحید تے اَنا سکینہ شامل سن۔ پروگرام وچ نظامت دے فرائض سائرہ طاہر نے انجام دتے۔ اِس موقع اُتے ڈائریکٹر جنرل پِلاک ڈاکٹر صغرا صدف نے آکھیا کہ پنجاب حکومت ولوں اعلان کردہ ’’عشرہ شانِ رحمۃ للعالمینﷺ‘‘ دے سلسلے وچ پِلاک نے مختلف تقریبات دا انتظام کیتا جنہاں وچ سیمینار، محفل نعت، محفل سماع تے نعتیہ مشاعرہ شامل نیں۔ اوہناں نے ایس گل دا وی اعادہ ظاہر کیتا کہ پلاک ہمیشہ انج دے بابرکت پروگراماں دا انعقاد کردا رہوے گا۔ محفل نعت دے بعد سب نعت خواں خواتین نے بارگاہ رسالتؐ وچ کھڑے ہو کے درود سلام پیش کیتا۔
