دفناواں گے اعزاز دے نال
پاکستان نوں قائداعظم نے بنایا پر ڈاکٹر عبدالقدیر نے ایہنوں ایٹمی طاقت بنا کے بچایا
لبنیٰ صفدر
فٹ پاتھ اُتے بہہ کے سہیل وڑائچ نوں ، ایک دن جیو کیساتھ، انٹرویو دین والے دی عاجزی، سادگی تے درویشی اُتے بے ساختہ پیار تے آندا اے، نال ای نال محبت تے عقیدت دے رنگ محسن پاکستان لئی مزید گہرے ہو گئے جیہڑا دھیمے لہجے وچ دس رہیا سی کہ میں اپنے ملازماں نوں آپ چاہ بنا کے دینا واں۔ کون منے گا ایہہ اوہ قیمتی ہیرا اے جس دی وجہ نال اج پاکستان سلامت اے تے اسیں اپنی جاناں تے مالاں دے نال سکھ دے ساہ لے رہے آں۔ ڈاکٹر عبدالقدیر جہی بے پناہ تے بے حساب قیمتی شخصیت صدیاں وچ ای پیدا ہویا کردی اے پاکستان قائد نے زندگی دی قربانی دے عوض حاصل کر کے ساڈے ہتھاں وچ دے دتا۔ پاکستان نوں قائداعظم نے بنایا پر ڈاکٹر عبدالقدیر نے ایہنوں ایٹمی طاقت بنا کے بچایا ،نہیں تے اج سانوں کنج کنج دے دشمناں دا ساہمنا اے۔ اسیں فخر نال کہنے آں کہ اسیں ایٹمی طاقت آں تے دشمن دیاں اکھاں وچ اکھاں پا کے جے گل کریئے تے ایہہ فخر، ایہہ مان سانوں محسن پاکستان دی وجہ نال ای حاصل اے۔ افسوس، اسیں انج دے قیمتی انسان نوں محسن پاکستان دا لقب دے کے ایس دے سارے احسانات نوں فراموش کر بیٹھے۔ میزبان نے سوال کیتا آپ دی زندگی دا سب توں خوبصورت تے قیمتی لمحہ کیہڑا سی؟ جواب ملیا جدوں 28 مئی نوں ایٹمی دھماکے دا تجربہ کیتا۔ فیر سوال پچھیا تے آپ دی زندگی دا سب توں تکلیف دہ لمحہ کیہڑا سی۔ دُکھ بھرا جواب ملیا، جیہڑا سلوک میرے نال ہو رہیا اے، اُف دل کٹ کے رہ گیا۔ احسانات دا صلہ اسیں انج دے غیم دا بیج ایس نیک انسان دے دل وچ بو کے دتا تے کیہ ایتھے انج دے عظیم انساناں نوں جواب وچ اسیں انج دے تحفے ای عطا کردے رہاں گے فیر تسیں لوک کہندے او کہ ہر گل دے خلاف کیوں لکھنی آں؟ آخر کیوں نہ لکھاں؟ اک ہنسی مذاق کرن والے نوں تسیں سر اکھاں اُتے بٹھا لیندے او ایس دے علاج لئی ایئر ایمبولینس دا دناں وچ انتظام کر لیا جاندا اے۔ تہاڈے کھیڈ دے میدان سج جان، ایس لئی ساری پولیس فورس نوں حاضر لائن کر کے صبح و شام سڑکاں اُتے ہائی الرٹ کر دتا جاندا اے۔ ایدھے مختلف ملکاں توں اعلیٰ ترین تعلیم حاصل کر کے آن والے نوں نظر انداز کیتا جاندا اے جیہڑا اپنے ملک لئی کئی وار جان نوں خطرے وچ پا گیا تے ملک نوں خطریاں توں کڈ گیا جدوں ایس دا ویلا آیا تے اسیں انج دے بے حس تے ظالم ہو گئے کہ ایس دی خبر نہ لئی۔ ایہنوں مرن لئی چھڈ دتا گیا وزیراعلیٰ سندھ نوں لکھے جان والے بیماری تے تکلیف دے دناں وچ ایس خط دی آخری سطراں نے تہاڈے دل دے ٹوٹے نہیں کیتے کہ شاید ایہہ لوک میرے مرن دا انتظار کر رہے نیں، اسیں انج دی قوم آں غیر سنجیدہ، رقص و سرور تے طنز و مزاح نال لطف اندوز ہون والی کھیڈاں ، تماشیاں تے باجے گانے دی رسیا۔۔۔
محسن پاکستان اُتے مشرف دور وچ ایس قدر پابندیاں سن کہ ٹی وی تے باقی میڈیا اُتے ایہناں دا ناں لینا وی جرم سی تے فیر ڈی بریفنگ دے ایس تکلیف دہ عمل توں لنگھن دے بعد ناحق معافی منگوائی گئی۔ آخری 17 سال اسیری دی زندگی لنگھا کے ہسپتال دے بستر اُتے مزید تکلیف دہ ویلے توں لنگھے تے اسیں احسان فراموش محض اک پھُلاں دا گلدستہ بھجوان اُتے ای اکتفا کر بیٹھے۔
عمر بھر سنگ زنی کرتے رہے اہل وطن
یہ اور بات کہ دفنائیں گے اعزاز کے ساتھ
ایس بے بس انسان جیہڑا ساڈے جہے احسان فراموش دے ہتھے چڑھ گیا ، آخری عمر وچ عدالت توں استدعا کردا اے میری عمر 84 سال اے میرے آزادانہ میل جول اُتوں پابندی ہٹائی جائے۔ آہ ہر گل تکلیف دیندی اے۔ ہر گل اُتے اکھ نم ہون لگدی اے۔ بار بار چیخ و پکار کردا اے لوکو! میں غدار نہیں واں میں تے پورا پورا وطن دی محبت وچ ڈبیا ہویا واں۔ اسیں ایہناں دی کوئی پکار نہیں سنی۔ کوئی آہ، کوئی فریاد ساڈے پتھر دلاں نوں موم نہیں کر سکی۔ دل چاہندا اے چیخ چیخ کے کہواں کہ خدا لئی ہن ایس عظیم انسان دے مرن دے بعد افسوس کرن دے ڈرامے بند کر دیو۔ ہائے ! پر افسوس وی ایہناں نال محبت رکھن والی عوام ای کر رہی اے۔ میڈیا اُتے تے اک عام جہی خبر چلی کجھ اک پروگرام ہوئے تے فیر خاموشی چھا گئی۔ ڈاکٹر صاحب دی گود وچ رکھ کے کہیا گیا کہ ایس ویلے پاکستان نوں صرف تسیں بچا سکدے او۔ نہیں تے امریکی سلامتی کونسل دے ذریعے نہ صرف ساڈے اُتے سخت پابندیاں لا دتیاں جان گیاں بلکہ ایٹمی ہتھیار وی تحویل وچ لئے جان دا خدشہ اے۔ عظیم انسان نے اک وار فیر وطن دی لاج رکھ لئی تے اپنی عزت و اناء نوں طاقت دے اُتے رکھ دتا۔ رنج تے دُکھ نال بھرے دل دا سفر آخرت اکتوبر وچ شروع ہویا تے فیر کجھ لوکاں دی موجودگی وچ ایہناں نوں سپرد خاک کر دتا۔ ساڈی ہتھیلیاں دی سب دعاواں آپ دے سفر آخرت وچ آپ دے نال ہو ن گیاں ایس دے علاوہ اسیں آپ نوں دے وی کیہ سکنے آں۔
