پِلاک ولوں خطاطی دے فن پاریاں دی نمائش
رپورٹ: سید علی قیصر
پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دے زیر اہتمام عشرہ شانِ رحمۃ للعالمینﷺ دے حوالے نال ایرانی خطاطاں دے فن پاریاں اُتے مشتمل نمائش دا افتتاح ایرانی قونصل جنرل جناب محمد رضا ناظری تے جعفرروناس، ڈائریکٹر جنرل خانہ فرہنگ نے کیتا۔ ایہہ نمائش آیات قرآنی،اسماء الحسنیٰ تے اسماء النبیﷺ دے فن پاریاں اُتے مشتمل اے۔
نمائش وچ ایرانی خطاط علی رضا کدخدائی، ڈاکٹر کاظم خراسانی تے مسعود صفار دے فن پارے نمائش لئی رکھے گئے۔ ایرانی سفیر جناب محمد رضا ناظری نے نمائش وچ موجود فن پاریاں دی بھرپور تعریف کیتی تے خطاطاں دے فن نوں بے حد سراہیا۔
