فیشن انڈسٹری فیشن دی موت دا سبب بن دی جا رہی اے

ایوارڈز تقریبات وچ سانوں اپنی ثقافت نوں پیش نظر رکھنا چاہیدا اے
مغربی کلچر توں متاثر ہون والی تقریبات نوں ساڈے معاشرے وچ پسند نہیں کیتا جاندا

صدف نعیم

پوری دنیا وچ فیشن دن بدن تیزی نال ترقی کر رہیا اے ایس حوالے نال وڈی وڈی تقریبات تے ایوارڈز وی منعقد کیتے جاندے نیں حال ای وچ لکس سٹائل ایوارڈ ہویا جس وچ اداکارائواں نے ریڈ کارپٹ اُتے گائونز پا کے تصویراں کھچوائیاں ویکھیا جائے تے بالی ووڈ وچ آسکر ایوارڈ ہوندے نیں جس وچ انجیلا جولی تے دیگر ہالی ووڈ اداکارائواں گائونز دا استعمال کردیاں نیں پر جے ویکھیا جائے تے ایہناں دا لباس وی لُکیا ہویا تے فیشن دی مناسبت نال ہوندا اے جد کہ پاکستان وچ ہالی ووڈ اداکارائواں دی کاپی کر کے ایسے گائون نوں انج استعمال کیتا جاندا اے جس دی خاص طور تے جسم دی نمائش ہوندی اے حال ای وچ پچھلے سٹائل ایوارڈ ہوئے جس وچ لالی ووڈ اداکارائواں نے ہالی ووڈ اداکارائواں نوں وی پچھے چھڈ دتا تے خاص طور تے عریانیت دا سہارا لیا علیزے شاہ تے عمارہ خان نوشین شاہ عائشہ دے لباس اُتے تے فیشن انڈسٹری وی شرما گئی تے کجھ فیشن آئیکون نے تے ایتھو تیکر کہہ دتا کہ ہن فیشن نہیں صرف بے حیائی تے عریانیت باقی رہ گئی اے جیہڑی لڑکیاں ایس ویلے ایہہ سمجھ رہیاں نیں کہ فحاشی کپڑے پا کے سمجھ رہیاں نیں کہ راتوں رات شہرت مل جائے گی تے ایس نوں زوال دا شروع ہونا کہندے نیں جویں کہ وزیراعظم عمران خان نے وی حوالہ دتا سی اک زمانہ سی اسیں وی انج دی سلیبٹیز توں متاثر ہویا کردے سن پر ویلے دے نال نال پتہ چلیا کہ ایس طرح دی سلیبٹیز کسے طور وی ساڈی ماڈل نہیں بلکہ سانوں تے ایہناں شخصیات اپنا ماڈل سمجھنا چاہیدا اے جس نال سانوں اپنے کردار سازی وچ مدد ملے تے جنہاں دی زندگی نال سانوں رہنمائی حاصل کر سکن پر افسوس کہ اجکل ماڈلز دے رحجانات ساڈی نویں پود نوں غلط ڈگر اُتے لئے جا رہی اے ایہہ درست اے کہ شوبز وچ آن لئی گلیمر بوہت ضروری ہوندا اے پر مادر پدر آزادی دی اجازت کوئی وی معاشرہ نہیں دیندا۔ اسیں چنگے معقول لباس وچ وی اپنا کوئی وی پیغام عوام تیکر اپڑا سکدے نیں۔ایہہ بڑی چنگی گل اے کہ فلم انڈسٹری ختم ہون دے بعد ساڈی شوبز انڈسٹری ترقی پذیر اے پر ایس دے نال نال سانوں اپنے کلچر تے ثقافت نوں وی پیش نظر رکھنا چاہیدا اے۔

جویں کہ حال ای وچ کجھ فیشن آئی کونز نے وی ایس رائے دا اظہار کیتا اے کہ جس طرح دے ایوارڈ ز شو تے تقریبات منعقد ہو رہیاں نیںانج لگدا اے کہ اک دن ساڈی فیشن انڈسٹری ای فیشن دی موت دا سبب بنے گی۔