بردھ آشرم(اولڈ ہاوس)
دنوں دن ودھ رہی بردھ آشرماں دی گنتی اک چنتا دا وشا بن رہی ہے
لکھت:ہرمنپریت کور گل
لپی انتر:ڈاکٹر غضنفر بخاری
بردھ آشرم دا مطلب بزرگاں دے رہن دی اوہ تھاں جتھے اوہناں دی بڈھاپے وچّ سیوا کیتی جاندی ہے ۔ بردھ آشرم لفظ سن کے ہی روح وچّ اک کمبنی چھڑدی ہے، جس نوں بیان نہیں کیتا جا سکدا۔ ہر ماں پیو بچے دے جنم توں پہلاں ہی اسدے لئی انگنت خواہشاں بن لیندا ہے تے اوہناں نوں ہر حالت وچّ پورا کردا ہے ۔
پر جدوں ایہی خواہشاں پوریاں کرن والے ماں پیو بردھ آشرم دیاں کندھاں وچّ قید ہو جاندے ہن تے ہر روز ہر ساہ نال مردے ہن۔
دنوں دن ودھ رہی بردھ آشرماں دی گنتی اک چنتا دا وشا بن رہی ہے۔ بردھ آشرماں دی گنتی نویں پیڑھی دے نوجواناں نوں بزرگ ماں پیو دی سیوا کرن توں وانجھے کر رہی ہے جاں اوہناں دے دماغ وچّ اس گلّ نوں بیٹھا رہی ہے کہ ماں پیو نوں بڈھاپے وچّ بردھ آشرم چھڈّ دینا ہی صحیح ہے۔ زیادہ تر بچے ماں پیو نوں کماں کاراں وچّ رجھے ہون کرکے بردھ آشرم چھڈّ آؤندے ہن تاں جو اوہناں دی سانبھ سنبھال دا سارا ذمہ بردھ آشرم دے سر ہو جاوے۔
بزرگ ماں پیو لئی ایہہ وقت سبھّ توں ودھ قیمتی ہندا ہے جدوں بڈھاپے وچّ اوہناں دیاں بہت امیداں اوہناں دی اولاد توں لگائیاں ہندیاں ہن۔ بزرگ اپنا زیادہ سماں اپنے بچیاں ، پوتے پوتیاں نال گزارن دے چاہوان ہندے ہن،پر اسدے الٹ اوہناں دیاں امیداں دلّ وچّ ہی ادھوریاں رہِ جاندیاں ہن اتے دلّ دیاں دیواراں وچّ آخری ساہاں تکّ گھٹیا رہِ جاندیاں ہن۔
اجیہے کیہڑے کارن ہن کہ ماں پیو نوں بردھ آشرم دیاں چار دیواراں وچّ رہناں پیندا ہے، کجھ کارن ایہناں وچوں وی ہو سکدے ہن:-
(1) :- کی پتّر نونہہ لئی ماں پیو دی سانبھ سنبھال کرنی اوکھی ہے؟
(2):- کی ہر روز گھر وچّ نونہہ سسّ دی لڑائی اس گلّ دا کارن بن رہی ہے؟
(3):- کی اوہناں دیاں بیماریاں کرکے اوہناں نوں بردھ آشرم چھڈّ دتا جاندا ہے؟
(4):- کی اوہناں دی ہن دی سوچ وچّ سوچ نہ رلن کرکے ماں پیو نوں بردھ آشرم چھڈّ دتا جاندا ہے؟
اجیہے کارن جدوں دماغ وچّ وچاراں دی دوڑ لگاؤندے ہن تاں سوچدی ہاں کہ اوہ کس طرحاں دیاں اولاد ہن جو ماں پیو نوں پتھر دل کرکے اپنے توں دور کر دیندے ہن۔ اس گھر دیاں نونہاں اپنیاں بھرجائیاں توں اپنے ماں پیو دی سیوا لئی کس طرحاں دی امید رکھدیاں ہون گیاں۔ ایویں دیاں اولاداں اپنے لئی کیہو جہے کرما دا انتظار کر رہیاں ہن اتے اپنے بچیاں نوں کیہڑیاں امیداں سدھراں نال سنسکار دندیاں ہن، شاید ایہو جہیاں اولاداں دی وی اصل جگہ بردھ آشرم دیاں چار دیواراں وچّ گزرےگی ہو سکدا ہے جس ترح ہن دیاں اولاداں دا خون چٹا ہے اوہناں دی پیڑھی اوہناں نوں ہور تکلیف دین والی ہووے تے اوہناں دی سزا بہت وڈی ہووے۔
پر شاید کتے ناں کتے ہن دی سوچ دے ماں پیو دی سوچ آدھونک ہون کرکے وی اس گلّ دا وڈی وجہ بن رہی ہے کہ بردھ آشرم ہی اک اجیہی جگہ ہے جتھے اوہناں دے بزرگ ماں پیو صحیح طریقے نال اپنے بڈھاپے نوں گزار سکدے ہن تے اپنے لئی وی اوہی رستیاں دی تیاری کر رہے ہن جنہاں تے ماں پیو نوں چھڈّ دتا جاندا ہے۔ ماں پیو دی محبت توں وڈی اس دھرتی تے کوئی دین نہیں ہے جسدا ملّ اوہناں دے بڈھاپے وچّ ہی اتاریا جا سکدا ہے۔ ماں پیو دا پیار ہی اصل تے روحانی ہے اس پیار توں اپر نہ کجھ ہے تے نہ ہی ہو سکدا ہے۔
اک امید ہےکہ نوجوان پیڑھی اپنے ماں پیو دی عزت کرے تے اپنے گھر دے بزرگاں نال ماں- پیو، دادا- دادی، نانا- نانی دا دلوں ستکار تے اوہناں دی چنگے طریقے نال سنبھال کرن والی ہووے تے اپنا زیادہ توں زیادہ سماں بزرگاں کول گزارےا تے اوہناں دی حیاتی دےتجربیاں نوں اپنی زندگی وچّ اپناوے تے سفلتا پراپت کرن۔
