صدیق حیرت ہوراں دے شعری پراگے’’چوک والا کُوہ‘‘دا مُکھ وکھالی اکٹھ
پنجابی سیوک و پنجابی شاعر علی احمد گجراتی ہوراں اِکٹھ دی پردھانی کیتی
رپورٹ: اویس باسل
نائب صدر دل دریا پاکستان رجسٹرڈ صدیق حیرت ہوراں دے شعری پراگے’’چوک والا کھُوہ‘‘دا مُکھ وکھالی اکٹھ دا پربندھ ’’پنجاب ادب رنگ‘‘ کڑیال ولوں 95 گ ب نواں جمشیر فیصل آباد وچ کیتا گیا۔ پنجابی سیوک و پنجابی شاعر علی احمد گجراتی ہوراں اِکٹھ دی پردھانی کیتی۔اچیچے پروہنیاں وچ اظہر ورک ننکانہ،شاکر ملہی کھاریانوالا،عاشق علی فیصل،جڑانوالا،ڈاکٹر محمد ایوب فیصل آباد،امتیاز قیس چٹھہ علی پور چٹھہ،ملک اکرم عباس جڑانوالہ ہوراں دے ناں شامل سن۔
ایس توں وکھ مان جوگ رلتی شاعراں وچ ریاض خلجی،شہزاد الفت،ندیم حسین نجم،فرزمد شائق،امانت علی زبیری، حافظ عابد بسمل،اسد اعوان، ایڈووکیٹ ارسلان صادق ہوراں دے ناں شامل سن۔اکٹھ دے پردھان علی احمد گجراتی ہوراں صدیق حیرت ہوراں دے شعری پراگے تے اوہناں نوں ودھائی دتی۔ اوہناں دے ایس پنجابی بولیاں دے شعری پراگے نوں پنجابی ادب وچ اک وڈا وادھا قرار دتا۔
اچیچے پروہنیاں اظہر ورک،عاشق علی فیصل تے ڈاکٹر محمد ایوب ہوراں نے صدیق حیرت ہوراں دے پنجویں پنجابی شعری پراگے ’’چوک والہ کُھوہ‘‘ جیہڑا کہ پنجابی بولیاں دا پراگا اے،تے بھرویں گل بات کیتی۔تے صدیق حیرت ہوراں دی پنجابی شعر و ادب تے زبان نال جُڑت نوں بھرویں سلاہنا پیش کیتی۔
اس اکٹھ وچ عام لوکائی توں وکھ علاقے دیاں مان جوگ شخصیات نے وی بھرویں رلت کیتی جنہاں وچ نمبر دار انوارالحسن،بائو عبدالعزیز، محمد شریف،صوفی منیر احمد،حاجی محمد رفیق،اعجاز بٹ،محمد بوٹا ٹھیکدار،بابو عبدالرزاق، صابر حسین،پروفیسر سید وقار حیدر،عبدالخالق،سعید گوہیر، رانا فہد یعقوب،رانا صدام حسین تے رفیق ابنِ علی ہوراں دے ناں شامل سن۔
بابا جی صدیق حیرت ہوراں دے پُتراں ضیاء احمد،عامر سعید تے شہزاد احمد ہوراں پروگرام دا آہر کیتا۔طاہر گوہیر، نوید بھٹی ایڈووکیٹ،اکرم انصاری،رانا یاسین تے ماسٹر ظفر یاسین ہوریں اس اکٹھ دے بانہہ بیلی بنے۔عوام دی اک وڈی گنتی نیں۔ ایس اچیچے اکٹھ وچ رلت کرکے اپنی ادب دوستی دا ثبوت دتا۔
