ادارہ ہفت روزہ کامرانیاں دے پربند ہیٹھ شریف کنجاہی ایوارڈ دا انعقاد
پردھانی اشرف نازک کنجاہی ہوراں کیتی، میڈیا اینڈ پبلیکیشن ڈائریکٹر یونیورسٹی گجرات شیخ عبدالرشید اچیچے پروہنے سن، بابا بشیر ملنگ ہوریں آدری پروہنے سن،احسان فیصل کنجاہی ہوراں اکٹھ دی مجمانی تے نظامت کیتی
رپورٹ: اویس باسل
میونسپل لائبریری کنجاہ گجرات وچ اک اُچ پدھر اِکٹھ وچ چودھویں شریف کنجاہی ایوارڈ دا پربند کیتا گیا۔آفتاب کپور ہوراں قران کریم دی تلاوت نال اکٹھ دا مُڈھ بنھیا۔پردھانی اشرف نازک کنجاہی ہوراں کیتی۔ میڈیا اینڈ پبلیکیشن ڈائریکٹر یونیورسٹی آف گجرات شیخ عبدالرشید اُچیچے پروہنے سن۔ بابا بشیر ملنگ ہوریں آدری پروہنے سن۔
اکٹھ وچ حیاتی دے وکھو وکھ پکھاں(ادب صحافت فنونِ لطیفہ)وچ سیوا چاری کرن والے متراں نوں ایوارڈ نال نوازیا گیا۔ ایوارڈ حاصل کرن والیاں وچ محمد فاروق بزمی لہور، حکیم ناز جلالوی فیصل آباد،عمران سہیل منڈی بہائوالدین،میڈم غزالہ شاہین گجرات، پروفیسر محمود حسین آزادکشمیر،سراج احمد تنولی مانسہرہ، ہمایوں پرویز لہور، ایوب صابر سیالکوٹ،صوبیدار حاجی رشید احمد پھالیہ، عقیل شافی لہور توں شامل سن۔اس توں وکھ علاقے دی ممتاز علمی ،ادبی سماجی تے سیاسی شخصیات نیں اکٹھ وچ رلت کرکے رونق بنائی۔
اچیچے لوکاں وچ ڈاکٹر عبدالمالک، عبدالحفیظ صراف،منیرصابری کنجاہی،رحمت اللہ شہزاد، فصیح اللہ جرال،منیر چشتی کنجاہی،میر عبدالباقی،غلام شبیر بٹ، شفران اقبال،عمران قیصر،محمد سلیم رحمانی، صدیق مجاہد، مہرذوالفقار، ڈاکٹر عبدالباسط، قمر رشید چشتی، نومی چودھری،مہراقبال ناصر،محمد نعمان ، مورس ایوب، عروس فاروقی، فیصل محمود ہوراں دے ناں شامل سن۔ اکٹھ وچ ممتاز ادبی شخصیت رحمت اللہ شہزاد ہوراں میڈم غزالہ شاہین تے دھی رانی مِرحا فیصل نوں قران پاک دا تحفہ پیش کیتا تے اچیچے پروہنیاں دے سراں تے پگاں وی بنھیاں۔ میڈم غزالہ شاہین ہوراں اپنے ہتھاں نال لکھیا قران کریم دا نسخہ اچیچ نال پیش کیتا۔ رلتی متراں ولوں اس مبارک آہر نوں بہت سراہیا گیا۔ اکٹھ دے کامیاب انعقاد تے ادبی حلقیاں ولوں مجمان تے آہری احسان فیصل کنجاہی ہوراں نوں دھن شاوا آکھیا جارہیا اے تے اس ادبی اکٹھ دی بھرویں سلاہناں کیتی جارہی اے۔
اکٹھ دے آخر تے رلتیاں دی رات دے اَن پانی نال سیوا کیتی گئی۔ اشرف نازک کنجاہی ہوراں دعا منگ کے اکٹھ دا انت کیتا۔
