سجاد احمد جان دیاں تِن کتاباں دا مُکھ وکھالی اِکٹھ

تقریب دا آہر گورنمنٹ جناح اسلامیہ کالج سیالکوٹ دے فاطمہ جناح آڈیٹوریم اندر کیتا گیا

رپورٹ: محمد اویس باسل

پنجابی ادبی تنظیم ’’سوچاں دی مہکار‘‘ نے منفرد لہجے دے شاعر سجاد احمد جان دیاں تِن کتاباں ’’تمہیں ہم قید کر لیتے‘‘، ’’تمہارے بعد کا موسم‘‘تے ’’عرقِ انفعال‘‘ دا آدری اکٹھ گورنمنٹ جناح اسلامیہ کالج سیالکوٹ دے فاطمہ جناح آڈیٹوریم وچ آہر کیتا گیا۔

اکٹھ توں پہلاں سوچاں دی مہکار دی ٹیم محمد ایوب صابر، آصف علی علوی، محمود حیدر پیرزادہ، اویس عاجز تے عدنان قلزم رانجھا نے پروہنیاں نوں گلدستے پیش کرکے اوہناں دا سواگت کیتا۔ تقریب دو حصیاںا تے مشتمل سی۔ پہلے حصے وچ سجاد احمد جان دے فن تے شخصیت اتے گل بات کیتی گئی۔ اس حصے دی صدارت سید زاہد بخاری نے فرمائی۔ طارق ملک نے تلاوت کلام پاک دی سعادت حاصل کیتی۔ اقبال احمد ساجد نے ہدیہء نعت پیش کیتا۔ نظامت دے فرائض محمد ایوب صابر نے ادا کیتے۔ محمد ایوب صابر، نعمت اللہ ارشد، شیخ اسلم شاہد تے رحمان امجد مراد نے سجاد احمد جان دے فن اور زندگی تے گل بات کیتی۔ اس دے بعد سجاد احمد جان نے اپنا کلام پیش کیتا۔ اس دے بعد محفل مشاعرہ دا آغاز ہویا۔ مشاعرے دی صدارت ڈاکٹر صغیر احمد صغیر نے فرمائی۔اُچیچے پروہنیاں وچ عرفان صادق، سجاد احمد جان، علی احمد گجراتی، رشید آفرین، اعجاز عزائی، سید عدید، مظفر ممتاز، محمد شوکت ڈار اور مقصود یاور ہوریں شامل سن۔

مشاعرے دا آغاز ہویا تے پوری فضا بدل گئی۔ واہ واہ ، ارشاد تے تالیاں دی آواز نال رونق لگ گئی ۔شاعراں نے بہترین کلام نال سامعین دے دل جِت لئے۔ اردو پنجابی دا بہترین کلام پیش کیتا گیا۔ کویتا غزل مہرہ، سمیرہ ساجد، شبنم شاہین، تجمل حسین سچل، اویس عاجز، انور محمد انور، وسیم جوتش،جاوید مہدی،طارق ملک، عدنان قلزم رانجھا، ڈاکٹر نصیر اسد،عدیل احمد، نعمت اللہ ارشد، آصف علی علوی، عبدالزاق خاکی، اقبال احمد ساجد، محمود حیدر پیرزادہ،محمد ایوب صابر، عبدالمجید صابری، رمضان تائب، اسلم ہیرا، طاہر خیال، مرزا سیف اللہ ساجد، ڈاکٹر عادل بادشاہ، دلشاد احمد، شیخ اسلم شاہد، مرزا یونس طالب، ڈاکٹر اکبر علی غازی، مقصود یاور، سید عدید، مظفر ممتاز، محمد شوکت ڈار، رشید آفرین، علی احمد گجراتی، سید زاہد بخاری، سجاد احمد جان،اعجاز عزائی، عرفان صادق اور ڈاکٹر صغیر احمد صغیر نے اپنا کلام پیش کیتا۔ سجاد احمد جان نے سوچاں دی مہکار دا بہترین تقریب دے انعقاد تے شکریہ ادا کیتا۔ ڈاکٹر صغیر احمد صغیر ہوراں دا آکھنا سی محفل وچ پیش کیتا گیا کلام انتہائی معیاری اور منفرد سی۔ سجاد احمد جان نے پروہنیاں نوں اپنی تصانیف تحفے وچ پیش کیتیاں۔آن والے پروہنیاں نوں رات دا کھانا پیش کیتا گیا۔