انجمن ترقی پسند مصنفین ولوں مدثر بشیر دی کتاب’’ لاہور دی وار مسیتاں‘‘ بارے پروگرام

پروگرام آرگنائز کرن وچ جاوید آفتاب، کامریڈ تنویر تے مرزا عثمان بیگ نے اہم کردار ادا کیتا

رپورٹ: آفاق بٹ

انجمن ترقی پسند مصنفین دے جاوید آفتاب، کامریڈ تنویر تے نوجوان لکھاری،تاریخ دان مرزا عثمان بیگ نے پیلاک لاہور وچ مدثر بشیر دی کتاب ’’لاہور دی وار مسیتاں‘‘ا تے پروگرام کروایا۔جس دی صدرات جناب اقبال قیصر ہوراں کیتی،چیف گیسٹ انڈیا تو آئی ہرکیرت کور ہوری سن، نظامت دے فرائض زاہد حسن نے ادا کیتے۔ہور مہمانان وچ، افضل ساحر،نیلم بشیر،ممتاز راشد لاہور،سید فیضان نقوی،ڈاکٹر غافر شہزاد،ایم آر شاہد،سلمان کھوکھر،ذیشان ہاشمی،تنویر حسین،شمسہ شفقت ، عادل لاہوری تے لاہور دے نامور لکھاری تے تاریخ دان شریک ہوئے۔
اقبال قیصر ہوراں صدرات دے فرائض ادا کردے ہوئے مدثر بشیر نوں زبردست خراجِ عقیدت پیش کتیا تے آکھیا کہ اج دے درو وچ تریخ ا تے کم کرنا کنا اوکھا کم اے مگر مدثر بشیر ہوری پوری محنت تے لگن نال ایس کم تے جڑے ہوئے نیں۔ہرکیرت کور ہوراں اظہار خیال کردے ہوے مدثر بشیر دی کتاب لاہور دی وار مسیتاں تے مبارکباد پیش کیتی نالے اے خواہش دا اظہار وی کیتا کہ مدثر بشیر دی ہور کتاباں طرح اگر کدی اس کتاب دا وی گرومکھی چے ترجمہ ہو سکے تے او وی پڑھ سکن۔ڈاکٹر غافر شہزاد نے مسیتاں دی انتظامیہ تے مسیتاں نال جڑے لوکاں بارے گل بات کیتی۔ پروگرام دا آغاز تے سانحہ سیالکوٹ دے واقع تے مذمتی قرارداد پیش کیتی گئی نالے دو منٹ کھڑے ہو کے خاموشی اختیار کیتی گئی۔