مولانا ظفر علی خان ٹرسٹ ولوں ایم آر شاہد نال فکری بیٹھک

گل بات دا مرکزی موضوع ’’مشاہیر پر تحقیق کی اہمیت اور ضرورت‘‘ رکھیا گیا

رپورٹ: آفاق بٹ

مولانا ظفر علی خان ٹرسٹ ولوں فکری فورم دے تحت اک گفتگو دا پروگرام ترتیب دتا گیا جیہدے مہمان مقرر تمغہ امتیاز جناب ایم آر شاہد سن۔ گل بات دا مرکزی موضوع ’’مشاہیر پر تحقیق کی اہمیت اور ضرورت‘‘ رکھیا گیا۔

تلاوت کالم پاک دے بعد کجھ رلتیاں نے ایم آر شاہد(تمغہ امتیاز) دی تحقیقی سیوا اُتے روشنی پائی تے اوہناں نوں خراج تحسین پیش کیتا۔ حامد انوار ہوراں ایم آر شاہد واسطے پی ایچ ڈی دی اعزازی ڈگری دا مطالبہ دہرایا جو کہ ایس توں پہلے وی کئی نامور شخصیات ولوں کیتا جا چکیا اے۔ اوہناں نے آکھیا کہ ایم آر شاہد اوہ شخصیت اے نوجنھاں ’’مردیاں نوں زندہ کر دتا‘‘۔ خالد اعجاز مفتی ہوراں ایم آر شاہد ہوراں دی کتاب دے نال نال دُجی خدمات اُتے وی روشنی پائی۔ سید احمد حسن ہوراں ایم آر شاہد ہوراں دی تحسین وچ کجھ شعر پیش کیتے۔

ایس دے بعد ایم آر شاہد ہوراں موضوع گفتگو اتے بھرویں تے مفصل گل بات کیتی۔
رلتیاں نوں سوالات دا موقع وی دِتا گیا۔ شرکاء ولوں شاندار سوالاں دے جواب ایم آر شاہد ہوراں سوہنے ڈھنگ نال دِتے۔ مرزا عثمان بیگ نے جو کہ ایم آر شاہد دے تحقیق وچ شاگرد دا درجہ حاصل کر چکے نیں ، بہت شاندا ر انداز وچ ایم آر شاہد دی تحقیقات دے طریقے اتے روشنی پائی۔خالد محمود ہوریں جو ظفر علی ٹرسٹ دے چیئرمین نیں اوہناں میزبان دے طور ایم آر شاہد دی خدمات نوں خراج تحسین پیش کردے ہوئے آکھیا کہ اسیں اوہناں دی آمد تے مشکور آں۔ جناب تاثیر مصطفی ہوراں نقابت دے فرائض انجام دِتے۔ ہور معزز مہماناں وچ نواب برکات،رائو مبارک علی،رانا حمیر علی،اعزاز سید،احمد محمودی،پروفیسر مظہر عالم بھٹی، سید تنویر گیلانی، فیض محمد، حاجی محمد خلیل، فرقان ہاشمی، عبدالرحمن، عبدالرحیم تے ممتاز ملک ہوراں دے ناں شامل سن۔ پروگرام شروع ہون توں پہلے مہماناں دی تواضع چاہ تے لوازمات نال کیتی گئی۔