پستہ –بے شمار فائدے

پستے وچ موجود روغن جلد نوں ملائم تے پرکشش رکھدے نیں

حکیم حارث نسیم سوہدروی

پستہ موسم سرما وچ خشک میوہ جات بڑی رغبت نال کھائے جاندے نیں جنہاں وچ اک پستہ اے سردیاں دی بھیگی راتاں وچ رضائی وچ منہ دے کے نمک لگے پستے کھانا بوہت مزیدار ہوندا اے ایس دی غذائی تے دوائی افادیت بوہت زیادہ اے۔ مدافعتی نظام نوں مضبوط بناندا اے دل دماغ جگر تے معدے لئی بوہت مفید اے۔ کولیسٹرول دی سطح نوں گھٹ کردا اے تے شرائین قلب دے تھکے کھولدا اے پر ایس دا استعمال اعتدال وچ رہ کے کرنا چاہیدا اے تے ودھدے ہوئے خون دے دبائو یعنی ہائی بلڈپریشر دے مریض پستہ اُتے نمک نہ لائو پستے دا درخت تاریخ توں پرانے درختاں وچ شمار ہوندا اے ایہہ 10 انچ تیکر بلند تے سینکڑوں سال تیکر رہندا اے۔ ایس دا آبائی علاقہ مغربی ایشیا، شام تے افغانستان قرار دتا جاندا اے۔ قدیم فارس وچ ایہہ میوہ جات بوہت قیمتی خیال کیتا جاندا تے دولت شہرت تے خوش حالی دی علامت تصور کیتا جاندا، اک پیالی پستے جیہڑے کہ بغیر چھلکے دے ہون وچ
کیلوریز 159
پروٹین 5.72
چکنائی 13 گرام
فائبر 7.70
کاربوہائیڈریٹس 34 ملی گرام
میگنشم 291ملی گرام
پوٹاشیم 0.482 ملی گرام
وٹامن بی 6
تھایا مین 0،247 ملی گرام اجزاء ہوندے نیں۔ پستہ دا شمار ایہناں گری دار میوہ جات وچ ہوندا اے جنہاں وچ کیلیوریز colories، امینوایسیڈ، معدنیات تے حیاتین دا تناسب بوہت زیادہ اے۔ پوٹاشیم دے نال نال فاسفورس تے نگنینشیم دی وڈی مقدار ہوندی اے۔ پستہ آنٹی اکسیڈینٹ خصوصیات دا حامل اے۔ جیہڑا فنیولک کمپاؤنڈز تے حیاتین ای دا مواد فراہم کردے نیں۔ زمانہ قدیم وچ اطبا ایہنوں شباب آور یعنی جوانی واپس لیان لئی استعمال کرواندے سن تے ایہنوں قیمتی میوہ قرار دتا جاندا سی۔ پستہ انتہائی مفید چیر بیلے تیزاباں ( فیٹی ایسڈ) نال بھرپور ہوندا اے۔ جیہڑا جلد نوں صحت مند ملائم و نرم تے چمک نوں قائم رکھدے نیں۔ پستے وچ موجود روغن جلد نوں ملائم تے پرکشش رکھدے نیں ایہہ اپنی آنٹی اکیسدنٹس خصوصیات دے باعث جلد اُتے ڈھلدی عمر دے باعث ظاہر ہون والی علامتاں نوں روکدا اے۔ پستے دا باقاعدہ دا استعمال سورج دی شعاعواں نال جلد اُتے مضر اثرات نوں روکدا اے۔ دھُپ دی جلن تے تپش گھٹ کردا اے تے سرطان توں محفوظ بناندا اے۔ پستے وچ موجود بائیوٹن والاں نوں ڈگن توں روکن وچ مدد دیندا اے جے پستہ پیس کے پنج چمچے فیر ایس وچ ناریل دا تیل 2 چمچے ملا کے کریم بنا لوئو یا ایہہ کریم سر دی جلدی اُتے لا کے 20 منٹ تیکر چھڈ دیو تے بعد وچ والاں نوں چھڈ دیو جس نال والاں وچ لچک تے تازگی ہوئے گی۔2017وچ ہون والی اک تحقیق دے مطابق ایہہ فائبر (پھوک) دی وجہ نال آنتاں دے سرطان نوں روکن وچ مفید اے جیہڑا خواتین خوب صورت رہنا چاہندی اے ایہناں نوں پستہ روزمرہ دی غذ وچ شامل رکھنا چاہیدا اے اک تحقیق وچ مطابق جدوں شوگر ودھان والی غذائواں دے نال پستے دتے گئے تے ایس نال خون وچ شکر دی مقدار نہیں ودھی ایس طرح خیال ایہہ وے کہ پستہ خون وچ شکر دی مقدار متوازن رکھدا اے۔ پستے دا استعمال موٹاپا نہیں کردا کیوں جے ایس وچ بوہت گھٹ کیلوریز ہوندی اے۔ 50 پستیاں وچ صرف 159 کیلوریز پائی جاندی اے اپنی انٹی اکیسدنٹس خصوصیات دی وجہ نال سرطان (کینسر) تے امراض قلب توں محفوظ بناندا اے۔ پستے وچ موجود آنٹی اکیسڈنٹس لیوٹین تے زی ایلنتھسن موتیا تے بڑھاپے دے امراض وچ مفید اے پستہ جسم انسانی دی ضرورت پروٹین (لحمیات ) نوں پورا کردا اے اک پستے دا 21 فیصد وزن پروٹین ہوندا اے۔ اج کل گوشت مہنگا اے تے لوک گھٹ ای استعمال کردے نیں انج دے لوک پستے دا استعمال کر کے جسم دی اہم ضرورت پروٹین دی کمی توں محفو ظ رہ سکدے نیں۔ پستہ وچ فائبر (پھوک) بڑی مقدار وچ ہوندا اے ایس لئی معدہ تے آنتاں لئی بوہت مفید اے معدہ تے آنتاں دا فعل درست رکھدا اے قبض دور کردا اے تے معدہ دے مفید بیکڑیا دی تعداد ودھاندا اے جس دے صحت اُتے چنگے اثرات ہوندے نیں۔ 2012 وچ ہون والی تحقیق دے مطابق پستے دا استعمال موٹا پا گھٹ کردا اے پستہ فائبر دی وجہ نال شکم یعنی پیٹ بھرن دا احساس پیدا ہوندا اے فیر ایہناں وچ کیلوریز وی گھٹ ہوندے نیں ایس طرح اسیں ایہناں وزن گھٹ کرن لئی وی استعمال کر سکدے نیں اگرچے ایہہ زمانہ قدیم دا میوہ اے تاں ہن ایس دے درخت ایران، یونان، اسپین، اٹلی، امریکہ، ترکی، آسٹریلیا،تے مغربی افریقہ دے نال نال ایشیا وچ وی اگائے جاندے نیں۔ ترک دنیا بھر وچ مارکیٹ دی ادھی سپلائی کردا اے ایہہ اک لکڑی والا پودا اے جدوں ایس دا پھل خشک ہو جاندا اے تے ایس دا گودا خشک ہو جاندا اے تے پتھریلے ہوئے دو حصیاں وچ ہوندا اے جس وچ نٹ ظاہر ہوندا اے جد کہ ایہنوں تل کے چمکین کر کے گری دار میوہ دی صورت فروخت کیتا جاندا اے۔